You are here

അച്ചാറിനെ തെറ്റിദ്ധരിക്കരുതേ...

15:29 PM
28/09/2018
Pickles-health news

പ്രാ​യഭേദമില്ലാതെ ഏവർക്കും ഹൃദ്രോഗങ്ങൾ ബാധിക്കുന്ന ഇൗ കാലത്ത്​ ഹൃദയാരോഗ്യം സംരക്ഷിക്കുന്നതിനുതകുന്ന ജീവിതരീതികൾ നാം ശ്രദ്ധിക്കേണ്ടതുണ്ട്​. ഹൃദ്രോഗങ്ങളുടെ പ്രാഥമിക കാരണങ്ങൾ പുകവലി, മദ്യപാനം, വ്യായാമമില്ലായ്​മ, അനാരോഗ്യകരമായ ഭക്ഷണം, മാനസിക സമ്മർദം, രക്​തസമ്മർദം എന്നിവയാണ്​. ഭക്ഷണങ്ങളിൽ ശ്രദ്ധ നൽകിയും വ്യായാമം ചെയ്​തും ഹൃദ്രോഗങ്ങളെ തടയാൻ ശ്രമിക്കാം. 

ആരോഗ്യം ശ്രദ്ധിക്കുന്നവർ എപ്പോഴും അകറ്റി നിർത്തുന്ന ഒരു തൊട​ുകറിയാണ്​ അച്ചാറുകൾ. അച്ചാറുകളിൽ ഉപ്പും എണ്ണയും കൂടുതലാണെന്നും ഹൃദ്രോഗം, കാൻസർ തുടങ്ങി രോഗങ്ങൾക്കിടയാക്കുമെന്നും എല്ലാവരും ധരിക്കുന്നു. എന്നാൽ ചില തെറ്റിധാരണകളെ നമുക്ക്​ പൊളിച്ചെഴുതാം. 

ആവശ്യത്തിന്​ മാത്രം ഉപയേഗിക്കു​േമ്പാൾ അച്ചാറുകളും ആരോഗ്യ പ്രദമാണ്​. ദിവസവും ഒരു ടേബിൾ സ്​പൂൺ അച്ചാർ കഴിക്കുന്നത്​ ആരോഗ്യത്തിന്​ നല്ലതാണെന്ന്​ പ്രമുഖ ന്യൂട്രീഷ്യനിസ്​റ്റ്​ റുജുത ദിവേകർ പറയുന്നു. 

അച്ചാറുകൾ കുടലിനെ സഹായിക്കുന്ന ബാക്​ടീരിയകളുടെ പ്രവർത്തനം ഉൗർജ്ജിതമാക്കും. അച്ചാറിലെ വിനാഗിരി ഭക്ഷണ ശേഷം ഉയരുന്ന രക്​തത്തിലെ പഞ്ചസാരയുടെ അളവ്​ കുറക്കുകയും ചെയ്യും. ഛർദി, പ്രഭാതത്തിലുണ്ടാകുന്ന മനംപിരട്ടൽ എന്നിവ ശമിപ്പിക്കാൻ​ ഇഞ്ചി അച്ചാർ നല്ലതാണ്​.  മാങ്ങാ അച്ചാറും നാരങ്ങ അച്ചാറും പ്രഭാതത്തിലുണ്ടാകുന്ന മനംപിരട്ടലിന്​ പരിഹാരമാണ്​. 

വിശ്വാസങ്ങളും യാഥാർഥ്യവും
വിശ്വാസം: 1. അച്ചാറുകൾ ഉപ്പും എണ്ണയും നിറഞ്ഞതായതിനാൽ ആരോഗ്യത്തിന്​ ദോഷകരം
യാഥാർഥ്യം: എണ്ണയും ഉപ്പുമില്ലെങ്കിൽ കുടലിലെ നല്ല ബാക്​ടീരിയകൾക്ക്​ വളരാൻ സാധിക്കില്ല. അത്​ അച്ചാർ കഴിക്കുന്നതി​​​െൻറ ഗുണം നഷ്​ടപ്പെടുത്തും. അതാത്​ കാല​ത്ത്​ ധാരാളമായുണ്ടാകുന്ന പച്ചക്കറികൾ അച്ചാറിന്​ ഉ​പയോഗിക്കാൻ ശ്രദ്ധിക്കണം. എണ്ണയും ഉപ്പും കുറച്ച്​ മാത്രം ഉപയോഗിക്കാം

വിശ്വാസം: 2. ഉപ്പ്​ രക്​തസമ്മർദം ഉയർത്തും
യാഥാർഥ്യം: ഉപ്പാണ്​ രക്​തസമ്മർദത്തിന്​ ഇടയാക്കുന്നതെന്നാണ്​ പലരുടെയും ധാരണ. എന്നാൽ അനാരോഗ്യകരമായ ജീവിതരീതികളാണ്​ രക്​തസമ്മർദം ഉയർത്തുന്നത്​. വ്യായാമത്തി​​​െൻറ കുറവ്​, ഉറക്കക്കുറവ്​, വൃത്തിയില്ലാത്ത ഭക്ഷണം, പാക്കറ്റ്​ ഭക്ഷണങ്ങൾ എന്നിവയാണ്​ രക്​തസമ്മർദം ഉയർത്തുന്നത്​. 

വിശ്വാസം: 3. എണ്ണ ആരോഗ്യത്തിന്​ നല്ലതല്ല
യാഥാർഥ്യം: കൊഴുപ്പ്​, എണ്ണ എന്നിവ ഹൃദ്രോഗങ്ങൾക്കിടയാക്കുമെന്നും പലരും ധരിച്ചിട്ടുണ്ട്​. എന്നാൽ അനാരോഗ്യകരമായ ഭക്ഷണ രീതിയാണ്​ ഹൃദ്രോഗങ്ങൾക്കിടവെക്കുന്നത്​. രാത്രി വൈകിയുള്ള ഭക്ഷണം, ഭക്ഷണം ഒഴിവാക്കൽ, ജങ്ക്​ ഫുഡ്​ എന്നിവ രോഗങ്ങൾക്ക്​ കാരണമാണ്​. വ്യായാമക്കുറവും രോഗത്തിനിടവെക്കും 

വിശ്വാസം: 4. അച്ചാറുകൾ ആരോഗ്യത്തിന്​ നല്ലതല്ല
യാഥാർഥ്യം: അച്ചാറുകൾ അത്യാവശ്യമുള്ള ധാതുക്കളുടെയും വിറ്റാമിനുകളുടെയും ബാക്​ടീരിയകളുടെയും കലവറയാണ്​. ദിവസവും ഒരു ടേബിൾ സ്​പൂൺ അച്ചാർ കഴിക്കുന്നത്​ ഗ്യാസ്​, വിളർച്ച, വിറ്റാമിൻ ഡി, ബി 12 അഭാവം എന്നിവക്ക്​ പരിഹാരമാണ്​. 
 

Loading...
COMMENTS