ഇറാനിൽ നിന്നുള്ള ഇന്ത്യൻ വിദ്യാർഥികളുമായുള്ള ആദ്യ വിമാനം ഡൽഹിയിലെത്തി

ന്യൂഡൽഹി: ഇറാനിൽ നിന്നുള്ള ഇന്ത്യൻ വിദ്യാർഥികളുമായുള്ള ആദ്യ വിമാനം ഡൽഹിയിലെത്തി. 100ഓളം വിദ്യാർഥികളാണ് വിമാനത്തിലുള്ളത്. ഇറാനിൽ നിന്നും ഇവരെ അർമേനിയയിൽ എത്തിച്ച ശേഷം ഇന്ത്യയിലേക്ക് കൊണ്ടു വരു.

ഓപ്പറേഷൻ സിന്ധു എന്ന പേരിലാണ് ഇറാനിൽ നിന്നുള്ള രക്ഷാദൗത്യം ഇന്ത്യ നടത്തുന്നത്. ഇന്ത്യൻ എംബസി ചെയ്ത കൊടുത്ത സജ്ജീകരണങ്ങൾ ഉപയോഗിച്ച് കഴിഞ്ഞ ദിവസം 110 വിദ്യാർഥികൾ അതിർത്തി കടന്ന് തെഹ്റാനിൽ നിന്നും അർമേനിയയിൽ എത്തിയിരുന്നു. മടങ്ങിയെത്തിയവരിൽ ഭൂരിപക്ഷം ജമ്മുകശ്മീരിൽ നിന്നുള്ളവരാണ്.

ഇ​സ്രാ​യേ​​ൽ-​ഇ​റാ​ൻ സം​ഘ​ർ​ഷം മൂ​ർ​ച്ഛി​ച്ച​തോ​ടെ പൗ​ര​ന്മാ​രെ സു​ര​ക്ഷി​ത സ്ഥ​ല​ങ്ങ​ളി​ലേ​ക്ക്​ മാ​റ്റാ​നു​ള്ള ന​ട​പ​ടി​ക​ൾ ഇ​ന്ത്യ ആ​രം​ഭി​ച്ചി​രു​ന്നു.ക​ഴി​ഞ്ഞ ദി​വ​സ​മാ​ണ്​ വി​ദ്യാ​ർ​ഥി​ക​ളെ ഇ​റാ​നി​ലെ ഉ​ർ​മി​യി​ൽ​നി​ന്ന് അ​ർ​മേ​നി​യ​യി​ൽ എ​ത്തി​ച്ച​ത്. മ​ട​ങ്ങി​യെ​ത്തു​ന്ന ക​ശ്​​മീ​ർ സ്വ​ദേ​ശി​ക​ളാ​യ വി​ദ്യാ​ർ​ഥി​ക​ൾ​ക്ക്​ ഡ​ൽ​ഹി​യി​ൽ​നി​ന്ന് ശ്രീ​ന​ഗ​റി​ലേ​ക്ക്​ വി​മാ​ന​യാ​ത്ര ക്ര​മീ​ക​രി​ച്ചി​ട്ടു​ണ്ട്. ഇ​തു​സം​ബ​ന്ധി​ച്ച്​ വി​വ​രം ല​ഭി​ച്ച​താ​യി ജ​മ്മു- ക​ശ്​​മീ​ർ സ്​​റ്റു​ഡ​ൻ​റ്​​സ്​ അ​സോ​സി​യേ​ഷ​ൻ പ്ര​തി​നി​ധി​ക​ൾ പ​റ​ഞ്ഞു.

