ഉച്ചത്തിൽ പാട്ടുവെക്കുന്നത്​ എതിർത്ത സഹോദരൻമാരെ കുത്തിവീഴ്​ത്തി; ഒരാൾ മരിച്ചു

ന്യൂഡൽഹി: ഉച്ചത്തിൽ പാട്ടുവെക്കുന്നത് ചോദ്യംചെയ്​ത സഹോദരൻമാരെ അയൽവാസി കുത്തിവീഴ്​ത്തി. പരിക്കേറ്റ മൂന്നുപേരിൽ ഒരാൾ മരിച്ചു. 29കാരനായ സുശീൽ ചന്ദാണ്​ മരിച്ചത്​.

ഡൽഹിയിലെ മ​ഹേന്ദ്ര പാർക്ക്​ ഏരിയയിലെ ബഡോല ഗ്രാമത്തിലാണ്​ സംഭവം. ഉച്ചത്തിൽ പാട്ടുവെക്കുന്നതിനെ ചൊല്ലി രണ്ടു കുടുംബങ്ങൾ തമ്മിലുണ്ടായ വഴക്കാണ്​ കൊലപാതകത്തിൽ കലാശിച്ചതെന്ന്​ പൊലീസ്​ പറഞ്ഞു.

സുശീൽ ചന്ദും സഹോദരൻമാരായ സുനിലും അനിലും ചേർന്ന്​ അയൽവാസി അബ്​ദുൽ സത്താറിനോട്​ പാട്ടി​െൻറ ശബ്​ദം കുറക്കാൻ ആവശ്യപ്പെടുകയായിരുന്നു. തുടർന്നുണ്ടായ തർക്കം കൊലപാതകത്തിൽ കലാശിക്കുകയായിരുന്നു. സുശീൽ ചന്ദിനും സ​േഹാദരൻമാരെയും കത്തികൊണ്ട്​ പലതവണ കുത്തി പരിക്കേൽപ്പിച്ചു. പരിക്കേറ്റ മൂവരെയും ബാബു ജഗജീവൻ രാം മെമോറിയൽ ആശുപത്രിയിൽ പ്രവേശിപ്പിച്ചെങ്കിലും സുശീൽ മരിക്കുകയായിരുന്നു.

ഗുരുതരമായി പരിക്കേറ്റ അനിലും ആശുപത്രിയിൽ ചികിത്സയിലാണ്​. സുനിലി​െൻറ പരിക്ക്​ ഗുരുതരമല്ലെങ്കിലും ചികിത്സയിൽ തുടരുകയാണെന്നും പൊലീസ്​ അറിയിച്ചു. ഇരുവരെയും പിന്നീട്​ സഫർദഞ്ച്​ ആശുപത്രിയിലേക്ക്​ മാറ്റി.

അയൽവാസിയും വെളുത്തുള്ളി വ്യാപാരിയുമായ അബ്​ദുൽ സത്താറി​െൻറ ഭാര്യ ഷാജഹാനും പരിക്കേറ്റു. ഇവരെ ബി.ജി.ആർ.എം ആശുപത്രിയിൽ പ്രവേശിപ്പിച്ചിരിക്കുകയാണ്​. ഡൽഹി​ ഉപമുഖ്യമന്ത്രി സുശീലി​െൻറ വീട്​ സന്ദർശിക്കുകയും സഹായങ്ങൾ വാഗ്​ദാനം ചെയ്യുകയും ചെയ്​തു.

സുനിലി​െൻറ മൊഴിയുടെ അടിസ്​ഥാനത്തിൽ മഹേന്ദ്ര പാർക്ക്​ പൊലീസ്​ സ്​റ്റേഷനിൽ കേസ്​ രജിസ്​റ്റർ ചെയ്​തു. സത്താറിനെയും മക്കളായ ഷാനവാസിനെയും ആഫാക്കിനെയും പൊലീസ്​ അറസ്​റ്റ്​ ചെയ്​തിട്ടുണ്ട്​. ചാന്ദ്​, ഹസീൻ എന്നിവർ ഒളിവിലാണെന്നും പൊലീസ്​ പറഞ്ഞു.

സുശീൽ നിരവധി ക്രിമിനൽ കേസുകളിൽ ഉൾപ്പെട്ടിട്ടു​ണ്ടെന്നും മദ്യം കടത്തിൽ ഉൾപ്പെടെ പ്രതിയാണെന്നും പൊലീസ്​ കൂട്ടിച്ചേർത്തു.