അമീബിക് മസ്തിഷ്കജ്വരം: കണക്കുകൾ കൃത്യമാക്കി ആരോഗ്യവകുപ്പ്

കോ​ഴി​ക്കോ​ട്: സം​സ്ഥാ​ന​ത്ത് അ​മീ​ബി​ക് മ​സ്തി​ഷ്ക​ജ്വ​ര​വും മ​ര​ണ​വും വ​ർ​ധി​ക്കു​ന്ന​തി​നി​ടെ ക​ണ​ക്കു​ക​ളി​ൽ സ​ർ​ക്കാ​ർ വ്യ​ക്ത​ത വ​രു​ത്താ​ത്ത​ത് വി​മ​ർ​ശ​ന​ത്തി​നി​ട​യാ​ക്കി​യ​തോ​ടെ എ​ണ്ണ​ത്തി​ൽ കൃ​ത്യ​ത​വ​രു​ത്തി ആ​രോ​ഗ്യ​വ​കു​പ്പ്. ആ​രോ​ഗ്യ​വ​കു​പ്പി​ന്‍റെ വെ​ബ് സൈ​റ്റി​ൽ വെ​ള്ളി​യാ​ഴ്ച വൈ​കീ​ട്ട് അ​പ്ഡേ​റ്റ് ചെ​യ്ത ക​ണ​ക്കു​ക​ളി​ലാ​ണ് സം​ശ​യ​ങ്ങ​ൾ തീ​ർ​ത്ത് കൃ​ത്യ​ത​വ​രു​ത്തി​യ​ത്. ഈ ​മാ​സം 12 വ​രെ സം​സ്ഥാ​ന​ത്ത് 66 പേ​ർ​ക്ക് രോ​ഗം സ്ഥി​രീ​ക​രി​ച്ച​താ​യും 17 പേ​ർ രോ​ഗം പി​ടി​പെ​ട്ട് മ​രി​ച്ച​താ​യും പു​തി​യ ക​ണ​ക്കു​ക​ൾ വ്യ​ക്ത​മാ​ക്കു​ന്നു. രോ​ഗം സം​ശ​യി​ക്കു​ന്ന​വ​ർ, സം​ശ​യ മ​ര​ണ​ങ്ങ​ൾ എ​ന്നീ കോ​ള​ത്തി​ൽ​നി​ന്ന് ന​മ്പ​റു​ക​ൾ ഒ​ഴി​വാ​ക്കു​ക​യും ചെ​യ്തു.

ഈ ​മാ​സം 10 വ​രെ ആ​രോ​ഗ്യ​വ​കു​പ്പ് വെ​ബ്സൈ​റ്റി​ൽ 42 പേ​ർ​ക്ക് രോ​ഗ സം​ശ​യം, 14 സം​ശ​യ മ​ര​ണം, രോ​ഗം സ്ഥി​രീ​ക​രി​ച്ച​വ​ർ 18, സ്ഥി​രീ​ക​രി​ച്ച മ​ര​ണ​ങ്ങ​ൾ ര​ണ്ട് എ​ന്നി​ങ്ങ​നെ​യാ​യി​രു​ന്നു ന​ൽ​കി​യി​രു​ന്ന​ത്. പി.​സി.​ആ​ർ ടെ​സ്റ്റി​ൽ രോ​ഗം സ്ഥി​രീ​ക​രി​ക്കു​ന്നി​ല്ലെ​ന്ന് പ​റ​ഞ്ഞാ​ണ് ബ​ഹു​ഭൂ​രി​ഭാ​ഗം കേ​സു​ക​ളെ​യും സം​ശ​യ​ത്തി​ന്‍റെ പ​ട്ടി​ക​യി​ലേ​ക്ക് ഉ​ൾ​പ്പെ​ടു​ത്തി​യി​രു​ന്ന​ത്. ഇ​ത് ‘മാ​ധ്യ​മം’ ക​ഴി​ഞ്ഞ​ദി​വ​സം വാ​ർ​ത്ത​യാ​ക്കു​ക​യും സ​ർ​ക്കാ​ർ ക​ണ​ക്കു​ക​ൾ വ്യ​ക്ത​മാ​ക്കാ​ത്ത​ത് വി​മ​ർ​ശ​ന​ത്തി​ന് ഇ​ട​യാ​ക്കു​ക​യും ചെ​യ്തി​രു​ന്നു.

