ഡൽഹിയിലെ ദുരഭിമാന കൊല: അക്രമികൾ വിദ്യാർഥിയെ പിന്തുടരുന്ന ദൃശ്യങ്ങൾ പുറത്ത്; സംഭവത്തിന്​ പിന്നിൽ കൂടുതൽ പ്രതികൾ​

ഡൽഹി: 18കാരനായ വിദ്യാർഥിയെ അടിച്ച്​ കൊല​െപ്പടുത്തിയ സംഭവത്തിൽ കൂടുതൽ ദൃശ്യങ്ങൾ പുറത്ത്​. ഡൽഹി ആദർശ്​ നഗർ സ്വദേശിയായ രാഹുലാണ്​ കൊല്ലപ്പെട്ടത്​. മറ്റൊരു ജാതിക്കാരിയായ പെൺകുട്ടിയുമായുള്ള ബന്ധത്തെ തുടർന്നാണ്​ വിദ്യാർഥിയെ ആക്രമിച്ചത്​. പെൺകുട്ടിയുടെ ബന്ധുക്കളായ കൗമാരക്കാരായിരുന്നു ആക്രമണത്തിന്​ പിന്നിൽ. കേസുമായി ബന്ധപ്പെട്ട്​ അഞ്ച്​ പേരെ ഡൽഹി പൊലീസ്​ കസ്​റ്റഡിയിലെടുത്തിട്ടുണ്ട്​. ഇതിൽ മൂന്ന്​​ പേർ പ്രായപൂർത്തിയാകാത്തവരാണ്​. കൊലപാതകത്തിന്​ തൊട്ടുമുമ്പുള്ള ദൃശ്യമാണ്​ നിലവിൽ പുറത്തുവന്നിരിക്കുന്നത്​.

ദൃശ്യങ്ങളിൽ രാഹുലിനേയും പെൺകുട്ടിയേയും ഒരുസംഘം ആളുകൾ പിന്തുടരുന്നതായാണ്​ കാണുന്നത്​. മുന്നിൽ പോകുന്ന രാഹുലിനേയും പെൺകുട്ടിയേയും വളഞ്ഞ്​ ഇവർ നടക്കുന്നതായാണ്​ ദൃശ്യങ്ങളിലുള്ളത്​. വീഡിയൊ പുറത്തുവന്നതോടെ സംഭവത്തിൽ കൂടുതൽ പ്രതികൾ ഉൾപ്പെട്ടിട്ടുണ്ടെന്ന നിഗമനത്തിലാണ്​ പൊലീസ്​. ബി.എ രണ്ടാം വർഷ വിദ്യാർഥിയായ രാഹുൽ വീടുകളിൽ പോയി ട്യൂഷൻ എടുത്തിരുന്ന​ു. ആക്രമണം നടന്ന സ്​ഥലത്തിന്​ അടുത്തായിരുന്നു രാഹുൽ താമസിച്ചിരുന്നത്​. പുതിയൊരു വിദ്യാർഥിയെ പരിചയപ്പെടാമെന്ന്​ പറഞ്ഞാണ്​ രാഹുലിനെ അക്രമികൾ ഫോൺ വിളിച്ച്​ കൃത്യം നടന്ന സ്​ഥലത്ത്​ എത്തിച്ചത്​. അതിനുശേഷം സംഘംചേർന്ന്​ അടിച്ച്​ കൊലപ്പെടുത്തുകയായിരുന്നു.

രാഹുലും പെൺകുട്ടിയും തമ്മിലുള്ള ബന്ധം ഇവരുടെ വീട്ടുകാർക്ക്​ ഇഷ്​മായിരുന്നില്ല. പെൺകുട്ടിയുടെ സഹോദരനും കുടുംബാംഗങ്ങളും ചേർന്നാണ്​ രാഹുലിനെ കൊലപ്പെടുത്തിയതെന്ന്​ സീനിയർ പൊലീസ്​ ഓഫീസർ വിജയാന്ത ആര്യ മാധ്യമ പ്രവർത്തകരോട്​ പറഞ്ഞു. പത്തോളം പേർ ചേർന്നാണ്​ മകനെ ആക്രമിച്ചതെന്നും നാട്ടുകാർ തടഞ്ഞിട്ടും അവർ ആക്രമണം തുടർന്നുവെന്നും രാഹുലി​െൻറ പിതാവും പറയുന്നു.​