You are here

തടി കുറക്കാന്‍ കീറ്റോ സൂപ്പറാണോ​?

13:09 PM
15/10/2018
Keto Diet-health news

സോ​ഷ്യ​ൽ മീ​ഡി​യ, പ്ര​ത്യേ​കി​ച്ച് ഫേ​സ്ബു​ക്കും വാ​ട്സ്ആ​പ്പും വ​ഴി​യു​ള്ള സ​ന്ദേ​ശ​ങ്ങ​ളു​ടെ ആ​ധി​ക്യം നി​മി​ത്തം ഏ​താ​ണ്​ ശ​രി, ഏ​താ​ണ്​ തെ​റ്റെ​ന്ന് തി​രി​ച്ച​റി​യാ​ൻ അ​ത്ര​യെ​ളു​പ്പം ക​ഴി​യാ​ത്ത അ​വ​സ്ഥ​യാ​ണി​പ്പോ​ൾ. ഏ​തു ത​ള്ള​ണം, ഏ​തു കൊ​ള്ള​ണ​മെ​ന്ന് അ​റി​യാ​ത്ത അ​വ​സ്ഥ. ഈ ​അ​ടു​ത്ത​കാ​ല​ത്ത് എ​ളു​പ്പം ത​ടി​കു​റ​ക്കാ​നെ​ന്ന പേ​രി​ൽ സ​മൂ​ഹ​മാ​ധ്യ​മ​ങ്ങ​ളി​ൽ ച​ർ​ച്ച​യാ​യ കീ​റ്റോ ഡ​യ​റ്റി​നെ​ക്കു​റി​ച്ചാ​ണ് ഈ ​കു​റി​പ്പ്.  

കാ​ലം മാ​റി, രോ​ഗ​ങ്ങ​ളും...
കീ​റ്റോ ഡ​യ​റ്റ് അ​ഥ​വാ എ​ൽ.​സി.​എ​ച്ച്.​എ​ഫിനെ (ലോ ​കാ​ർ​ബോ​ഹൈ​ഡ്രേ​റ്റ് ഹൈ ​ഫാ​റ്റ് ഡ​യ​റ്റ്)​കുറി​ച്ച​റി​യ​ണ​മെ​ങ്കി​ൽ ആ​ദ്യം കു​റ​ച്ച് ച​രി​ത്ര​വും ഭൂ​മി​ശാ​സ്ത്ര​വു​മൊ​ക്കെ അ​റി​യു​ന്ന​ത് ന​ല്ല​താ.

ഓ​രോ കാ​ല​ഘ​ട്ട​ങ്ങ​ളി​ലും ഉ​ണ്ടാ​യി​രു​ന്ന രോ​ഗ​ങ്ങ​ളു​ടെ​യൊ​ക്കെ രീ​തി​ക്ര​മ​ങ്ങ​ൾ ഓ​രോ ത​ര​ത്തി​ലാ​യി​രു​ന്നു. ആ​ൻ​റി​ബ​യോ​ട്ടി​ക്കു​ക​ളു​ടെ​യും രോ​ഗാ​ണു സി​ദ്ധാ​ന്ത​ത്തി​െ​ൻ​റ​യു​മൊ​ക്കെ മു​മ്പു​ള്ള കാ​ല​ത്ത് ആ​ളു​ക​ൾ മ​രി​ച്ചു​കൊ​ണ്ടി​രു​ന്ന​ത് ന്യു​മോ​ണി​യ, ക്ഷ​യം, വ​യ​റി​ള​ക്കം, മെ​നി​ഞ്ചൈ​റ്റി​സ് തു​ട​ങ്ങി അ​ണു​ബാ​ധ​ക​ൾ​കൊ​ണ്ടു​ള്ള രോ​ഗ​ങ്ങ​ൾ​കൊ​ണ്ടാ​യി​രു​ന്നു. നാ​ൽ​പ​തും അ​മ്പ​തും വ​യ​സ്സി​ലൊ​ക്കെ ആ​ളു​ക​ൾ മ​രി​ക്കു​ന്ന​ത് സാ​ധാ​ര​ണം.