രോ​ഗി​യു​ടെ ന​ട്ടെ​ല്ലി​ൽ​നി​ന്ന് എ​ടു​ക്കു​ന്ന സ്ര​വം വെ​റ്റ്മൗ​ണ്ട് പ​രി​ശോ​ധ​ന​ക്ക് വി​ധേ​യ​മാ​ക്കി​യാ​ണ് അ​മീ​ബി​ക് മ​സ്തി​ഷ്ക​ജ്വ​രം സ്ഥി​രീ​ക​രി​ക്കു​ന്ന​ത്. ഇ​തി​ന്റെ അ​ടി​സ്ഥാ​ന​ത്തി​ൽ രോ​ഗി​ക്ക് ചി​കി​ത്സ ആ​രം​ഭി​ക്കു​ക​യും ചെ​യ്യും. വെ​റ്റ്മൗ​ണ്ട് പ​രി​ശോ​ധ​ന​യി​ൽ അ​മീ​ബ​യെ കാ​ണാ​മെ​ന്നി​രി​ക്കെ രോ​ഗം സ്ഥി​രീ​ക​രി​ക്കാ​മെ​ന്നും അ​മീ​ബ ഏ​ത് ഇ​ന​ത്തി​ൽ​പ്പെ​ട്ട​താ​ണെ​ന്ന് വ്യ​ക്ത​മാ​വാ​നാ​ണ് പി.​സി.​ആ​ർ പ​രി​ശോ​ധ​ന​യെ ആ​ശ്ര​യി​ക്കു​ന്ന​തെ​ന്നും ചി​കി​ത്സി​ക്കു​ന്ന ഡോ​ക്ട​ർ​മാ​ർ പ​റ​ഞ്ഞു.

എ​ന്താ​ണ് അ​മീ​ബി​ക് മ​സ്തി​ഷ്‌​ക ജ്വ​രം?

കെ​ട്ടി​ക്കി​ട​ക്കു​ന്ന വെ​ള്ള​ത്തി​ല്‍ മു​ങ്ങി​ക്കു​ളി​ക്കു​ന്ന​വ​രി​ലും നീ​ന്തു​ന്ന​വ​രി​ലും അ​പൂ​ര്‍വ​മാ​യി ഉ​ണ്ടാ​കു​ന്ന രോ​ഗ​ബാ​ധ​യാ​ണ് അ​മീ​ബി​ക് മ​സ്തി​ഷ്‌​ക ജ്വ​രം അ​ഥ​വാ അ​മീ​ബി​ക് എ​ന്‍സെ​ഫ​ലൈ​റ്റി​സ്. നേ​ഗ്ലെ​റി​യ ഫൗ​ലേ​റി, അ​ക്കാ​ന്ത അ​മീ​ബ, സാ​പ്പി​നി​യ, ബാ​ല​മു​ത്തി​യ വെ​ര്‍മ​മീ​ബ എ​ന്നീ അ​മീ​ബ വി​ഭാ​ഗ​ത്തി​ല്‍പ്പെ​ട്ട രോ​ഗാ​ണു​ക്ക​ള്‍ ത​ല​ച്ചോ​റി​നെ ബാ​ധി​ക്കു​മ്പോ​ഴാ​ണ് രോ​ഗം ഉ​ണ്ടാ​കു​ന്ന​ത്. മൂ​ക്കി​നേ​യും മ​സ്തി​ഷ്‌​ക​ത്തേ​യും വേ​ര്‍തി​രി​ക്കു​ന്ന നേ​ര്‍ത്ത പാ​ളി​യി​ലു​ള്ള സു​ഷി​ര​ങ്ങ​ള്‍ വ​ഴി​യോ ക​ര്‍ണ്ണ​പ​ട​ല​ത്തി​ലു​ണ്ടാ​കു​ന്ന സു​ഷി​രം വ​ഴി​യോ അ​മീ​ബ ത​ല​ച്ചോ​റി​ലേ​ക്ക് ക​ട​ക്കു​ക​യും മെ​നി​ഞ്ചോ എ​ന്‍സെ​ഫ​ലൈ​റ്റി​സ് ഉ​ണ്ടാ​ക്കു​ക​യും ചെ​യ്യു​ന്നു. 97 ശ​ത​മാ​ന​ത്തി​ല​ധി​കം മ​ര​ണ​നി​ര​ക്കു​ള്ള രോ​ഗ​മാ​ണി​ത്. രോ​ഗം മ​നു​ഷ്യ​രി​ല്‍നി​ന്ന് മ​നു​ഷ്യ​രി​ലേ​ക്ക് പ​ക​രി​ല്ല. വെ​ള്ള​ത്തി​ലി​റ​ങ്ങു​മ്പോ​ള്‍ അ​ടി​ത്ത​ട്ടി​ലെ ചെ​ളി​യി​ലു​ള്ള അ​മീ​ബ വെ​ള്ള​ത്തി​ല്‍ ക​ല​ങ്ങു​ക​യും മൂ​ക്കി​ലൂ​ടെ ശ​രീ​ര​ത്തി​ല്‍ പ്ര​വേ​ശി​ക്കു​ക​യും ചെ​യ്യു​ന്നു. രോ​ഗാ​ണു​ബാ​ധ​യു​ണ്ടാ​യാ​ല്‍ ഒ​ന്നു​മു​ത​ല്‍ 14 ദി​വ​സ​ങ്ങ​ള്‍ക്കു​ള്ളി​ല്‍ ല​ക്ഷ​ണ​ങ്ങ​ള്‍ പ്ര​ക​ട​മാ​കും.

