ബിഹാർ കരട് വോട്ടർ പട്ടിക; മുസ്‍ലിം ഭൂരിപക്ഷ മേഖലയിൽ വോട്ടിൽ വെട്ടിനിരത്തൽ

ന്യൂ​ഡ​ൽ​ഹി: ബി​ഹാ​റി​ൽ ആ​ഗ​സ്റ്റ് ഒ​ന്നി​ന് തെ​ര​ഞ്ഞെ​ടു​പ്പ് ക​മീ​ഷ​ൻ പ്ര​സി​ദ്ധീ​ക​രി​ച്ച ക​ര​ട് വോ​ട്ട​ർ ലി​സ്റ്റി​ൽ​നി​ന്ന് 12​ പേ​രി​ൽ ഒ​രാ​ൾ എ​ന്ന നി​ല​യി​ൽ നീ​ക്കം ചെ​യ്യ​പ്പെ​ട്ട​താ​യി ക​ണ​ക്കു​ക​ൾ വ്യ​ക്ത​മാ​ക്കു​ന്നു. മ​ധു​ബ​നി ജി​ല്ല​യി​ൽ​നി​ന്ന് (3.52 ല​ക്ഷം) പേ​രു​ക​ളാ​ണ് നീ​ക്കം ചെ​യ്യ​പ്പെ​ട്ട​ത്. ഇ​വി​ടെ ആ​റു പേ​രി​ൽ ഒ​രാ​ൾ നീ​ക്കം ചെ​യ്യ​പ്പെ​ട്ടു​വെ​ന്നാ​ണ് ക​ണ​ക്കു​ക​ൾ.

സം​സ്ഥാ​ന​ത്ത് മു​സ്‍ലിം വി​ഭാ​ഗം കൂ​ടു​ത​ലു​ള്ള കി​ഴ​ക്ക​ൻ ബി​ഹാ​റി​ലെ സീ​മാ​ഞ്ച​ൽ മേ​ഖ​ല​യി​ലെ പൂ​ർ​ണി​യ ജി​ല്ല​യി​ൽ​നി​ന്ന് 2,73,920 പേ​രും അ​രാ​രി​യ​യി​ൽ​നി​ന്ന് 1,58,072 പേ​രും കി​ഷ​ൻ​ഗ​ഞ്ചി​ൽ​നി​ന്ന് 1,45,668 ഉം ​ക​തി​ഹാ​റി​ൽ​നി​ന്ന് 1,84,254 പേ​രു​ക​ളും വോ​ട്ട​ർ പ​ട്ടി​ക​യി​ൽ​നി​ന്ന് നീ​ക്കി​യി​ട്ടു​ണ്ട്.

സീ​മാ​ഞ്ച​ൽ മേ​ഖ​ല​യി​ലെ വോ​ട്ട​ർ​മാ​രി​ൽ വോ​ട്ട​ർ പ​ട്ടി​ക പ​രി​ഷ്‍ക​ര​ണ​വു​മാ​യി ബ​ന്ധ​പ്പെ​ട്ട് പ്ര​തി​പ​ക്ഷ പാ​ർ​ട്ടി​ക​ളു​ടെ ബൂ​ത്ത് ലെ​വ​ൻ ഏ​ജ​ന്റു​മാ​ർ അ​വ​ബോ​ധം സൃ​ഷ്ടി​ച്ചു​കൊ​ണ്ടി​രി​ക്കു​ക​യാ​ണെ​ന്നും തെ​ര​ഞ്ഞെ​ടു​പ്പ് ക​മീ​ഷ​ൻ ആ​വ​ശ്യ​പ്പെ​ട്ട 11 രേ​ഖ​ക​ളി​ൽ ഇ​ല്ലാ​ത്ത​വ​ർ​ക്ക് റെ​സി​ഡ​ൻ​ഷ്യ​ൽ സ​ർ​ട്ടി​ഫി​ക്ക​റ്റു​ക​ൾ​ക്കാ​യി അ​പേ​ക്ഷി​ച്ചി​ട്ടു​ണ്ടെ​ന്നും എ.​ഐ.​എം.​ഐ.​എം ബി​ഹാ​ർ വ​ക്താ​വ് ആ​ദി​ൽ ഹ​സ​ൻ ആ​സാ​ദ് പ​റ​ഞ്ഞു. വോ​ട്ട​ർ​മാ​രെ നീ​ക്കം ചെ​യ്യു​ന്ന​തി​നു​ള്ള കൃ​ത്യ​മാ​യ ന​ട​പ​ടി​ക്ര​മം ക​മീ​ഷ​ൻ പാ​ലി​ച്ചി​ട്ടു​ണ്ടോ എ​ന്ന് പ​രി​ശോ​ധി​ച്ചു​വ​രി​ക​യാ​ണെ​ന്ന് ആ​ർ.​ജെ.​ഡി നേ​താ​ക്ക​ൾ വ്യ​ക്ത​മാ​ക്കി.

