ഉപ്പ്​, പഞ്ചസാര, കൊഴുപ്പ്​... വില്ലൻമാർ

ദോഹ: ഖത്തറിലെ പ്രായപൂർത്തിയായവരിൽ അമ്പതുശതമാനം ആളുകൾക്കും വിട്ടുമാറാത്ത പല അസുഖങ്ങളും പിടിപെടാൻ സാധ്യതയെന്ന്​ കണക്കുകൾ. അനാരോഗ്യകരമായ ഭക്ഷണശീലങ്ങളും മറ്റും മൂലം ഇത്തരം രോഗങ്ങൾ പിടിപെടാനുള്ള മൂന്നോ അതിലധികമോ ഘടകങ്ങൾ ഖത്തരികളായ ആളുകളിലുണ്ടെന്ന്​ പഠനങ്ങളിൽ തെളിയുന്നുണ്ടെന്ന്​ ​െപാതുജനാരോഗ്യമന്ത്രാലയം ഉന്നത അധികാരി ഡോ. അൽ മുതാവ പറഞ്ഞു. സർവേകളിലാണ്​ ഇക്കാര്യങ്ങൾ തെളിയുന്നത്​. രോഗസാധ്യത ഇല്ലാതാക്കുകയും ആരോഗ്യകരമായ ഭക്ഷണശീലങ്ങൾ പാലിക്കാൻ ആവശ്യപ്പെടുകയും ചെയ്​തുള്ള ബോധവത്​കരണപരിപാടികൾ ജനങ്ങൾക്കിടയിൽ നടത്തുമെന്നും അവർ പറഞ്ഞു. മോശമായ ഭക്ഷണശീലങ്ങളും വ്യായാമമില്ലാത്ത ജീവിതവും മൂലമുണ്ടാക്കുന്ന അപകടകരമായ ആരോഗ്യാവസ്​ഥ സംബന്ധിച്ച്​ ജനങ്ങളെ ബോധവത്​കരിക്കും.

പ്രായപൂർത്തിയായ ഒരാൾ അഞ്ചു ഗ്രാം ഉപ്പ്​ മാത്രമേ ഒരു ദിവസം ഉപയോഗിക്കാൻ പാടുള്ളൂവെന്ന്​ ലോകാരോഗ്യസംഘടന പറയുന്നു. 35 ഗ്രാമിൽ കൂടുതൽ പഞ്ചസാര ശരീരത്തിൽ ഒരു ദിവസം ചെല്ലരുത്​. ഒരു ശതമാനത്തിൽ കൂടുതൽ കൊഴുപ്പ്​ വേണ്ട. ജനങ്ങളുടെ ആരോഗ്യം സംരക്ഷിക്കാനും ദേശീയ ആരോഗ്യ നയത്തി​​​​െൻറയും ദേശീയ പോഷകാഹാര-കായികാധ്വാന പദ്ധതിയുടെയും ലക്ഷ്യങ്ങൾ പൂർത്തീകരിക്കാനും പൊതുജനാരോഗ്യമന്ത്രാലയം വിവിധ പരിപാടികളാണ്​ കാലങ്ങളായി നടത്തിക്കൊണ്ടിരിക്കുന്നത്​. മാറാരോഗങ്ങൾ ഉണ്ടാകാനുള്ള സാധ്യതകൾ കുറക്കുകയെന്നത്​ പരമപ്രധാനമാണ്​. പഞ്ചസാരയും ഉപ്പും നിശ്​ചിത അളവിൽ അല്ലാതെ കൂടുതൽ ശരീരത്തിൽ ചെല്ലുന്നത്​ ഏ​െറ അപകടകരമാണ്​. ഇതിനായി രാജ്യത്തെ ബേക്കറികളുമായി 2014 മുതൽ മന്ത്രാലയം സഹകരിച്ച്​ പ്രവർത്തിച്ചുവരുന്നു. ബ്രഡ്​ പോലുള്ള ഉൽപന്നങ്ങൾ ഉണ്ടാക്കു​േമ്പാൾ ഉപ്പി​​​​െൻറ ഉപയോഗം 30 ശതമാനം കുറക്കുക എന്നതാണ്​ ഇതിലൂടെ ലക്ഷ്യമിടുന്നത്​.

അന്താരാഷ്​ട്ര ഏജൻസികളു​െട സഹായ​ത്തോടെ രാജ്യത്തെ ഭക്ഷണപദാർത്ഥങ്ങളിലെ ഉപ്പി​​​​െൻറ അളവ്​ എത്രയാണെന്ന്​ വിലയിരുത്തിവരുന്നുണ്ട്​. രാവിലത്തെ ഭക്ഷണത്തിലും ബ്രഡിലും ഉപ്പി​​​​െൻറ അളവ്​ കുറച്ചുകൊണ്ടുവരാൻ ഇതിലൂടെ കഴിയും. ഉപ്പ്​, കൊഴുപ്പ്​, പഞ്ചസാര തുടങ്ങിയവ ബേക്കറി ഉത്​പന്നങ്ങളുടെ പ്രധാനഘടകമാണ്​. ഇതിനാൽ ഇവ രണ്ടി​​​​െൻറയും ഉപയോഗം കുറക്കു​േമ്പാൾ ബദൽ മാർഗങ്ങൾ തേടണം. ലോകാരോഗ്യസംഘടനയുടെ നിർദേശങ്ങൾ പ്രകാരമാണ്​ പൊതുജനാരോ​ഗ്യമന്ത്രാലയം പ്രവർത്തിക്കുന്നത്​. ആരോഗ്യകരമായ ജീവിത രീതിയിലൂടെയും ഭക്ഷണശീലങ്ങളിലൂടെയും ഇത്തരം വലിയ രോഗങ്ങൾ പിടിപെടാൻ കാരണമായ ഘടകങ്ങൾ ഒഴിവാക്കാൻ കഴിയും. ആരോഗ്യമന്ത്രാലയത്തി​​​​െൻറ നേതൃത്വത്തിൽ ഇതുസംബന്ധിച്ച രണ്ട്​ ശിൽപശാലകൾ കഴിഞ്ഞ ദിവസം നടന്നു. ലോകാരോഗ്യസംഘടനയുടെ പോഷകാഹാര കാര്യങ്ങൾക്കുള്ള റീജിയനൽ അഡ്വൈസർ ഡോ. അയൂബ്​ അൽ ജവാൽദേഹ്​, ഇൻറർനാഷനൽ കൺസൾട്ടൻറ്​ ഡോ. കരൻ മെക്​കാൾ തുടങ്ങിയവരാണ്​ നേതൃത്വം നൽകിയത്​.