പെ​നി​സി​ലിനി​െ​ൻ​റ ക​ണ്ടു​പി​ടി​ത്തം (പെ​ൻ​സി​ൽ അ​ല്ല, പെ​നി​സി​ലി​ൻ)-അ​ല​ക്സാ​ണ്ട​ർ ഫ്ലെ​മി​ങ്ങി​െ​ൻ​റ ക​ണ്ടു​പി​ടി​ത്തം ഒ​രു വി​പ്ല​വ​മാ​യി​രു​ന്നു. പി​ന്നാ​ലെ അ​തി​നെ​ക്കാ​ൾ വ​മ്പ​ന്മാ​രാ​യ ആ​ൻ​റി​ബ​യോ​ട്ടി​ക്കു​ക​ൾ വ​ന്നു. ക്ഷ​യ​രോ​ഗ​ത്തി​നും കൃ​ത്യ​മാ​യ ചി​കി​ത്സ​യാ​യി. പേ​വി​ഷ​ബാ​ധ​യും പോ​ളി​യോ​യും പോ​ലു​ള്ള​വ വാ​ക്സി​നു​ക​ളു​ടെ മു​ന്നി​ൽ തോ​റ്റു​തു​ട​ങ്ങി. പ​തി​െയ​പ്പ​തി​യെ ജ​ന​ങ്ങ​ളു​ടെ പ്രാ​യം ഉ​യ​ർ​ന്നു​തു​ട​ങ്ങി. ഇ​പ്പോ അ​റു​പ​തും എ​ഴു​പ​തു​മൊ​ക്കെ എ​ത്തി​യി​ല്ലെ​ങ്കി​ലാ​ണ്​ പ്ര​ശ്നം. മു​പ്പ​തും നാ​ൽ​പ​തു​മൊ​ക്കെ അ​കാ​ല​മ​ര​ണ​ത്തി​െ​ൻ​റ ലി​സ്​​റ്റി​ലേ​ക്ക് ക​യ​റാ​ൻ തു​ട​ങ്ങി.

Diet

അ​പ്പോ​ൾ പു​തി​യൊ​രു കൂ​ട്ടം രോ​ഗ​ങ്ങ​ൾ ക​യ​റി​വ​ന്നു. പ്ര​മേ​ഹ​വും ര​ക്ത​സ​മ്മ​ർ​ദ​വും മ​സ്തി​ഷ്കാ​ഘാ​ത​വും ഹൃ​ദ​യ​സം​ബ​ന്ധ​മാ​യ രോ​ഗ​ങ്ങ​ളു​മെ​ല്ലാം പ​തി​യെ പ​ടി​ക​യ​റി​വ​ന്നു. ജീ​വി​ത​ശൈ​ലി മാ​റി​യ​താ​യി​രു​ന്നു ഒ​രു കാ​ര​ണം. പ​ണ്ട് ഒ​രു നേ​രം തി​ക​ച്ച് ക​ഴി​ക്കാ​ൻ ഇ​ല്ലാ​ഞ്ഞ കാ​ല​ത്തെ​പ്പോ​ലെ​യ​ല്ല ഇ​ന്ന്. അ​തു​പോ​ലെ ജോ​ലി​യു​ടെ രീ​തി​യും ന​ട​പ്പി​െ​ൻ​റ ദൂ​ര​വു​മെ​ല്ലാം മാ​റി. അ​ക്കൂ​ട്ട​ത്തി​ൽ ആ​ൾ​ക്കാ​ർ കൂ​ടു​ത​ൽ കാ​ലം ജീ​വി​ക്കു​ക​യും​ കൂ​ടി​യാ​യ​പ്പോ​ൾ ന​മ്മ​ൾ ജീ​വി​ത​ശൈ​ലീ​രോ​ഗ​ങ്ങ​ളെ​ക്കു​റി​ച്ച് ചി​ന്തി​ച്ചു​തു​ട​ങ്ങേ​ണ്ട അ​വ​സ്ഥ​യാ​യി.

ഇ​ത്ത​രം രോ​ഗ​ങ്ങ​ളി​ലേ​ക്ക് ന​യി​ക്കാ​നു​ള്ള കാ​ര​ണ​ങ്ങ​ളെ പൊ​തു​വെ വി​ളി​ക്കാ​റു​ള്ള​ത് റി​സ്ക് ഫാ​ക്ട​റു​ക​ൾ അ​ഥ​വ അ​പ​ക​ട​ഘ​ട​ക​ങ്ങ​ളെ​ന്നാ​ണ്. അ​താ​യ​ത്, പു​ക​വ​ലി, പ്ര​മേ​ഹം, പൊ​ണ്ണ​ത്ത​ടി, ര​ക്താ​തി​സ​മ്മ​ർ​ദം, ര​ക്ത​ത്തി​ലെ കൊ​ഴു​പ്പു​ക​ളു​ടെ (കൊ​ള​സ്ട്രോ​ൾ, ട്രൈ ​ഗ്ലൈ​സെ​റൈ​ഡു​ക​ൾ, എ​ൽ.​ഡി.​എ​ൽ എ​ന്നി​വ​യും മ​റ്റു പ​ല​തും) അ​ള​വു​ക​ൾ എ​ന്നി​വ ഹൃ​ദ്രോ​ഗ​ത്തി​െ​ൻ​റ​യും മ​സ്തി​ഷ്കാ​ഘാ​ത​ത്തി​െ​ൻ​റ​യും റി​സ്ക് ഫാ​ക്ട​റു​ക​ളാ​ണെ​ന്ന് പ​റ​യാം. ഹൃ​ദ്രോ​ഗ​വും മ​സ്തി​ഷ്കാ​ഘാ​ത​വും ഇ​ന്നും ലോ​ക​ത്തി​ലെ വ​ലി​യ കൊ​ല​യാ​ളി​ക​ളി​ൽ മു​ന്നി​ൽ​ത്ത​ന്നെ​യാ​ണ്.