1500ഓ​ളം ഇ​ന്ത്യ​ൻ വി​ദ്യാ​ർ​ഥി​ക​ളാ​ണ് ഇ​റാ​നി​ലു​ള്ള​ത്. ഇ​തി​ൽ ഭൂ​രി​ഭാ​ഗ​വും ക​ശ്മീ​രി​ൽ നി​ന്നു​ള്ള​വ​രാ​ണ്. സാ​ധി​ക്കു​മെ​ങ്കി​ൽ സ്വ​ന്തം നി​ല​ക്ക് തെ​ഹ്റാ​ൻ വി​ടാ​ൻ ഇ​ന്ത്യ​ൻ എം​ബ​സി നി​ർ​ദേ​ശി​ച്ചി​ട്ടു​ണ്ട്. ഉ​ർ​മി​ക്ക്​ പു​റ​മെ തെ​ഹ്റാ​നി​ൽ​നി​ന്ന്​ ഖൂ​മി​ലേ​ക്ക് 600 ഇ​ന്ത്യ​ൻ വി​ദ്യാ‌​ർ​ഥി​ക​ളെ ഒ​ഴി​പ്പി​ച്ചി​ട്ടു​ണ്ട്. ഇ​തി​നി​ടെ, സ്വ​മേ​ധ​യാ തെ​ഹ്​​റാ​ൻ വി​ട്ട്​ അ​തി​ർ​ത്തി​മേ​ഖ​ല​യി​ലെ​ത്തി​യ​വ​രെ​യും സു​ര​ക്ഷി​ത​മേ​ഖ​ല​യി​ലേ​ക്ക്​ എ​ത്തി​ച്ച്​ മ​ട​ക്ക​യാ​ത്ര ഏ​കോ​പി​പ്പി​ക്കാ​നു​ള്ള നീ​ക്ക​ങ്ങ​ൾ ന​ട​ന്നു​വ​രി​ക​യാ​ണെ​ന്ന്​ വി​ദേ​ശ​കാ​ര്യ​മ​ന്ത്രാ​ല​യം വ്യ​ക്ത​മാ​ക്കി.

വ്യോ​മാ​തി​ർ​ത്തി​ക​ൾ അ​ട​ച്ച​തും മറ്റും നി​ല​വി​ൽ ഒ​ഴി​പ്പി​ക്ക​ൽ ​​​പ്ര​വ​ർ​ത്ത​ന​ങ്ങ​ൾ​ക്ക്​ ​വെ​ല്ലു​വി​ളി​യാ​വു​ന്ന​താ​യി അ​ധി​കൃ​ത​ർ അ​റി​യി​ച്ചു. തെ​ഹ്റാ​നി​ൽ​നി​ന്ന് എം​ബ​സി​യു​മാ​യി നി​ല​വി​ൽ ബ​ന്ധ​പ്പെ​ട്ടി​ട്ടു​ള്ള 12 മ​ല​യാ​ളി വി​ദ്യാ​ർ​ഥി​ക​ളെ​യും വ​രും ദി​വ​സ​ങ്ങ​ളി​ൽ നാ​ട്ടി​ലെ​ത്തു​​മെ​ന്നാ​ണ്​ വി​വ​രം. വ്യോ​മ​പാ​ത അ​ട​ച്ച സാ​ഹ​ച​ര്യ​ത്തി​ൽ ഇ​റാ​നു​മാ​യി അ​തി​ർ​ത്തി പ​ങ്കി​ടു​ന്ന രാ​ജ്യ​ങ്ങ​ളി​ൽ ഇ​ന്ത്യ​ൻ പൗ​ര​ന്മാ​രെ എ​ത്തി​ക്കാ​നും അ​വി​ടെ​നി​ന്ന് ഡ​ൽ​ഹി​യി​ലേ​ക്ക് മാ​റ്റാ​നു​മാ​ണ് വി​ദേ​ശ​കാ​ര്യ മ​ന്ത്രാ​ല​യ​ത്തി​ന്‍റെ തീ​രു​മാ​നം. അ​സ​ർ​ബൈ​ജാ​ൻ, തു​ർ​ക്മി​സ്താ​ൻ, അ​ഫ്ഗാ​നി​സ്താ​ൻ എ​ന്നീ അ​തി​ർ​ത്തി​ക​ൾ വ​ഴി ഇ​ന്ത്യ​ൻ പൗ​ര​ന്മാ​രെ ഒ​ഴി​പ്പി​ക്കാ​നും നീ​ക്ക​മു​ണ്ട്. ഇ​റാ​നി​ലു​ള്ള വി​ദ്യാ​ർ​ഥി​ക​ള​ട​ക്കം 10000തോ​ളം പേ​രെ സു​ര​ക്ഷി​ത​മാ​യി ഒ​ഴി​പ്പി​ക്കാ​നാ​ണ് ശ്ര​മം. യു.​എ.​ഇ വ​ഴി​യും പൗ​ര​ന്മാ​രെ ഒ​ഴി​പ്പി​ക്കാ​ൻ ശ്ര​മം ന​ട​ക്കു​ന്നു​ണ്ട്.