സ്​ത്രീകൾ ഹൃദ്രോഗത്തെ കരുതിയിരിക്കുക

സ്​ത്രീകളിൽ സ്​തനാർബുദത്തേക്കാൾ കൂടുതൽ മരണകാരണമാകുന്നത്​ ഹൃദ്രോഗമാണെന്ന്​ പഠനങ്ങൾ. ഉയർന്ന രക്​തസമ്മർദമാണ്​ ഹൃദ്രോഗത്തിന്​ പ്രധാനകാരണമായി ചൂണ്ടിക്കാട്ടുന്നത്​. കൊളസ്​ട്രോൾ വർധിക്കുന്നത്​ രക്​തസമ്മർദത്തിലേക്കും അതുവഴി ഹൃദ്രോഗത്തിലേക്കും നയിക്കുന്നുവെന്നും പഠനങ്ങൾ പറയുന്നു. 

സെ​േൻറഴ്​സ്​ ഒാഫ്​ ഡിസീസ് കൺട്രോൾ ആൻറ്​ പ്രിവൻഷൻ അടുത്തിടെ പ്രസിദ്ധീകരിച്ച റിപ്പോർട്ട്​ പ്രകാരം 40നും 59നും ഇടയിൽ പ്രായമുള്ള 17.7 ശതമാനം സ്​ത്രീകൾക്കും കൊളസ്​ട്രോൾ കുടുതലാണ്​. 60ൽ കൂടുതലുള്ള 17.2 ശതമാനം സ്​ത്രീകളും ഉയർന്ന കൊളസ്​ട്രോൾ മൂലം ബുദ്ധിമുട്ടനുഭവിക്കുന്നുണ്ട്​. അമേരിക്കയിൽ 40 വയസുകാരിൽ അഞ്ചിൽ ഒരാൾക്ക്​ ഉയർന്ന കൊളസ്​ട്രോളുണ്ടെന്നാണ്​ സർവേഫലം പറയുന്നത്​. എന്നാൽ മധ്യവയസ്​കരായ പുരുഷൻമാരിൽ ഇത്​ 16.5ഉം 60 ലേറെ പ്രായമുള്ള പുരുഷൻമാരിൽ 6.9 ശതമാനവും മാത്രമാണ്​. എന്നാൽ ഇതിന്​ വ്യക്​തമായ കാരണം റിപ്പോർട്ടിൽ പ്രതിബാധിക്കുന്നില്ല. 

സ്ത്രീകളിലെ കാൻസർ മരണങ്ങ​െളല്ലാം കൂട്ടിനോക്കിയാലും ഹൃദ്രോഗം മൂലമുണ്ടാകുന്ന മരണങ്ങൾ അതിലുമേറെയാണെന്ന്​ കാണാം. എന്നിട്ടും സ്​തനാർബുദത്തെ കുറിച്ച്​ മാത്രമാണ്​ സ്​ത്രീകൾക്ക്​ ചിന്തയെന്നും ഹൃദ്രോഗ വിദഗ്​ധനായ കാൾ പെപിൻ പറയുന്നു. 

കൊളസ്​ട്രോളും രക്​തസമ്മർദ്ദവുമാണ്​ സ്​ത്രീകളി​െല ഹൃദ്രോഗത്തിൽ വലിയ പങ്കു വഹിക്കുന്നത്​. കൊളസ്​ട്രോൾ രക്​തക്കുഴലുകളിൽ അടിഞ്ഞ്​ കൂടി ഒരു ആവരണം രൂപീകരിക്കുകയും അത്​മൂലം രക്​തക്കുഴലുകൾ ഇടുങ്ങുകയും കട്ടിയേറുകയു​ം ചെയ്യുന്നു. അതിരോസ്​ക്ലീറോസിസ്​ എന്നാണ്​ ഇൗ അവസ്​ഥക്ക്​ പേര്​. ഇത്​ രക്​തത്തി​​െൻറ ഒഴുക്കിനെ തടയുകയും അത്​ ഹൃദയാഘാതത്തിലേക്കും സ്​ട്രോക്കിലേക്കും നയിക്കുകയും ചെയ്യുന്നുവെന്നും റിപ്പോർട്ട്​ പറയുന്നു.