ബലാത്സംഗശ്രമം പ​ുറത്തുപറയാതിരിക്കാൻ മാതൃസഹോദരനും ഭാര്യയും 17കാരിയെ കൊലപ്പെടുത്തി

ന്യൂഡൽഹി: ബലാത്സംഗ ​ശ്രമം പുറത്തുപറയാതിരിക്കാൻ മാതൃസഹോദരനും ഭാര്യയും ചേർന്ന്​ 17കാരിയെ കൊലപ്പെടുത്തി. രാജ്യതലസ്​ഥാനമായ ഡൽഹിയിലാണ്​ ദാരുണ സംഭവം. 17കാരിയെ കൊലപ്പെടുത്തി കിടക്കയുടെ പെട്ടിക്കുള്ളിൽ സൂക്ഷിക്കുകയായിരു​ന്നുവെന്ന്​ പൊലീസ്​ പറഞ്ഞു.

ഡൽഹിയിലെ നന്ദഗിരി പ്രദേശത്ത്​ താമസിക്കുന്ന മാതൃസഹോദരൻ 51 കാരനായ വക്കീൽ പോഡറിനും 45കാരിയായ ഭാര്യക്കുമൊപ്പമായിരുന്നു 17കാരിയുടെ താമസം. അവിടെനിന്നായിരുന്നു പെൺകുട്ടിയുടെ പഠനം. ഒക്​ടോബർ 23 മുതൽ പെൺകുട്ടിയെ കാണാതായിരുന്നു. ഭിക്ഷയെടുത്ത്​ ജീവിച്ചിരുന്ന ഭാര്യ ഒക്​ടോബർ 23ന്​ വീട്ടിൽ തിരിച്ചെത്തിയപ്പോൾ പെൺകുട്ടിയെ കാണാനില്ലായിരുന്നുവെന്നും ഭർത്താവ്​ പെൺകുട്ടിയെ ഉത്തർപ്രദേശ്​ ഗാസിയബാദിലെ അനാഥാലയത്തിലേക്ക്​ മാറ്റിയെന്ന്​ പറഞ്ഞതായും പൊലീസ്​ പറഞ്ഞു. എന്നാൽ ഒക്​ടോബർ 23ന്​ ആ പേരിൽ ഒരു പെൺകുട്ടി അനാഥാലയത്തിൽ എത്തിയിട്ടില്ലെന്ന്​ പൊലീസ്​ കണ്ടെത്തുകയായിരുന്നു. തുടർന്ന്​ പൊലീസ്​ നടത്തിയ അന്വേഷണത്തിനിടെ വക്കീൽ പോഡറിനെ കാണാതായി. ഇതോടെ പെൺകുട്ടിയുടെ തിരോധാനവുമായി ഇയാൾക്ക്​ ബന്ധമുണ്ടെന്ന്​ ​പൊലീസ്​ കണ്ടെത്തുകയായിരുന്നു. ബിഹാറിലെ ഒരു ബസ്​ സ്​റ്റാൻഡിൽനിന്ന്​ ഇയാ​െള പിന്നീട്​ പൊലീസ്​ കണ്ടെത്തി.

തുടർന്ന്​ നടത്തിയ ചോദ്യം ചെയ്യൽ മരുമകളെ ബലാത്സംഗം ചെയ്യാൻ ശ്രമിച്ചെന്നും പെൺകുട്ടി എതിർത്തെന്നും ഇയാൾ മൊഴി നൽകി. ഭാര്യ ഇക്കാര്യം അറിഞ്ഞതോടെ വഴക്കുണ്ടാക്കുകയും പെൺകുട്ടിയെ സ്വന്തം വീട്ടിലേക്ക്​ തിരിച്ചയക്കാൻ ആവശ്യപ്പെടുകയുമായിരുന്നു. എന്നാൽ പഠനം പൂർത്തിയാക്കാതെ തിരിച്ചുപോകി​െല്ലന്നും ബലാത്സംഗശ്രമം പുറത്തുപറയുമെന്നും​ പെൺകുട്ടി അറിയിച്ചു. ഇതോടെ വീട്ടിൽ മൂവരും തമ്മിൽ വഴക്ക്​ പതിവാകുകയും ​ഭാര്യ പെൺകുട്ടിയെ കൊലപ്പെടുത്താൻ പോഡറിനോട്​ ആവശ്യപ്പെടുകയുമായിരുന്നു.

തുടർന്ന്​ ഇരുമ്പ്​ ദണ്ഡ്​ ഉപയോഗിച്ച്​ പെൺകുട്ടിയെ കൊലപ്പെട​ുത്തി. വീടിന്​ പുറത്ത്​ ഭാര്യ കാവൽ നിൽക്കുകയും ചെയ്​തു. പെൺകുട്ടിയുടെ ശരീരത്തിൽനിന്ന്​ രക്തം ഒഴുകിയതോടെ പുതപ്പിൽ പൊതിഞ്ഞശേഷം കിടക്കയുടെ പെട്ടിയിലാക്കുകയായിരുന്നു. തുടർന്ന്​ ഇരുമ്പുദണ്ഡും മുറിയും കഴുകി വൃത്തിയാക്കി. പെൺകുട്ടിയുടെ മൃതദേഹം ഉപേക്ഷിക്കാൻ ശ്രമിച്ചെങ്കിലും അവസരം ലഭിച്ചില്ലെന്നും ഇരുവരും പറഞ്ഞതായി പൊലീസ്​ പറഞ്ഞു.