ആരോഗ്യദായകം ഇൗ നീലച്ചായ

ചായ കുടിയൻമാർക്ക്​ സന്തോഷമേകിക്കൊണ്ട്​ വന്ന പുതിയ താരമാണ്​ ബ്ലൂടീ. ഹെർബൽ ടീ എന്നാണ്​ ബ്ലൂ ചായ അറിയപ്പെടുന്നത്​. ശംഖുപുഷ്​പം കൊണ്ട്​ ഉണ്ടാക്കുന്ന ചായയാണിത്​. ചായയിലെ ദോഷകരമായ കഫീൻ ഇല്ല എന്നതാണ്​ പ്രധാന ആകർഷണം. കൂടാതെ, ചില ആരോഗ്യ പ്രശ്​നങ്ങൾക്ക്​ പരിഹാരവും ബ്ലുടീ നൽകുന്നു.  

• ബ്ലൂടീ ഒാർമശക്​തിയെ ഉദ്ദീപിപ്പിക്കുമെന്നാണ്​ ഇതി​​െൻറ നിർമാതാവ്​ സുനിൽ സാഹയു​െട അവകാശവാദം. ശംഖുപുഷ്​പം ഒാർമ ശക്​തി വർധിപ്പിക്കാൻ സഹായിക്കുമെന്ന്​ പഠനങ്ങൾ തെളിയിച്ചിട്ടുണ്ട്​. 
• മാനസിക സമ്മർദം കുറക്കാനും ശംഖുപുഷ്​പം നല്ലതാണ്​. 
• ചുമ, ജലദോഷം, ആസ്​ത്​മ എന്നിവ അകറ്റും. ശ്വാസോച്ഛ്വാസം സുഗമമാക്കും.
• ഭക്ഷണത്തിൽ നിന്നുള്ള ഗ്ലുക്കോസ്​ ആഗിരണം ചെയ്യുന്നത്​ തടയുന്നതിനാൽ ടൈപ്പ്​ ll പ്രമേഹത്തെ പ്രതിരോധിക്കാനും സഹായിക്കും. 
• ആൻറി ഒാക്​സിഡൻറുകൾ ധാരാളം അടങ്ങിയതിനാൽ ശരീര കലകൾ നശിക്കുന്നത്​ തടയാൻ സാധിക്കും. ചർമത്തിന്​ പ്രായം ബാധിക്കുന്നതും മുടി ​െകാഴിച്ചിൽ തടയാനും  ശംഖുപുഷ്​പം സഹായിക്കും. 

ബ്ലൂടീ നിർമിക്കുന്നത്​ എങ്ങനെയെന്ന്​ നോക്കാം:-

• നല്ല ശംഖുപുഷ്​പം ഒരു പ്ലേറ്റിലെടുത്ത്​ വലകൊണ്ടു മൂടി പൂവ്​ ചുരുളുന്നതു വരെ വെയിലത്ത്​ വെച്ച്​  ഉണക്കുക. 
• ഒരു കപ്പ്​ വെള്ളം തിളപ്പിച്ച ശേഷം ഉണങ്ങിയപൂക്കൾ അതിലിടുക. 
• വെള്ളം നീല നിറമാകുന്നതുവരെ കുതിരാൻ അനുവദിക്കുക. 
• ശേഷം മിശ്രിതം അരി​െച്ചടുത്ത്​ പഞ്ചസാരയോ തേനോ ചേർത്ത്​ കഴിക്കാം. 
• ഇതിൽ അൽപ്പം നാരങ്ങാനീരു ചേർത്താൽ ബ്ലൂചായ പർപ്പിൾ നിറമാകുന്നതും കാണാം. 

ഗർഭിണികളും മുലയൂട്ടുന്നവരും ബ്ലൂചായ ഒഴിവാക്കുന്നതാണ്​ നല്ലത്​.