65 ല​ക്ഷം പേ​രു​ക​ളാ​ണ് വോ​ട്ട​ർ​പ​ട്ടി​ക​യി​ൽ​നി​ന്ന് ക​മീ​ഷ​ൻ നീ​ക്കം ചെ​യ്ത​ത്. നീ​ക്കം ചെ​യ്യ​​പ്പെ​ട്ട​വ​രു​ടെ പ​ട്ടി​ക ക​മീ​ഷ​ൻ പ​ങ്കി​ടു​ന്നി​ല്ലെ​ന്നും ഫോ​മു​ക​ൾ സ​മ​ർ​പ്പി​ച്ചി​ട്ടും ക​ര​ട് പ​ട്ടി​ക​യി​ൽ​നി​ന്ന് പേ​രു​ക​ൾ ഒ​ഴി​വാ​ക്കി​യ​താ​യി നി​ര​വ​ധി വോ​ട്ട​ർ​മാ​ർ പ​രാ​തി​പ്പെ​ട്ടി​ട്ടു​ണ്ടെ​ന്നും പ്ര​തി​പ​ക്ഷ നേ​താ​ക്ക​ൾ പ​റ​യു​ന്നു.

പാ​ർ​ല​മെ​ന്റി​ൽ ച​ർ​ച്ച​ക്ക് സാധ്യത കുറവ്

ന്യൂ​ഡ​ൽ​ഹി: ബി​ഹാ​ർ വോ​ട്ട് ബ​ന്ദി വി​ഷ​യ​ത്തി​ൽ പാ​ർ​ല​മെ​ന്റി​ൽ ച​ർ​ച്ച വേ​ണ​മെ​ന്ന പ്ര​തി​പ​ക്ഷ ആ​വ​ശ്യം അം​ഗീ​ക​രി​ക്കി​ല്ലെ​ന്ന സൂ​ച​ന ന​ൽ​കി കേ​ന്ദ്ര നി​യ​മ​മ​ന്ത്രി അ​ർ​ജു​ൻ റാം ​മേ​ഘ്‍വാ​ൾ.

വി​ഷ​യ​ത്തി​ൽ ച​ർ​ച്ച ആ​വ​ശ്യ​പ്പെ​ട്ട് പ്ര​തി​പ​ക്ഷ പ്ര​തി​ഷേ​ധ​ത്തെ​തു​ട​ർ​ന്ന് പാ​ർ​ല​മെ​ന്റി​ന്റെ ഇ​രു​സ​ഭ​ക​ളി​ലും സ്തം​ഭ​നം തു​ട​രു​ന്ന​തി​നി​ടെ​യാ​ണ് ച​ർ​ച്ച​ക്ക് കേ​ന്ദ്രം സ​ന്ന​ദ്ധ​മ​ല്ലെ​ന്ന സൂ​ച​ന മ​ന്ത്രി ന​ൽ​കു​ന്ന​ത്.

തെ​ര​ഞ്ഞ​ടു​പ്പ് ക​മീ​ഷ​ൻ വി​ഷ​യ​ത്തി​ൽ മു​ൻ ലോ​ക്‌​സ​ഭാ സ്പീ​ക്ക​ർ ബ​ൽ​റാം ഝാ​ക്ക​റി​ന്റെ മാ​തൃ​ക പ്ര​തി​പ​ക്ഷം പ​രി​ശോ​ധി​ക്കു​മെ​ന്ന് താ​ൻ ക​രു​തു​ന്ന​താ​യി മ​ന്ത്രി പ​റ​ഞ്ഞു. 1980 മു​ത​ൽ 1989 വ​രെ ലോ​ക്‌​സ​ഭാ സ്പീ​ക്ക​റാ​യി​രു​ന്ന ബ​ൽ​റാം ഝാ​ക്ക​ർ തെ​ര​ഞ്ഞെ​ടു​പ്പ് ക​മീ​ഷ​ന്റെ പ്ര​വ​ർ​ത്ത​ന​ത്തെ​ക്കു​റി​ച്ച് പാ​ർ​ല​മെ​ന്റി​ന് ച​ർ​ച്ച ചെ​യ്യാ​ൻ ക​ഴി​യി​ല്ലെ​ന്ന് പ്ര​സ്താ​വി​ച്ചി​രു​ന്നു.