അ​മി​ത​ഭാ​രം പ്ര​ശ്നം ത​ന്നെ
ഇ​ത്ത​രം ജീ​വി​ത​ശൈ​ലീ​രോ​ഗ​ങ്ങ​ളെ​ക്കു​റി​ച്ച് കൂ​ടു​ത​ലാ​യി അ​വ​ബോ​ധ​മു​ണ്ടാ​യ​തോ​ടെ അ​മി​ത​ഭാ​രം പ്ര​ശ്ന​മാ​ണെ​ന്ന ബോ​ധം ആ​ളു​ക​ളി​ൽ ഉ​ണ്ടാ​യി​ത്തു​ട​ങ്ങി. ശ​രി​യാ​ണ്. അ​മി​ത​ഭാ​രം പ്ര​ശ്നം​ത​ന്നെ​യാ​ണ്. ര​ക്ത​സ​മ്മ​ർ​ദം, പ്ര​മേ​ഹം, ഹൃ​ദ്രോ​ഗ​ങ്ങ​ൾ എ​ന്നി​വ​യ​ട​ക്കം പ​ല രോ​ഗ​ങ്ങ​ളും വ​രാ​നു​ള്ള സാ​ധ്യ​ത പൊ​ണ്ണ​ത്ത​ടി ഉ​ള്ള​വ​രി​ൽ കൂ​ടു​ത​ലാ​ണ്. സ്വാ​ഭാ​വി​ക​മാ​യും ഭ​ക്ഷ​ണ​നി​യ​ന്ത്ര​ണ​വും വ്യാ​യാ​മ​വും പി​ന്നെ വ​ണ്ണം കു​റ​യ്ക്കാ​നു​ള്ള ചി​ല്ല​റ പൊ​ടി​ക്കൈ​ക​ളും പ​ല​രും പ​രീ​ക്ഷി​ക്കാ​ൻ തു​ട​ങ്ങി. പൊ​ടി​യും ഗു​ളി​ക​യും പ​ച്ച​മ​രു​ന്നു​മൊ​ക്കെ പ്ര​യോ​ഗി​ച്ച് ജീ​വ​ൻ​വ​രെ ന​ഷ്​​ട​പ്പെ​ട്ട​വ​രും കു​റ​വ​ല്ല.

Over-Weight

ആ​ദ്യം എ​ന്താ​ണ് പൊ​ണ്ണ​ത്ത​ടി അ​ല്ലെ​ങ്കി​ൽ അ​മി​ത​വ​ണ്ണ​മെ​ന്ന് നോ​ക്കാം. ബോ​ഡി മാ​സ് ഇ​ൻ​ഡ​ക്സ് എ​ന്ന സൂ​ച​കം​െ​വ​ച്ചാ​ണ് ശ​രീ​ര​ഭാ​രം കൂ​ടു​ത​ലാ​ണോ കു​റ​വാ​ണോ എ​ന്ന് തീ​രു​മാ​നി​ക്കു​ന്ന​ത്. കി​ലോ​ഗ്രാ​മി​ലു​ള്ള ശ​രീ​ര​ഭാ​ര​ത്തെ പൊ​ക്കം മീ​റ്റ​റി​ൽ ക​ണ​ക്കാ​ക്കി അ​തി​​​​െൻറ സ്ക്വ​യ​ർ (പൊ​ക്കം X പൊ​ക്കം) കൊ​ണ്ട് ഹ​രി​ച്ചാ​ൽ കി​ട്ടു​ന്ന​താ​ണ് ബോ​ഡി മാ​സ് ഇ​ൻ​ഡ​ക്സ്. ബോ​ഡി മാ​സ് ഇ​ൻ​ഡ​ക്സ് 18.5 തൊ​ട്ട് 24.9 വ​രെ ആ​യി​രി​ക്കു​ന്ന​താ​ണ് ഉ​ത്ത​മം. അ​തി​ൽ കൂ​ടു​ന്ന​തും അ​തി​നെ​ക്കാ​ൾ ഒ​രു​പാ​ട് കു​റ​യു​ന്ന​തും ന​ല്ല​ത​ല്ല.  

