വാട്​സ്​ആപ്​ ചാറ്റിനെ ചൊല്ലി തർക്കം; 16കാരിയെ സഹോദരൻ വെടിവെച്ചു

ന്യൂഡൽഹി: ആൺസുഹൃത്തുമായി വാട്​സ്​ആപ്പിൽ ചാറ്റ്​ചെയ്​തതിന്​ 17കാരൻ സഹോദരിയെ വെടിവെച്ചു. വടക്കുകിഴക്കൻ ഡൽഹിയിൽ വ്യാഴാഴ്​ച വൈകിട്ടാണ്​ സംഭവം.

16കാരിയായ പെൺകുട്ടിയെ മാതാപിതാക്കൾ ഉടൻതന്നെ ആശുപത്രിയിൽ പ്രവേശിപ്പിച്ചു.

മാതാപിതാക്കൾക്കൊപ്പമായിരുന്നു ഇരുവ​രുടെയും താമസം. പെൺകുട്ടിയും പഠനം നിർത്തിയിരുന്നു. ആൺസുഹൃത്തുമായി പെൺകുട്ടി വാട്​സ്​ആപ്​ ചാറ്റും ഫോൺവിളികളും തുടരുന്നതിനെ ചൊല്ലി നേര​ത്തെയും ഇരുവരും തമ്മിൽ വഴക്കുണ്ടായിരുന്നു. പിന്നീടും പെൺകുട്ടി സുഹൃത്തുമായി വാട്​സ്​ആപ്​ ചാറ്റിങ്ങും ഫോൺ വിളിയും തുടർന്നു.

വ്യാഴാഴ്​ച രാവിലെ പെൺകുട്ടി ആൺസുഹൃത്തുമായി ചാറ്റ്​ ചെയ്​തത്​ കണ്ട സഹോദരൻ വഴക്കുണ്ടാക്കി. പിന്നീട്​ പെൺകുട്ടിയുടെ വയറിൽ വെടിയുതിർക്കുകയുമായിരുന്നു - ഡി.സി.പി പറഞ്ഞു. 17കാരനെതിരെ പൊലീസ്​ കേസ്​ രജിസ്​റ്റർ ചെയ്​തു.

സമീപത്തെ സലൂണിൽ ജോലി ചെയ്യുകയാണ്​ 17കാരൻ. ഓപ്പൺ സ്​കൂൾ വഴി പഠനവും തുടർന്നിരുന്നു. 17കാരൻ അനധികൃതമായി കൈവശം സൂക്ഷിച്ചിരുന്ന തോക്ക്​ പൊലീസ്​ കണ്ടെടുത്തു. മൂന്നുമാസം മുമ്പ്​ മരിച്ചുപോയ ത​െൻറ സുഹൃത്ത്​ നൽകിയതാണ്​ തോക്കെന്നാണ്​ 17കാര​െൻറ മൊഴി. മൊഴിയുടെ സത്യാവസ്​ഥ അന്വേഷിച്ച്​ വരികയാ​െണന്ന്​ ഡെപ്യൂട്ടി കമീഷനർ ഓഫ്​ പൊലീസ്​ വേദ്​ പ്രകാശ്​ സൂര്യ പറഞ്ഞു.