Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightമീൻകറിയിൽ താലിയം...

മീൻകറിയിൽ താലിയം കലർത്തി നൽകി; ഭാര്യാമാതാവും സഹോദരിയും മരിച്ചു, ഭാര്യ അബോധാവസ്ഥയിൽ

text_fields
bookmark_border
Varun Arora And Family
cancel

ന്യൂഡൽഹി: മീൻകറിയിൽ താലിയം കലർത്തി ഭാര്യയുടെ കുടുംബത്തിന്​ നൽകിയ 37കാരൻ അറസ്റ്റിൽ. ഡൽഹി ആസ്​ഥാനമായി പ്രവർത്തിക്കുന്ന റിയൽ എസ്​റ്റേറ്റ്​ ബിസിനസുകാരനായ വരുൺ അറോറയാണ്​ അറസ്റ്റിലായത്​.

വിഷം കലർത്തിയ മീൻകറി കഴിച്ച അറോറയുടെ ഭാര്യാസഹോദരിയും അമ്മായിയമ്മയും മരിച്ചു. വിഷം ഉള്ളിൽചെന്ന ഭാര്യ ദിവ്യ ഫെബ്രുവരി മുതൽ കോമയിൽ കഴിയുകയാണ്​. ഭാര്യാമാതാവ്​ ​അനിത ശർമ, ഭാര്യാ സഹോദരി പ്രിയങ്ക എന്നിവരാണ്​ മരിച്ചത്​. താലിയം ശരീരത്തിൽ പ്രവേശിച്ചാൽ വളരെ പതുക്കെ മാത്രമാകും മരണം സംഭവിക്കുക. മറ്റ്​ ആരോഗ്യപ്ര​ശ്​നങ്ങളുണ്ടാകുകയും ചെയ്യും.

മാർച്ച്​ 22ന്​ അനിത ശർമ താലിയം ഉള്ളിൽ​െചന്ന്​ മരിച്ചതായി സർ ഗംഗാറാം ആശുപത്രിയിലെ ഡോക്​ടർമാർ പൊലീസിനെ അറിയിക്കുകയായിരുന്നു. തുടർന്ന്​ നടത്തിയ അന്വേഷണത്തിൽ ഫെബ്രുവരിയിൽ താലിയം ഉള്ളിൽ ചെന്നതിനെ തുടർന്ന്​ അനിത ശർമയുടെ മകൾ ദിവ്യ സർ ഗംഗാറാം ആശുപത്രിയിൽ ചികിത്സയിലുണ്ടെന്ന്​ തിരിച്ചറിഞ്ഞു. കൂടാതെ ബി.എൽ കപൂർ ആശുപത്രിയിൽ ചികിത്സയിലായിരുന്ന മറ്റൊരു മകൾ ഫെബ്രുവരി 15ന്​ ചികിത്സയിലിരിക്കെ മരിച്ചതായും കണ്ടെത്തി. ഇവരുടെ ശരീരത്തിൽ താലിയം ചെന്നതിന്‍റെ ലക്ഷണങ്ങളുണ്ടായിരുന്നുവെന്ന്​ ഡോക്​ടർമാർ സംശയം പ്രകടിപ്പിക്കുകയും ചെയ്​തു.

ദിവ്യയുടെ പിതാവ്​ 62കാരനായ ദേവേന്ദ്ര മോഹൻ ശർമ ശാരീരിക അസ്വസ്​ഥതകളെ തുടർന്ന്​ ചികിത്സ തേടിയിരുന്നു. താലിയം ശരീരത്തിലെത്തിയതിന്‍റെ ലക്ഷണങ്ങളുമുണ്ടായിരുന്നു. തുടർന്ന്​ നടത്തിയ ​അന്വേഷണത്തിൽ വരുൺ ജനുവരി അവസാനത്തോടെ വീട്ടിലെത്തുകയും മീൻകറി പാകം ചെയ്​ത്​ കുടുംബത്തിന്​ നൽകിയതായും തെളിഞ്ഞു. കൂടാതെ വരുണിന്‍റെ വീട്ടിൽനിന്ന്​ പൊലീസ്​ താലിയവും കണ്ടെടുത്തു.

മാർച്ച്​ 23നാണ്​ ​െപാലീസ്​ വരുൺ അറോറയെ അറസ്റ്റ്​ ചെയ്യുന്നത്​. ദേവേന്ദ്ര മോഹൻ ശർമ നൽകിയ പരാതിയിലാണ്​ അറസ്റ്റ്​്​ അറോറയുടെ വീട്ടിൽ നടത്തിയ റെയ്​ഡിൽ ലാപ്​ടോപ്​ കണ്ടുകെട്ടി. ഇന്‍റർനെറ്റിൽ താലിയത്തെക്കുറിച്ചും അതിന്‍റെ ഉപയോഗത്തെക്കുറിച്ചും അറോറ തിരഞ്ഞിരുന്നതായി പൊലീസ്​ കണ്ടെത്തുകയായിരുന്നു. ഓൺലൈനിൽ ഇയാൾ താലിയം വാങ്ങുകയും ചെയ്​തിരുന്നു.

ഭാര്യയുടെ വീട്ടുകാർ നൽകിയ അപമാനത്തിന്​ മറുപടിയായാണ്​ താലിയം ഭക്ഷണത്തിൽ കലർത്തി നൽകിയതെന്ന്​ വരുൺ പൊലീസിന്​ മൊഴി നൽകി. വരുണിന്‍റെ പിതാവ്​ മരിച്ച അതേ സമയത്തുതന്നെ ദിവ്യ ഗർഭിണിയായിരുന്നു. പിതാവ്​ തന്‍റെ കുഞ്ഞിന്‍റെ രൂപത്തിൽ തിരിച്ചുവരുന്നതായും അയാൾ വിശ്വസിച്ചിരുന്നു. തുടർന്ന്​ ആരോഗ്യ പ്രശ്​നങ്ങളുണ്ടായതോടെ ദിവ്യയുടെ ഗർഭം കുടുംബം അലസിപ്പിച്ചിരുന്നു. എന്നാൽ ഇതിൽ വരുൺ എതിർപ്പ്​ രേഖ​പ്പെടു​ത്തി. ഇതാണ്​ ഭാര്യയുടെ കുടുംബത്തിനോട്​ വൈരാഗ്യം തോന്നാൻ കാരണമെന്നും പൊലീസ്​ പറഞ്ഞു.

Show Full Article
TAGS:slow poison thallium Murdre Delhi 
News Summary - Delhi man held for slow poison thallium to his wife and family
Next Story