കീ​റ്റോ ഡ​യ​റ്റ് അ​ഥ​വാ എ​ൽ.​സി.​എ​ച്ച്.​എ​ഫ്  
വ്യാ​യാ​മം​പോ​ലെ​ത​ന്നെ ഭ​ക്ഷ​ണ​ക്ര​മ​വും പ്ര​ധാ​ന​മാ​ണ് ശ​രീ​ര​ഭാ​രം നി​യ​ന്ത്രി​ക്കു​ന്ന​തി​ൽ. പ​ല​പ​ല ഡ​യ​റ്റ് പ്ലാ​നു​ക​ൾ ആ​ളു​ക​ൾ പ​രീ​ക്ഷി​ച്ചു​നോ​ക്കാ​റു​ണ്ട്. അ​ത്ത​ര​ത്തി​ൽ ഈ ​അ​ടു​ത്തി​ടെ കേ​ട്ട ഒ​ന്നാ​ണ് കീ​റ്റോ ഡ​യ​റ്റ്.  കീ​റ്റോ അ​ല്ലെ​ങ്കി​ൽ കീ​റ്റോ​ജ​നി​ക് ഡ​യ​റ്റ് എ​ന്താ​ണെ​ന്ന് നോ​ക്കാം.

Meat

അ​ന്ന​ജ​ത്തി​െ​ൻ​റ അ​ള​വ് വ​ള​രെ കു​റ​ച്ചും അ​തേ​സ​മ​യം കൊ​ഴു​പ്പി​െ​ൻ​റ അ​ള​വ് കൂ​ട്ടി​യു​മു​ള്ള ഭ​ക്ഷ​ണ​ക്ര​മ​മാ​ണ് കീ​റ്റോ ഡ​യ​റ്റ്. മാം​സ്യ​ത്തി​െ​ൻ​റ (പ്രോ​ട്ടീ​ൻ) അ​ള​വി​ൽ മാ​റ്റ​ങ്ങ​ളി​ല്ല. സാ​ധാ​ര​ണ ന​മ്മു​ടെ ഭ​ക്ഷ​ണ​ക്ര​മ​ത്തി​ൽ, ദി​വ​സ​വും ആ​വ​ശ്യ​മാ​യ ഊ​ർ​ജ​ത്തി​െ​ൻ​റ 50-60 ശ​ത​മാ​നം അ​ന്ന​ജ​ത്തി​ൽ​നി​ന്നും 15-25 ശ​ത​മാ​നം മാം​സ്യ​ത്തി​ൽ​നി​ന്നും ബാ​ക്കി കൊ​ഴു​പ്പി​ൽ​നി​ന്നു​മാ​ണ് വ​രേ​ണ്ട​ത് എ​ന്നാ​ണു പ​റ​യാ​റു​ള്ള​ത്. എ​ന്നാ​ൽ, കീ​റ്റോ ഡ​യ​റ്റി​ൽ 10 ശ​ത​മാ​നം ഊ​ർ​ജം മാ​ത്ര​മേ അ​ന്ന​ജ​ത്തി​ൽനി​ന്നും കി​ട്ടൂ. ഭൂ​രി​ഭാ​ഗം ഊ​ർ​ജ​വും കൊ​ഴു​പ്പി​ൽ​നി​ന്നാ​യി​രി​ക്കും.

കീ​റ്റോ ഡ​യ​റ്റെ​ന്ന പേ​രു വ​രാ​ൻ കാ​ര​ണ​മു​ണ്ട്. ന​മ്മ​ൾ ക​ഴി​ക്കു​ന്ന ഭ​ക്ഷ​ണ​ത്തി​ൽനി​ന്ന് ഗ്ലൂ​ക്കോ​സ് ഉ​ണ്ടാ​ക്കി അ​താ​ണ് കോ​ശ​ങ്ങ​ൾ അ​വ​രു​ടെ ആ​വ​ശ്യ​ങ്ങ​ൾ​ക്കാ​യി ഉ​പ​യോ​ഗി​ക്കു​ക. ത​ല​ച്ചോ​റി​ന് ഗ്ലൂ​ക്കോ​സ് മാ​ത്ര​മേ ഉ​പ​യോ​ഗി​ക്കാ​ൻ ക​ഴി​യൂ.​ കീ​റ്റോ ഡ​യ​റ്റു​കാ​ർ ക​ഴി​ക്കു​ന്ന ഭ​ക്ഷ​ണ​ത്തി​ൽ അ​ന്ന​ജം കു​റ​വാ​ണ​ല്ലോ. അ​പ്പോ ശ​രീ​രം ഗ്ലൂ​ക്കോ​സ് ഉ​ണ്ടാ​ക്കാ​ൻ വേ​റെ പ​ണി നോ​ക്കും. കൊ​ഴു​പ്പി​നെ ഉ​പ​യോ​ഗി​ച്ച് ക​ര​ളി​ൽ​െ​വ​ച്ച് ശ​രീ​രം കീ​റ്റോ​ൺ ബോ​ഡി എ​ന്ന ചെ​റു ത​ന്മാ​ത്ര ഉ​ണ്ടാ​ക്കും. ഇ​വ​ന്മാ​രെ ത​ല​ച്ചോ​റി​നും മ​റ്റും ഉ​പ​യോ​ഗി​ക്കാം. അ​താ​യ​ത് കീ​റ്റോ ഡ​യ​റ്റു​കാ​രു​ടെ ര​ക്ത​ത്തി​ൽ കീ​റ്റോ​ൺ ബോ​ഡി​ക​ൾ കൂ​ടു​ത​ലാ​യി​രി​ക്കും.

