ദേശീയ സുരക്ഷാ നിയമം: ആരെയും അറസ്റ്റ് ചെയ്യാൻ ഡൽഹി പൊലീസിന് അധികാരം നൽകി ലഫ്. ഗവർണർ

ന്യൂഡൽഹി: ദേശീയ സുരക്ഷാ നിയമ (എൻ.എസ്.എ.) പരിധിയിൽ പെടുന്ന കേസുകളിൽ ആരെയും അറസ്റ്റ് ചെയ്യാൻ ഡൽഹി പൊലീസിന് ലഫ്. ഗവർണർ അധികാരം നൽകി. ലഫ്. ഗവർണർ അനിൽ ബൈജാൾ പുറത്തിറക്കിയ വിജ്ഞാപനം ജൂലൈ 19 മുതൽ നിലവിൽ വന്നു.

Also Read:യു.പിയിൽ ന്യൂനപക്ഷത്തിനെത​ിരെ ദേശീയ സുരക്ഷ നിയമത്തിന്‍റെ വ്യാപക ദുരുപയോഗം​; ഹൈക്കോടതി റദ്ദാക്കിയത്​ 94 കേസുകൾ

ഒക്ടോബർ 18 വരെയാണ് പൊലീസ് കമ്മീഷ്ണർക്ക് ആരെയും കസ്റ്റഡിയിലെടുക്കാൻ അധികാരം നൽകിയിരിക്കുന്നത്.

Also Read:മുസ്ലിം വയോധികനുനേരേ ആക്രമണം; സംഭവം പുറത്തുകൊണ്ടുവന്ന യുവാവിനുമേൽ എൻ.എസ്​.എ ചുമത്തും

സ്വാതന്ത്ര്യ ദിനം, റിപബ്ലിക് ദിനം തുടങ്ങിയ പ്രധാന ആഘോഷങ്ങൾക്ക് മുന്നോടിയായി പതിവായി പുറപ്പെടുവിക്കുന്ന ഉത്തരവാണിതെന്നാണ് മുതിർന്ന ഉദ്യോഗസ്ഥരുടെ പ്രതികരണം. ജന്തർ മന്ദറിൽ നടക്കുന്ന കർഷക പ്രക്ഷോഭവുമായും പുതിയ നീക്കിത്തിന് ബന്ധമില്ലെന്നും പൊലീസ് വൃത്തങ്ങൾ പറഞ്ഞതായാണ് റിപ്പോർട്ട്.

Also Read:ദേശീയ സുരക്ഷ നിയമപ്രകാരം അറസ്റ്റിലായ സംഭവം: നഷ്ടപരിഹാര ഹരജിയുമായി മണിപ്പൂർ ആക്​ടിവിസ്​റ്റിന്‍റെ പിതാവ്

്അതേസമയം, കോവിഡ് ബാധിച്ച് മരിച്ച ബി.ജെ.പി നേതാവിനെക്കുറിച്ച് ഫേസ്ബുക്ക് പോസ്റ്റിട്ടതിന് ദേശീയ സുരക്ഷാ നിയമം ചുമത്തി തടവിലാക്കിയ മണിപ്പൂരി മാധ്യമപ്രവർത്തകൻ ജയിൽ മോചിതനായി. മണിപ്പൂർ ഹൈകോടതി ഉത്തരവിനെ തുടർന്നാണ് മേയിൽ തടവിലാക്കിയ മാധ്യമപ്രവർത്തകനെ ഇപ്പോൾ വിട്ടയച്ചിരിക്കുന്നത്.