Begin typing your search above and press return to search.
exit_to_app
exit_to_app
Homechevron_rightHot Wheelschevron_rightAuto Newschevron_rightസ്​റ്റിയറിങ്ങും...

സ്​റ്റിയറിങ്ങും ബ്രേക്കും വേണ്ട; മനസറിഞ്ഞോടിക്കും ഈ ഫ്യൂച്ചർ കാർ

text_fields
bookmark_border
Mercedes-Benz car
cancel

ദുബൈ: സ്​റ്റിയറിങ്ങും ബ്രേക്കും ക്ലച്ചും ഗിയറുമൊന്നുമില്ലാത്ത കാറിനെ കുറിച്ച്​ ചിന്തിച്ചിട്ടുണ്ടോ. ജൈടെക്​സ്​ പ്രദർശനത്തിൽ മെഴ്​സിഡസ്​ ബെൻസാണ്​ മനസറിഞ്ഞോടിക്കുന്ന കാർ അവതരിപ്പിച്ചിരിക്കുന്നത്​.

ഭാവിയിലെ കാർ എന്ന ആമുഖത്തോടെയാണ്​ കമ്പനി അധികൃതർ ഈ കാർ പരിചയപ്പെടുത്തുന്നത്​. വിഷൻ അവതാർ എന്ന്​ പേരിട്ടിരിക്കുന്ന കാർ ഇത്തിസാലാത്ത്​ പവലിയനിലാണ്​ അവതരിപ്പിച്ചിരിക്കുന്നത്​.

പൂർണമായും മെറ്റൽ കൊണ്ട് പുറംമോടി​ നിർമിച്ചിരിക്കുന്ന കാർ ഇതുവരെ പുറത്തിറക്കിയിട്ടില്ല. സ്​റ്റിയറിങ്ങോ ഗിയറോ ബ്രേക്കോ വാഹനത്തിൽ ഇല്ല. എന്നാൽ, കാറി​െൻറ മധ്യത്തിൽ ഘടിപ്പിച്ചിരിക്കുന്ന സെൻസറിൽ കൈവെക്കണം.

വാഹനത്തിലെ മൈൻഡ്​ കൺട്രോൾ ഡിവൈസ്​​ ശരീരത്തിൽ ഘടിപ്പിക്കുകയും ഹെഡ്​ബാൻഡ്​ തലയിൽവെക്കുകയും ചെയ്യണം. ഈ ഹെഡ്​ബാൻഡ്​ വഴിയാണ്​ നമ്മുടെ മനസ്​ അറിഞ്ഞ്​ കാറിനെ നിയന്ത്രിക്കുന്നത്​. റോഡിലൂടെ കൃത്യമായ ദിശയിൽ സഞ്ചരിക്കുമെന്നും എതിരെ വരുന്ന വാഹനങ്ങളെയും തടസങ്ങളെയും തിരിച്ചറിഞ്ഞ്​ അപകടങ്ങളിൽ നിന്ന്​ ഒഴിവാകുമെന്നുമാണ്​ നിർമാതാക്കളുടെ അവകാശവാദം.

ഡിജിറ്റൽ ഡാഷ്​ബോർഡാണ്​ കാറിനുള്ളത്​. രണ്ട്​ സീറ്റുകളുടെ നടുഭാഗത്തായി ഘടിപ്പിച്ചിരിക്കുന്ന ഡിവൈസാണ്​ കാറി​െൻറ ഹൃദയം. കാറിനെ മറ്റ്​ ദിശയിലേക്ക്​ തിരിച്ചുവിടാനും മറ്റും ഈ ഡിവൈസ്​ ഉപയോഗിക്കാം.

പരിസ്​ഥിതി സൗഹൃദ വസ്​തുക്കളുപയോഗിച്ചാണ്​ ഇൻറീരിയർ ചെയ്​തിരിക്കുന്നത്​. സീറ്റ്​ ഉൾപെടെയുള്ളവയിൽ ഉപയോഗിച്ചിരിക്കുന്ന വസ്​തുക്കൾ പുനരുപയോഗിക്കാവുന്നതാണ്​. കാറി​നുള്ളിൽ പ്രവേശിക്കാൻ ജനങ്ങൾക്ക്​ അനുമതി നൽകിയിട്ടില്ലെങ്കിലും കാറി​െൻറ ഇൻറീരിയർ ഡമ്മിയിൽ കയറാനും ചിത്രങ്ങളെടുക്കാനും കഴിയും. കാർ പ്രദർശനത്തിനെത്തിക്കുന്ന മൂന്നാമത്തെ രാജ്യമാണ്​ യു.എ.ഇ.

Show Full Article
TAGS:car 
News Summary - No steering and brakes; Mercedes-Benz car at Gitex 2021 can read your mind
Next Story