Pizza

കീ​റ്റോ​യു​ടെ മ​ട​ങ്ങി​വ​ര​വ്...
ഇ​ത് ഇ​പ്പോ​ൾ ‘വൈ​റ​ലാ​യി’ എ​ങ്കി​ലും 1920ക​ളി​ൽ കു​ഞ്ഞു​ങ്ങ​ളി​ൽ ഉ​ണ്ടാ​കു​മാ​യി​രു​ന്ന ഒ​രു​ത​രം ജ​ന്നി രോ​ഗ​ത്തി​ന് മ​രു​ന്നാ​യി കീ​റ്റോ ഡ​യ​റ്റ് ഉ​പ​യോ​ഗി​ക്കു​മാ​യി​രു​ന്നു എ​ന്ന് പ​റ​യ​പ്പെ​ടു​ന്നു​ണ്ട്. ഫ​ല​പ്ര​ദ​മാ​യ മ​രു​ന്നു​ക​ൾ ക​ണ്ടെ​ത്തി​യ​തോ​ടെ ഇ​തി​നെ ആ​ളു​ക​ൾ മ​റ​ന്നു.

പി​ന്നീ​ടി​വ​ൻ ഒ​രു തി​രി​ച്ചു​വ​ര​വ് ന​ട​ത്തു​ന്ന​ത് ആ​ളു​ക​ളെ മൊ​ത്ത​ത്തി​ൽ ഒ​ന്ന് ഞെ​ട്ടി​ച്ചു​കൊ​ണ്ടാ​ണ്. അ​ന്നു​വ​രെ പ​റ​ഞ്ഞി​രു​ന്ന ഭ​ക്ഷ​ണ​ക്ര​മ​ത്തെ​യൊ​ക്കെ മാ​റ്റി​മ​റി​ച്ചു​കൊ​ണ്ട് കൊ​ഴു​പ്പ് കൂ​ട്ടി​യും അ​ന്ന​ജം കു​റ​ച്ചും  മു​ട്ട, ഇ​റ​ച്ചി, (ബീ​ഫ്, മ​ട്ട​ൻ, പോ​ർ​ക്ക് അ​ട​ക്കം കൊ​ഴു​പ്പോ​ടു​കൂ​ടി), വെ​ണ്ണ, നെ​യ്യ് ഒ​ക്കെ ഇ​ഷ്​​ടം​പോ​ലെ ക​ഴി​ച്ചോ എ​ന്ന് പ​റ​ഞ്ഞു കീ​റ്റോ ക​ളം​പി​ടി​ച്ചു. പു​തി​യ സം​ഗ​തി അ​ല്ല. പ​ത്തു​മു​പ്പ​ത് വ​ർ​ഷം മു​മ്പ​ത്തെ സം​ഗ​തി​യാ​ണ്.

Meat-Ball

കീ​റ്റോ​കൊ​ണ്ട് ത​ടി കു​റ​യു​മോ?
ഈ ​ഭ​ക്ഷ​ണ​രീ​തി​കൊ​ണ്ട് ഭാ​രം കു​റ​യു​മെ​ന്നാ​ണോ അ​പ്പോ​ൾ പ​റ​യു​ന്ന​ത്? ചെ​റി​യ ഒ​രു കാ​ല​യ​ള​വി​ൽ നോ​ക്കി​യാ​ൽ ശ​രീ​ര​ഭാ​രം കു​റ​യു​ന്ന​താ​യി​ത​ന്നെ കാ​ണു​ന്നു. പ​ഠ​ന​ങ്ങ​ൾ  കാ​ണി​ക്കു​ന്ന​ത് ഈ ​ഭ​ക്ഷ​ണ​രീ​തി തൂ​ക്കം കു​റ​ക്കാ​ൻ സ​ഹാ​യി​ക്കും എ​ന്നു​ത​ന്നെ​യാ​ണ്. പ​ക്ഷേ, എ​ങ്ങ​നെ​യാ​ണ് ഈ ​ഭ​ക്ഷ​ണ​രീ​തി​കൊ​ണ്ട് ഭാ​രം കു​റ​യു​ന്ന​തെ​ന്ന​തി​നു കൃ​ത്യ​മാ​യ ഉ​ത്ത​രം ന​മ്മു​ടെ പ​ക്ക​ലി​ല്ല.

