തെരഞ്ഞെടുപ്പ്: കോൺഗ്രസിന്​ പുതിയ വാർ റൂം

ന്യൂ​ഡ​ൽ​ഹി: ലോ​ക്സ​ഭ തെ​ര​ഞ്ഞെ​ടു​പ്പ്​ അ​ടു​ത്തു​വ​രു​ന്ന സാ​ഹ​ച​ര്യ​ത്തി​ൽ ത​ന്ത്ര​ങ്ങ​ൾ രൂ​പ​പ്പെ​ടു​ത്താ​ൻ പു​തി​യ ‘യു​ദ്ധ​മു​റി’ തി​ര​ഞ്ഞെ​ടു​ത്ത്​ കോ​ൺ​ഗ്ര​സ്. ലോ​ധി ഗാ​ർ​ഡ​ൻ റോ​ഡി​ലെ സി-1/10 ​ബം​ഗ്ലാ​വാ​ണ്​ ഇ​നി കോ​ൺ​ഗ്ര​സി​ന്‍റെ യു​ദ്ധ​മു​റി. ഈ​യി​ടെ ലോ​ക്സ​ഭാം​ഗ​ത്വം രാ​ജി​വെ​ച്ച്​ തെ​ല​ങ്കാ​ന മ​ന്ത്രി​യാ​യ ഉ​ത്തം​കു​മാ​ർ റെ​ഡി​ക്ക്​ അ​നു​വ​ദി​ച്ച ബം​ഗ്ലാ​വാ​ണ്​ പു​തി​യ വാ​ർ റൂം. ​റെ​ഡി എം.​പി​യ​ല്ലെ​ങ്കി​ലും ലോ​ക്സ​ഭ തെ​ര​ഞ്ഞെ​ടു​പ്പു വ​രെ അ​വി​ടം നി​ല​നി​ർ​ത്താ​മെ​ന്നാ​ണ്​ പാ​ർ​ട്ടി​യു​ടെ പ്ര​തീ​ക്ഷ. അ​തി​നി​ട​യി​ൽ മ​റ്റൊ​രാ​ൾ​ക്ക്​ സ​ർ​ക്കാ​ർ ഈ ​ബം​ഗ്ലാ​വ്​ വി​ട്ടു​കൊ​ടു​ക്കി​ല്ലെ​ന്ന്​ ഉ​റ​പ്പി​ല്ല.

15 വ​ർ​ഷ​ത്തോ​ളം ഗു​രു​ദ്വാ​ര ര​ക​ബ്​ ഗ​ഞ്ച്​ റോ​ഡി​ൽ എം.​പി​മാ​ർ​ക്ക്​ അ​നു​വ​ദി​ച്ച 15ാം ന​മ്പ​ർ ബം​ഗ്ലാ​വാ​യി​രു​ന്നു യു​ദ്ധ​മു​റി​യാ​യി ഉ​പ​യോ​ഗി​ച്ചി​രു​ന്ന​ത്. ആ​ദ്യം ന​ടി രേ​ഖ, പി​ന്നീ​ട്​ രാ​ജ്യ​സ​ഭാം​ഗം പ്ര​ദീ​പ്​ ഭ​ട്ടാ​ചാ​ര്യ എ​ന്നി​വ​ർ​ക്കാ​യി അ​നു​വ​ദി​ച്ച ബം​ഗ്ലാ​വ്​ ഇ​രു​വ​രും വാ​ർ റൂ​മി​നാ​യി വി​ട്ടു​കൊ​ടു​ത്തു. ഭ​ട്ടാ​ചാ​ര്യ​യു​ടെ രാ​ജ്യ​സ​ഭ കാ​ലാ​വ​ധി അ​വ​സാ​നി​ച്ച​പ്പോ​ൾ യു​ദ്ധ​മു​റി അ​വി​ടെ​ത്ത​ന്നെ നി​ല​നി​ർ​ത്താ​ൻ കോ​ൺ​ഗ്ര​സ്​ ശ്ര​മി​ച്ചെ​ങ്കി​ലും ന​ട​ന്നി​ല്ല. ഹ​രി​യാ​ന​യി​ൽ​നി​ന്നു​ള്ള സ്വ​ത​ന്ത്ര എം.​പി കാ​ർ​ത്തി​കേ​യ ശ​ർ​മ​ക്കാ​ണ്​ ബം​ഗ്ലാ​വ്​ തു​ട​ർ​ന്ന്​ സ​ർ​ക്കാ​ർ അ​നു​വ​ദി​ച്ചു​കൊ​ടു​ത്ത​ത്.