കോവിഡ്​ വാക്​സിൻ: മനുഷ്യരിലെ ആദ്യഘട്ട പരീക്ഷണം വിജയം, ശുഭസൂചനയെന്ന്​ ഗവേഷകർ

മനുഷ്യരിൽ നടത്തിയ കോവിഡ്​ വാക്​സിൻ പരീക്ഷണത്തി​​െൻറ ആദ്യഘട്ടം വിജയമെന്ന്​ പ്രമുഖ ബ്രിട്ടീഷ്​ മെഡിക്കൽ മാഗസിനായ ലാൻസെറ്റ്​. മരുന്ന്​ പരീക്ഷണത്തി​​െൻറ ഒന്നാംഘട്ടമാണ്​ നിലവിൽ പിന്നിട്ടിരിക്കുന്നത്​. 1077 ആരോഗ്യമുള്ള 18നും 55 വയസിനും ഇടയിലുള്ളവരിലാണ്​​ മരുന്ന്​ പരീക്ഷിച്ചത്​.

കാര്യമായ പാർശ്വഫലങ്ങൾ റിപ്പോർട്ട്​ ചെയ്യപ്പെടാത്തത്​ ശുഭസൂചനയായാണ്​ ഗവേഷകർ കാണുന്നത്​. ഒാക്​സ്​ഫോർഡ്​ യൂനിവേഴ്​സിറ്റിയുടെ നേത്വത്തിലായിരുന്നു പഠനം. ChAdOx1 എന്ന്​ പേരിട്ടിരിക്കുന്ന വാക്​സിൻ കുത്തിവച്ചവരിൽ പ്രതിരോധശേഷി വർധിച്ചതായാണ്​ കണ്ടെത്തൽ. വാക്​സിൻ പരീക്ഷണം ആരംഭിച്ച്​ 56 ദിവസം പിന്നിടു​േമ്പാഴാണ്​ പോസിറ്റീവ്​ റിസൾട്ട്​ ലഭിക്കുന്നത്​.

രണ്ടാമത്തെ ഡോസ്​ മരുന്നുകൂടി നൽകിയാൽ കൂടുതൽ മികച്ച ഫലം ലഭിക്കുമെന്നും ഗവേഷകർ പ്രതീക്ഷിക്കുന്നുണ്ട്​. 10 പേരടങ്ങുന്ന ഉപവിഭാഗത്തിലും മരുന്ന്​ പരീക്ഷിക്കുന്നുണ്ട്​. നിലവിൽ മനുഷ്യ​​െൻറ പ്രതിരോധ ശേഷിയിലുണ്ടാവുന്ന മാറ്റങ്ങളവണ്​ പ്രധാനമായും പഠനവിധേയമാക്കിയിരിക്കുന്നത്​. അടുത്തഘട്ടത്തിൽ കോവിഡ്​ പ്രതിരോധിക്കുന്നതിൽ മരുന്ന്​ എത്രമാത്രം ഫലപ്രദമാണെന്നായിരിക്കും പരീക്ഷിക്കുക.