അ​തൊ​രു കു​റ​വു​ത​ന്നെ​യാ​ണ്. പ്ര​ത്യേ​കി​ച്ച് ശാ​സ്ത്രീ​യ​ത എ​ന്നു പ​റ​യു​ന്ന​ത് കൃ​ത്യ​മാ​യ പ​ഠ​ന​ങ്ങ​ളു​ടെ അ​ടി​സ്ഥാ​ന​ത്തി​ൽ മു​ന്നോ​ട്ടു​പോ​വു​ന്ന​തു​കൂ​ടി​യാ​ണെ​ന്ന​തോ​ർ​ക്കു​മ്പോ​ൾ. പ​ത്തു​നാ​ൽ​പ​ത് വ​ർ​ഷം ഇ​വ​ൻ ഇ​വി​ടെ​യു​ണ്ടാ​യി​ട്ടും ന​മു​ക്ക് കൃ​ത്യ​മാ​യ വി​ല​യി​രു​ത്ത​ലു​ക​ളി​ലെ​ത്തി​ച്ചേ​രാ​ൻ പ​റ്റാ​ത്ത​ത് ഒ​രു പോ​രാ​യ്മത​ന്നെ​യാ​ണ്. അ​ത്ത​രം ഒ​രു ഭ​ക്ഷ​ണ​രീ​തി പി​ന്തു​ട​രാ​ൻ അ​തു​കൊ​ണ്ടു​ത​ന്നെ ഉ​പ​ദേ​ശി​ക്കാ​ൻ പ​റ്റി​ല്ല.

ഭാ​രം കു​റ​ക്കാ​നു​ള്ള ഉ​ത്ത​മ​മാ​യ രീ​തി എ​ന്ന​ത് ന​മ്മ​ൾ പി​ന്തു​ട​രു​ന്ന ക്ര​മം​കൊ​ണ്ട് 10 ശ​ത​മാ​ന​മെ​ങ്കി​ലും ഭാ​രം കു​റ​ക്കാ​നും അ​ത് ഒ​രു വ​ർ​ഷ​മെ​ങ്കി​ലും കൂ​ടാ​തെ നോ​ക്കാ​നും ക​ഴി​യ​ണം. മ​റ്റൊ​രു സു​പ്ര​ധാ​ന കാ​ര്യം ‘ഭാ​രം കു​റ​യ്ക്കു​ന്ന​തി​നെ​ക്കാ​ൾ ശ്ര​മ​ക​ര​മാ​യ​ത് ആ ​കു​റ​ഞ്ഞ അ​വ​സ്ഥ നി​ല​നി​ർ​ത്തി​ക്കൊ​ണ്ടു​പോ​കു​ന്ന​തി​നാ​ണ് എ​ന്ന​താ​ണ്’. അ​ങ്ങ​നെ നോ​ക്കു​േ​മ്പാ​ഴും കീ​റ്റോ ഡ​യ​റ്റി​നെ​ക്കൊ​ണ്ട് കാ​ല​ങ്ങ​ൾ നീ​ണ്ടു​നി​ൽ​ക്കു​ന്ന മാ​റ്റ​മു​ണ്ടാ​കു​ന്ന​താ​യി കാ​ണാ​ൻ ക​ഴി​യു​ന്നി​ല്ല.

Weight-Loss

ദീ​ർ​ഘ​കാ​ലം ഈ ​രീ​തി തു​ട​രു​ന്ന​തു​കൊ​ണ്ട്​ എ​ന്തെ​ങ്കി​ലും ആ​രോ​ഗ്യ​പ്ര​ശ്ന​ങ്ങ​ൾ ഉ​ണ്ടാ​കു​മോ എ​ന്നും കൃ​ത്യ​മാ​യി അ​റി​യി​ല്ല. വ​ള​രെ വ​ലി​യ അ​ള​വി​ൽ കൊ​ഴു​പ്പ് ക​ഴി​ക്കു​ന്ന​തു​മൂ​ലം, മു​ന്നോ​ട്ട് എ​ന്തൊ​ക്കെ പ്ര​ശ്ന​ങ്ങ​ൾ ഉ​ണ്ടാ​കും എ​ന്നു​മ​റി​യി​ല്ല.

ഒ​പ്പം കീ​റ്റോ ഡ​യ​റ്റ് പി​ന്തു​ട​രു​ന്ന​വ​ർ പ​റ​യു​ന്ന എ​ല്ലാ വാ​ദ​ങ്ങ​ളും ക​ണ്ണും​പൂ​ട്ടി വി​ശ്വ​സി​ക്കാ​നും ക​ഴി​യില്ല. ഉ​ദാ​ഹ​ര​ണ​ത്തി​ന്, പൂ​രി​ത കൊ​ഴു​പ്പു​ക​ൾ എ​ന്ന സാ​ച്ചു​റേ​റ്റ​ഡ് ഫാ​റ്റ് ഒ​രു കു​ഴ​പ്പ​വു​മി​ല്ല എ​ന്ന രീ​തി​യി​ലാ​ണ് കീ​റ്റോ ഡ​യ​റ്റു​കാ​ർ പ​റ​യു​ന്ന​ത്. ന​മു​ക്ക് ഇ​തു​വ​രെ ല​ഭി​ച്ച പ​ഠ​ന​ങ്ങ​ളു​ടെ ആ​കെ​ത്തു​ക ഇ​ത് ശ​രി​യ​ല്ല എ​ന്നാ​ണ് കാ​ണി​ക്കു​ന്ന​ത്. ഒ​പ്പം ര​ക്ത​ത്തി​ലെ കൊ​ള​സ്ട്രോ​ളും കു​ഴ​പ്പ​മി​ല്ലെ​ന്ന രീ​തി​യി​ൽ ന​ട​ത്തു​ന്ന പ്ര​ചാ​ര​ണ​ങ്ങ​ളും ശ​രി​യ​ല്ല.

