മുസ്​ലിംകൾ നടത്തുന്ന കടകളിലെ ബിരിയാണിയിൽ മയക്കുമരുന്നെന്ന്​ വിദ്വേഷ പോസ്​റ്റ്​

ചെന്നൈ: കോയമ്പത്തൂർ നഗരത്തിൽ മുസ്​ലിംകൾ നടത്തുന്ന ബിരിയാണി കടകളിൽ പ്രത്യേക മരുന്നുകൾ ചേർത്താണ്​ ഭക്ഷണം വിൽക്കുന്നതെന്ന്​ ട്വിറ്റർ പോസ്​റ്റ്​. പടങ്ങളോടുകൂടിയ പോസ്​റ്റ്​ സമൂഹ മാധ്യമങ്ങളിൽ വൈറലായി​. ഇതോടെ വ്യാജ വാർത്തകൾ വിശ്വസിക്കരുതെന്നും പ്രതിയെ ഉടൻ പിടികൂടുമെന്നും കോയമ്പത്തൂർ സിറ്റി പൊലീസ്​ കമീഷണർ സുമിത്​ശരൺ അറിയിച്ചു.

ആർ.ഡി.സിങ്​@ആർ.ഡി - ബന എന്ന പേരിലാണ്​ പോസ്​റ്റ്​. കോയമ്പത്തൂരിലെ ‘മാഷാ അല്ലാഹ്​​’ എന്ന പേരിലുള്ള ബിരിയാണി കടയിൽ ഹിന്ദുക്കൾക്കുള്ള ഭക്ഷണത്തിൽ മയക്കുമരുന്നുകൾ ചേർക്കുന്നതായാണ്​ പ്രചരിപ്പിച്ചത്​.

വ്യാജ വാർത്തകൾ പ്രചരിപ്പിക്കരുതെന്നും അതി​​െൻറ ഉറവിടം ഉടൻ കണ്ടെത്തുമെന്നും കോയമ്പത്തൂർ പൊലീസ്​ വ്യക്തമാക്കി. നേരത്തെ ശ്രീലങ്കൻ ദമ്പതികളിൽനിന്ന്​ പിടികൂടിയ മയക്കുമരുന്നുകളുടെ ഫോേട്ടായാണ്​ ഇതിൽ ഉൾപ്പെടുത്തിയിരിക്കുന്നതെന്നും അറിവായി.