ജയ്ഷെ കമാൻഡർ സാഹിദ് വാനിയടക്കം അഞ്ച് ഭീകരരെ ഏറ്റുമുട്ടലിൽ വധിച്ചു

ശ്രീനഗർ: ജമ്മു കശ്മീരിലുണ്ടായ ഏറ്റുമുട്ടലിൽ ജയ്ഷെ മുഹമ്മദ് കമാൻഡർ സാഹിദ് വാനി ഉൾപ്പെടെ അഞ്ച് ഭീക​രരെ വധിച്ചതായി സൈന്യം.

ബുഡ്ഗാമിലും പുൽവാമയിലുമുണ്ടായ രണ്ട് വ്യത്യസ്ഥ ഏറ്റുമുട്ടലുകളിലാണ് സുരക്ഷസേന ഭീകരരെ വധിച്ചതെന്ന് പൊലീസ് പറഞ്ഞു. ലഷ്കറെ ത്വയ്ബ, ജയ്ഷെ മുഹമ്മദ് ഭീകരരാണ് കൊല്ലപ്പെട്ടതെന്ന് കശ്മീർ പൊലീസിലെ ഐ.ജി വിജയ് കുമാർ പറഞ്ഞു. പുൽവാമയിൽ നാലുപേരെയും ബുഡ്ഗാമിൽ ഒരാളെയു​മാണ് വധിച്ചത്.

ഈ വർഷം ഇതുവരെ 11ഏറ്റുമുട്ടലുകളിയി പാകിസ്താനിൽ നിന്നുള്ള എട്ടുപേരടക്കം 21 ഭീകരരെ വധിച്ചതായി കുമാർ പറഞ്ഞു. നേരത്തെ ഭീകരരുടെ വെടിയേറ്റ് പൊലീസുകാരൻ മരിച്ചിരുന്നു. ഹെഡ് കോൺസ്റ്റബിൾ അലിമുഹമ്മദാണ് അനന്ത്നാഗിൽ മരിച്ചത്.