കു​റു​ക്കു​വ​ഴി വേ​ണ്ട...
അ​താ​യ​ത്, യ​ഥാ​ർ​ഥ​ത്തി​ൽ ന​മ്മ​ൾ ല​ക്ഷ്യം​വെ​ക്കേ​ണ്ട​ത് പൊ​ടു​ന്ന​നെ ശ​രീ​ര​ഭാ​രം കു​റ​ക്കാ​ന​ല്ല. സ​മീ​കൃ​താ​ഹാ​രം ശ​രി​യാ​യ അ​ള​വി​ൽ ക​ഴി​ച്ച്, ഭാ​രം ഒ​രു നി​ശ്ചി​ത അ​ള​വി​ൽ നി​ല​നി​ർ​ത്തു​ന്ന​തോ​ടൊ​പ്പം, ദീ​ർ​ഘ​കാ​ലാ​ടി​സ്ഥാ​ന​ത്തി​ൽ രോ​ഗ​സാ​ധ്യ​ത കു​റ​ക്കു​ക എ​ന്ന​താ​ണ്.  ഒ​പ്പം അ​മി​ത​വ​ണ്ണം ഉ​ണ്ടാ​വാ​തെ നോ​ക്കു​ക​യെ​ന്ന​താ​വ​ണം മു​ഖ്യ ല​ക്ഷ്യം. ഇ​തി​നു കു​റു​ക്കു​വ​ഴി​ക​ൾ പ​രീ​ക്ഷി​ക്കാ​തെ, ഒ​രു വി​ദ​ഗ്ധ​െ​ൻ​റ സ​ഹാ​യ​ത്തോ​ടെ ചി​ട്ട​യാ​യ വ്യാ​യാ​മ​വും ഭ​ക്ഷ​ണ​വും ജീ​വി​ത​ത്തി​െ​ൻ​റ ഭാ​ഗ​മാ​ക്കി ആ​രോ​ഗ്യ​ക​ര​മാ​യ ജീ​വി​തം ന​യി​ക്കാ​ൻ ല​ക്ഷ്യം​​വെ​ക്കു​ന്ന​താ​ണ്​ കീ​റ്റോ​യു​ടെ പി​ന്നാ​ലെ ഓ​ടു​ന്ന​തി​നെ​ക്കാ​ൾ ഉ​ത്ത​മം.    

Dash-Diet

ഡാ​ഷ് ഡ​യ​റ്റ്
ലോ​ക​പ്ര​ശ​സ്ത​മാ​യ ഡ​യ​റ്റു​ക​ളി​ൽ മു​ൻ​നി​ര​യി​ലു​ള്ള​താ​ണ് ഡാ​ഷ് ഡ​യ​റ്റ്. ഭ​ക്ഷ​ണ​നി​യ​ന്ത്ര​ണ​ത്തി​ലൂ​ടെ അ​മി​ത​ര​ക്ത​സ​മ്മ​ർ​ദം കു​റ​ക്ക​ലാ​ണ് ഡാ​ഷ് ഡ​യ​റ്റിെ​ൻ​റ(​ഡ​യ​റ്റ​റി അ​പ്രോ​ച്ച​സ് ടു ​സ്​​റ്റോ​പ് ഹൈ​പ​ർ ടെ​ൻ​ഷ​ൻ) ല​ക്ഷ്യം.  പ​ഴ​ങ്ങ​ൾ, പ​ച്ച​ക്ക​റി​ക​ൾ, കൊ​ഴു​പ്പ് കു​റ​ഞ്ഞ പാ​ൽ ഉ​ൽ​പ​ന്ന​ങ്ങ​ൾ എ​ന്നി​വ ധാ​രാ​ളം ക​ഴി​ക്കു​ക​യാ​ണ് ഇ​തി​ൽ ഒ​ന്നാ​മ​താ​യി ചെ​യ്യേ​ണ്ട​ത്. പൂ​രി​ത കൊ​ഴു​പ്പും കൊ​ള​സ്ട്രോ​ളും ട്രാ​ൻ​സ് ഫാ​റ്റും അ​ട​ങ്ങി​യ ഭ​ക്ഷ​ണം പ​ര​മാ​വ​ധി കു​റ​ക്കു​ക​യും വേ​ണം. മു​ഴു ധാ​ന്യ​ങ്ങ​ൾ (ത​വി​ട് ക​ള​യാ​ത്ത), മ​ത്സ്യം, കോ​ഴി​യി​റ​ച്ചി, അ​ണ്ടി​വ​ർ​ഗ​ങ്ങ​ൾ എ​ന്നി​വ കൂ​ടു​ത​ലാ​യി ക​ഴി​ക്ക​ണം. സോ​ഡി​യം, മ​ധു​രം, മ​ധു​ര​പാ​നീ​യ​ങ്ങ​ൾ, ചു​വ​ന്ന ഇ​റ​ച്ചി എ​ന്നി​വ പ​ര​മാ​വ​ധി കു​റ​ക്കു​ക​യും വേ​ണം.

