ആ​ൽ മ​ക്​​തൂം വി​മാ​ന​ത്താ​വ​ളം ആ​ദ്യ​ഘ​ട്ടം 2032ൽ ​തു​റ​ക്കും

ദു​ബൈ: ആ​ൽ മ​ക്​​തൂം അ​ന്താ​രാ​ഷ്​​ട്ര വി​മാ​ന​ത്താ​വ​ള​ത്തി​ന്‍റെ ആ​ദ്യ​ഘ​ട്ടം 2032ൽ ​പ്ര​വ​ർ​ത്ത​ന സ​ജ്ജ​മാ​കും. ദു​ബൈ അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ലെ എ​ല്ലാ വി​മാ​ന സ​ർ​വി​സു​ക​ളും ഇ​തോ​ടെ ആ​ൽ മ​ക്​​തൂ​മി​ലേ​ക്ക്​ മാ​റു​മെ​ന്നും വ​ർ​ഷ​ത്തി​ൽ 15കോ​ടി യാ​ത്ര​ക്കാ​രെ ഉ​ൾ​ക്കൊ​ള്ളാ​നാ​കു​മെ​ന്നും അ​ധി​കൃ​ത​ർ വെ​ളി​പ്പെ​ടു​ത്തി. ഇ​തി​നാ​യി ര​ണ്ടാ​മ​ത്തെ റ​ൺ​വേ നി​ർ​മാ​ണ​ത്തി​നാ​യി 100 കോ​ടി ദി​ർ​ഹ​മി​ന്‍റെ ക​രാ​ർ ന​ൽ​കി​യി​ട്ടു​ണ്ട്. എ​യ​ർ​പോ​ർ​ട്ട്​ ഷോ​യോ​ട്​ അ​നു​ബ​ന്ധി​ച്ച്​ ദു​ബൈ ഏ​വി​യേ​ഷ​ൻ സി​റ്റി കോ​ർ​പ​റേ​ഷ​ൻ എ​ക്​​സി. ചെ​യ​ർ​മാ​ൻ ഖ​ലീ​ഫ അ​ൽ സ​ഫീ​നാ​ണ്​ ഇ​ക്കാ​ര്യ​ങ്ങ​ൾ​ വെ​ളി​പ്പെ​ടു​ത്തി​യ​ത്.

വി​മാ​ന​ത്താ​വ​ളം എ​ല്ലാ അ​ർ​ഥ​ത്തി​ലും സാ​​ങ്കേ​തി​ക​മാ​യി മി​ക​ച്ച​താ​യി​രി​ക്കു​മെ​ന്നും നി​ർ​മി​ത​ബു​ദ്ധി പ്ര​വ​ർ​ത്ത​ന​ത്തി​ന്‍റെ വ​ലി​യ പ​ങ്കു​വ​ഹി​ക്കു​മെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. വി​മാ​ന​ത്താ​വ​ളം ഏ​ട്ട്​ ചെ​റി​യ വി​മാ​ന​ത്താ​വ​ള​ങ്ങ​ളാ​യി വി​ഭ​ജി​ച്ച രീ​തി​യി​ലാ​കു​മെ​ന്ന്​ ദു​ബൈ വി​മാ​ന​ത്താ​വ​ളം സി.​ഇ.​ഒ പോ​ൾ ഗ്രി​ഫി​ത്ത്​​സ്​ വ്യ​ക്​​ത​മാ​ക്കി​യി​രു​ന്നു.

ആ​ൽ മ​ക്​​തൂം വി​മാ​ന​ത്താ​വ​ള പ​ദ്ധ​തി​ക്ക്​ ക​രാ​റു​ക​ൾ ന​ൽ​കി​ത്തു​ട​ങ്ങി​യ​താ​യി ക​ഴി​ഞ്ഞ മാ​സം ദു​ബൈ സി​വി​ൽ ഏ​വി​യേ​ഷ​ൻ അ​തോ​റി​റ്റി പ്ര​സി​ഡ​ൻ​റും ദു​ബൈ എ​യ​ർ​പോ​ർ​ട്​​സ്​ ചെ​യ​ർ​മാ​നു​മാ​യ ശൈ​ഖ്​ അ​ഹ്മ​ദ്​ ബി​ൻ സ​ഈ​ദ്​ ആ​ൽ മ​ക്​​തൂം വെ​ളി​പ്പെ​ടു​ത്തി​യി​രു​ന്നു. മു​ഴു​വ​ൻ നി​ർ​മാ​ണം പൂ​ർ​ത്തി​യാ​കു​ന്ന​തോ​ടെ വ​ർ​ഷ​ത്തി​ൽ 26 കോ​ടി യാ​ത്ര​ക്കാ​ർ​ക്ക്​ സ​ഞ്ച​രി​ക്കാ​നു​ള്ള സൗ​ക​ര്യം ഇ​വി​ടെ​യു​ണ്ടാ​കും. 400 വി​മാ​ന​ത്താ​വ​ള ഗേ​റ്റു​ക​ളും അ​ഞ്ച്​ സ​മാ​ന്ത​ര റ​ൺ​വേ​ക​ളും ഉ​ൾ​ക്കൊ​ള്ളു​ന്ന വി​മാ​ന​ത്താ​വ​ളം 70 സ്ക്വ​യ​ർ കി​ലോ​മീ​റ്റ​ർ പ്ര​ദേ​ശ​ത്താ​ണ്​ നി​ർ​മി​ക്കു​ന്ന​ത്. നി​ർ​മാ​ണം പൂ​ർ​ത്തി​യാ​യാ​ൽ നി​ല​വി​ലെ വി​മാ​ന​ത്താ​വ​ള​ത്തി​ന്‍റെ അ​ഞ്ചു​മ​ട​ങ്ങ്​ ശേ​ഷി​യാ​ണ്​ ഇ​തി​നു​ണ്ടാ​വു​ക. വ്യോ​മ​​യാ​ന മേ​ഖ​ല​യി​ൽ മു​മ്പൊ​ന്നും ഉ​പ​യോ​ഗി​ച്ചി​ട്ടി​ല്ലാ​ത്ത നൂ​ത​ന സം​വി​ധാ​ന​ങ്ങ​ളാ​ണ്​ വി​മാ​ന​ത്താ​വ​ള​ത്തി​ൽ ഉ​പ​യോ​ഗി​ക്കു​ക​യെ​ന്നും നേ​ര​ത്തേ വെ​ളി​പ്പെ​ടു​ത്തി​യി​ട്ടു​ണ്ട്.

ദു​ബൈ​യി​ലെ വ്യോ​മ​യാ​ന മേ​ഖ​ല അ​ടു​ത്ത 40 വ​ർ​ഷ​ത്തേ​ക്ക്​ പ്ര​തീ​ക്ഷി​ക്കു​ന്ന വ​ള​ർ​ച്ച​ക്ക്​ ക​ള​മൊ​രു​ക്കു​ന്ന​താ​യി​രി​ക്കും പു​തി​യ വി​മാ​ന​ത്താ​വ​ളം. ദു​ബൈ ആ​സ്ഥാ​ന​മാ​യ എ​മി​റേ​റ്റ്​​സ്, ഫ്ലൈ​ദു​ബൈ എ​ന്നി​വ​യു​ടെ​യും ദു​ബൈ​യെ ലോ​ക​വു​മാ​യി ബ​ന്ധി​പ്പി​ക്കു​ന്ന മ​റ്റു വി​മാ​ന​ക്ക​മ്പ​നി​ക​ളു​ടെ​യും ഭാ​വി​കേ​ന്ദ്ര​മാ​യി​രി​ക്കു​മി​ത്.