നേപ്പാൾ സ്വദേശിനിക്ക് ആംബുലൻസിൽ ആൺകുഞ്ഞ് പിറന്നു

ക​ൽ​പ​റ്റ: ആ​ശു​പ​ത്രി​യി​ലേ​ക്കു​ള്ള യാ​ത്ര​ക്കി​ടെ നേ​പ്പാ​ൾ സ്വ​ദേ​ശി​നി 108 ആം​ബു​ല​ൻ​സി​ൽ ആ​ൺ​കു​ഞ്ഞി​ന് ജ​ന്മം ന​ൽ​കി. നേ​പ്പാ​ൾ സ്വ​ദേ​ശി​യാ​യ സീ​താ​മൗ​ണ്ടി​ൽ താ​മ​സി​ക്കു​ന്ന വീ​രേ​ന്തി​ന്റെ ഭാ​ര്യ രാ​ജ​മ​സി (23) ആ​ണ് ആം​ബു​ല​ൻ​സി​നു​ള്ളി​ൽ കു​ഞ്ഞി​ന് ജ​ന്മം ന​ൽ​കി​യ​ത്. വ്യാ​ഴാ​ഴ്ച രാ​വി​ലെ 9.30ന് ​പു​ൽ​പ​ള്ളി സാ​മൂ​ഹി​കാ​രോ​ഗ്യ കേ​ന്ദ്ര​ത്തി​ൽ എ​ത്തി​യ രാ​ജ​മ​സി​യെ ഡോ​ക്ട​ർ വി​ദ​ഗ്ധ ചി​കി​ത്സ​ക്കാ​യി സു​ൽ​ത്താ​ൻ ബ​ത്തേ​രി താ​ലൂ​ക്ക് ആ​ശു​പ​ത്രി​യി​ലേ​ക്ക് റ​ഫ​ർ ചെ​യ്തു. തു​ട​ർ​ന്ന് പു​ൽ​പ​ള്ളി​യി​ലെ സാ​മൂ​ഹി​കാ​രോ​ഗ്യ കേ​ന്ദ്ര​ത്തി​ലെ ക​നി​വ് 108 ആം​ബു​ല​ൻ​സി​ൽ സു​ൽ​ത്താ​ൻ ബ​ത്തേ​രി​യി​ലേ​ക്ക് പോ​കു​ന്ന​തി​നി​ടെ​യാ​ണ് സം​ഭ​വം.

സോ​ബി​ൻ ബാ​ബു​വാ​യി​രു​ന്നു ആം​ബു​ല​ൻ​സ് ഡ്രൈ​വ​ർ. എ​മ​ർ​ജ​ൻ​സി മെ​ഡി​ക്ക​ൽ ടെ​ക്‌​നീ​ഷ്യ​ൻ ര​മ്യ രാ​ഘ​വ​ൻ, പു​ൽ​പ​ള്ളി സാ​മൂ​ഹി​കാ​രോ​ഗ്യ കേ​ന്ദ്ര​ത്തി​ലെ ന​ഴ്സി​ങ് ഓ​ഫി​സ​ർ വി​ജി എ​ന്നി​വ​രും ഒ​പ്പ​മു​ണ്ടാ​യി​രു​ന്നു. ആം​ബു​ല​ൻ​സ് പാ​മ്പ്ര​ക്ക് സ​മീ​പം എ​ത്തി​യ​പ്പോ​ൾ രാ​ജ​മ​സി​യു​ടെ ആ​രോ​ഗ്യ​നി​ല വ​ഷ​ളാ​വു​ക​യും പ​രി​ശോ​ധ​ന​യി​ൽ പ്ര​സ​വം എ​ടു​ക്കാ​തെ മു​ന്നോ​ട്ട് പോ​കാ​ൻ ക​ഴി​യി​ല്ലെ​ന്നും വ്യ​ക്ത​മാ​യി. തു​ട​ർ​ന്ന് ആം​ബു​ല​ൻ​സി​ൽ ത​ന്നെ പ്ര​സ​വ​ത്തി​നു​ള്ള സൗ​ക​ര്യ​മൊ​രു​ക്കി. പ​ത്തു​മ​ണി​യോ​ടെ വി​ജിയുടെ പ​രി​ച​ര​ണ​ത്തി​ൽ രാ​ജ​മ​സി കു​ഞ്ഞി​ന് ജ​ന്മം ന​ൽ​കി. മാ​താ​വി​നും കു​ഞ്ഞി​നും പ്ര​ഥ​മ ശു​ശ്രൂ​ഷ ന​ൽ​കി​യ​ശേ​ഷം ആം​ബു​ല​ൻ​സ് ഡ്രൈ​വ​ർ സോ​ബി​ൻ ബാ​ബു സ​മ​യം​ക​ള​യാ​തെ ഇ​രു​വ​രെ​യും ബ​ത്തേ​രി താ​ലൂ​ക്ക് ആ​ശു​പ​ത്രി​യി​ലെ​ത്തി​ച്ചു.