ഡാ​ഷ് ഡ​യ​റ്റ് പ്ര​കാ​രം ഭ​ക്ഷ​ണം ക്ര​മീ​ക​രി​ക്കു​ന്ന​വ​രി​ൽ ര​ണ്ടാ​ഴ്ച​കൊ​ണ്ടു​ത​ന്നെ ര​ക്ത​സ​മ്മ​ർ​ദം കു​റ​യു​ന്ന​താ​യി പ​ഠ​ന​ങ്ങ​ളി​ൽ തെ​ളി​ഞ്ഞി​ട്ടു​ണ്ട്. മേ​ൽ​പ​റ​ഞ്ഞ പ​ല​ത​രം ഭ​ക്ഷ്യ​വി​ഭാ​ഗ​ങ്ങ​ളി​ൽ​നി​ന്നു​ള്ള നി​ശ്ചി​ത അ​ള​വാ​ണ് ആ​വ​ശ്യം. എ​ന്നാ​ൽ, ഒാ​രോ​രു​ത്ത​ർ​ക്കും എ​ത്ര അ​ള​വാ​ണ് ആ​വ​ശ്യം എ​ന്ന​ത് ഒാ​രോ​രു​ത്ത​രു​ടെ​യും ദൈ​നം​ദി​നം ഊ​ർ​ജാ​വ​ശ്യം പ​രി​ഗ​ണി​ച്ച് വേ​ണം ക്ര​മീ​ക​രി​ക്കാ​ൻ. ക്ര​മാ​നു​ഗ​ത​മാ​യി അ​ള​വി​ൽ മാ​റ്റം വ​രു​ത്താ​ൻ ക​ഴി​യും. ഉ​ദാ​ഹ​ര​ണ​ത്തി​ന്, ആ​ദ്യം ഒ​രു ദി​വ​സ​ത്തെ ഉ​പ്പ് ഉ​പ​യോ​ഗം ഒ​രു ടീ​സ്പൂ​ൺ (2400 മി​ല്ലി ഗ്രാം ​സോ​ഡി​യം) ആ​യി കു​റ​ക്കാം. പി​ന്നീ​ട് ശ​രീ​രം അ​തി​നോ​ട് പൊ​രു​ത്ത​പ്പെ​ടു​മ്പോ​ൾ ഉ​പ്പിെ​ൻ​റ അ​ള​വ് 1500 മി​ല്ലി​ഗ്രാം (ടീ​സ്പൂ​ണിെ​ൻ​റ മൂ​ന്നി​ൽ ര​ണ്ട്) ആ​യി കു​റ​ക്കാം. അ​മേ​രി​ക്ക​യി​ലെ നാ​ഷ​ന​ൽ ഇ​ൻ​സ്​​റ്റി​റ്റ്യൂ​ട്ട് ഒാ​ഫ് ഹെ​ൽ​ത്താ​ണ് ഡാ​ഷ് ഡ​യ​റ്റ് പ്രൊ​മോ​ട്ട് ചെ​യ്യു​ന്ന​ത്. ലോ​ക​ത്തി​ലെ ഏ​റ്റ​വും മി​ക​ച്ച ഡ​യ​റ്റാ​യി ഡാ​ഷ് ഡ​യ​റ്റ് തി​ര​ഞ്ഞെ​ടു​ക്ക​പ്പെ​ട്ടി​രു​ന്നു. ഏ​റ്റ​വും മി​ക​ച്ച ഹൃ​ദ​യ​സൗ​ഹൃ​ദ ഡ​യ​റ്റ്, മി​ക​ച്ച ര​ണ്ടാ​മ​ത്തെ പ്ര​മേ​ഹ​നി​യ​ന്ത്ര​ണ ഡ​യ​റ്റാ​യും ഡാ​ഷ് തി​ര​ഞ്ഞെ​ടു​ക്ക​പ്പെ​ട്ടു.
 

തയാറാക്കിയത്​: ഡോ. ​നെ​ൽ​സ​ൺ ജോ​സ​ഫ്
ഇ​ൻ​ഫോ ക്ലി​നി​ക്

Loading...
COMMENTS