ഗ്വാളിയോറിൽ ഗോഡ്​സെയുടെ ക്ഷേത്രത്തിന്​ ഹിന്ദുമഹാസഭ തറക്കല്ലിട്ടു 

ഗ്വാളിയോർ: മധ്യപ്രദേശിലെ ഗ്വാളിയോറിൽ ഹിന്ദു മഹാസഭ നാഥുറാം ഗോഡ്​സെയുടെ  ക്ഷേത്രത്തിന്​ തറക്കല്ലിട്ടു.  ഗോഡ്​സെയുടെ 68ാം ചരമ വാർഷികത്തോടനുബന്ധിച്ച്​ ഹിന്ദു മഹാസഭയുടെ ഒാഫീസിലാണ്​ തറക്കല്ലിട്ടത്​​. ഗോഡ്​സെക്ക്​ ക്ഷേത്രം നിർമിക്കാൻ സ്​ഥലം അനുവദിക്കണമെന്ന്​ ഹിന്ദു മഹാസഭ ജില്ലാ അധികാരികളോട്​ ആവശ്യപ്പെട്ടിരു​െങ്കിലും ആവശ്യം നിരസിക്കപ്പെട്ടു. അതിനാലാണ്​ സ്വന്തം സ്​ഥലത്ത്​ അതിനുള്ള നടപടികൾ തുടങ്ങിയതെന്ന്​ ഹിന്ദു മഹാസഭ വൈസ്​ പ്രസിഡൻറ്​ നാരായൺ ശർമ്മ പറഞ്ഞു. 

യുവാക്കൾക്ക്​ ഇന്ത്യൻ ചരിത്രത്തെ കുറിച്ച്​ അറിവില്ല. ഇന്ത്യയുടെ സ്വാതന്ത്ര്യ സമരത്തെ കുറിച്ചും അതിനുവേണ്ടി ജീവത്യാഗം ചെയ്​തവരെ കുറിച്ചും പുതുതലമുറയെ പഠിപ്പിക്കുക എന്നതാണ്​ ഗോഡ്​സെ ക്ഷേത്രം കൊണ്ട്​ ഉദ്ദേശിക്കുന്നത്​. അതിനു വേണ്ട നടപടികൾ തുടങ്ങിയിട്ടുണ്ട്​.  നാല്​ രാഷ്​ട്രീയ പാർട്ടികൾ ​േക്ഷത്രനിർമാണത്തിന്​ തങ്ങളെ സഹായിക്കുന്നുണ്ടെന്നും ഹിന്ദു മഹാസഭ പറഞ്ഞു. 

1947ൽ ബ്രിട്ടീഷുകാർ ഇന്ത്യ വിടുകയാണെന്ന്​ മഹാത്​മാ ഗാന്ധിജിയെ അറിയിച്ചു. അതോടൊപ്പം ഇന്ത്യ വിഭജനം എന്ന ചർച്ചയും ഉയർന്നു വന്നു. അന്ന്​ അഖില ഹിന്ദു മഹാസഭ ഇതിനെതിരെ ശക്​തമായി രംഗത്തെത്തി. താൻ മരിച്ചാലല്ലാതെ വിഭജനം അനുവദിക്കില്ലെന്ന്​ അന്ന്​ ഗാന്ധിജി നിലപാടെടുത്തു. എന്നാൽ നെഹ്​റുവിനും മുഹമ്മദലി ജിന്നക്കും പ്രധാനമന്ത്രിമാരാകണമായിരുന്നു. അതിനായി വിഭജനത്തിന്​ ഗാന്ധിജിയും കൂട്ടു നിന്നു. വിഭജന സമയത്ത്​ ലക്ഷക്കണക്കിന്​ ഹിന്ദുക്കൾ മരിച്ചു. നാഥുറാം ഗോഡ്​​െസ അടിയുറച്ച ഹിന്ദുവായിരുന്നു. അദ്ദേഹത്തിന്​ ഇത്​ കണ്ടു നിൽക്കാൻ കഴിഞ്ഞില്ല. അതിനാൽ ഗോഡ്​സെ ഗാന്ധിയെ വധിച്ചുവെന്നും​ ശർമ പറയുന്നു. 

​േക്ഷത്രം തങ്ങളുടെ സ്വകാര്യ സ്​ഥലത്താണ്​ പണിയുന്നത്​. ആർക്കും തങ്ങളുടെ  വ്യക്​തിപരമായ അഭിപ്രായത്തെ മാറ്റാൻ സാധിക്കില്ലെന്നും ശർമ പറഞ്ഞു. ഗാന്ധിജിയെ വധിച്ച ഗോഡ്​സെയെ 1949 നവംബർ 15ന്​ തൂക്കി​ലേറ്റുകയായിരുന്നു.