തീ​വ്ര​മാ​യ ത​ല​വേ​ദ​ന, പ​നി, ഛർ​ദി, ക​ഴു​ത്ത് തി​രി​ക്കാ​ന്‍ ബു​ദ്ധി​മു​ട്ട്, വെ​ളി​ച്ച​ത്തി​ലേ​ക്ക് നോ​ക്കാ​നു​ള്ള ബു​ദ്ധി​മു​ട്ട്, ഭ​ക്ഷ​ണം ക​ഴി​ക്കാ​നു​ള്ള വി​മു​ഖ​ത, നി​ഷ്ക്രി​യ​രാ​യി കാ​ണ​പ്പെ​ടു​ക, സാ​ധാ​ര​ണ​മ​ല്ലാ​ത്ത പ്ര​തി​ക​ര​ണ​ങ്ങ​ൾ, രോ​ഗം ഗു​രു​ത​രാ​വ​സ്ഥ​യി​ലാ​യാ​ൽ അ​പ​സ്മാ​രം, ബോ​ധ​ക്ഷ​യം, ഓ​ർ​മ​ക്കു​റ​വ് എ​ന്നി​വ കാ​ണാം. രോ​ഗ​ല​ക്ഷ​ണ​ങ്ങ​ൾ പ്ര​ക​ട​മാ​യാ​ൽ എ​ത്ര​യും വേ​ഗം ചി​കി​ത്സ ല​ഭ്യ​മാ​ക്ക​ണം. കെ​ട്ടി​ക്കി​ട​ക്കു​ന്ന വെ​ള്ള​ത്തി​ല്‍ കു​ളി​ക്കു​ക​യോ നീ​ന്തു​ക​യോ ചെ​യ്ത​വ​ർ ആ ​വി​വ​രം ഡോ​ക്ട​റെ അ​റി​യി​ക്കു​ക.

അമീബയുടെ സാന്നിധ്യമുള്ള വെള്ളത്തില്‍ മുങ്ങിക്കുളിക്കുമ്പോള്‍ മൂക്കിലൂടെയാണ് രോഗാണു തലച്ചോറില്‍ പ്രവേശിക്കുന്നത്. മുങ്ങിയും ചാടിയും കുളിക്കുമ്പോഴുണ്ടാകുന്ന സമ്മര്‍ദത്തില്‍ ജലാശയങ്ങളിലെ വെള്ളം മൂക്കിലൂടെ നെയ്‌സല്‍ മ്യൂകോസ വഴി മൂക്കിനും തലച്ചോറിനും ഇടയിലെ നേര്‍ത്ത ക്രിബ്രിഫോം പ്ലേറ്റിലെ ചെറിയ വിള്ളലിലൂടെ തലച്ചോറിലേക്കു കടക്കുന്നു. കുട്ടികളില്‍ ക്രിബ്രിഫോം പ്ലേറ്റ് വളരെ നേര്‍ത്തതും പൂര്‍ണമായും അടയാത്തതുമാവാം കൂടുതലും കുട്ടികളെ ബാധിക്കാന്‍ കാരണം. തലച്ചോറിനെ നേരിട്ട് ബാധിക്കുന്നതുകൊണ്ട് നേരത്തെ ഇത് ബ്രെയിന്‍ ഈറ്റിങ് അമീബ എന്നാണ് അറിയപ്പെട്ടിരുന്നത്. ഈ രോഗം മനുഷ്യരില്‍ നിന്ന് മനുഷ്യരിലേക്ക് പകരില്ല.