Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightU.A.Echevron_rightഓൺ‌ലൈൻ തട്ടിപ്പ് ശ്രമം...

ഓൺ‌ലൈൻ തട്ടിപ്പ് ശ്രമം : പത്തിൽ നാല്​ ഉപഭോക്​താക്കളും ഇരയായതായി സർവേ

text_fields
bookmark_border
ഓൺ‌ലൈൻ തട്ടിപ്പ് ശ്രമം : പത്തിൽ നാല്​ ഉപഭോക്​താക്കളും ഇരയായതായി സർവേ
cancel

ദുബൈ: കഴിഞ്ഞ വർഷം യു.‌എ.ഇയിലെ പത്തിൽ നാല് ഉപഭോക്താക്കളും ഓൺ‌ലൈൻ തട്ടിപ്പ് ശ്രമങ്ങൾക്ക്​ ഇരയായതായി സർവേ.

എന്നാൽ ഓൺ‌ലൈൻ, ഡിജിറ്റൽ പേയ്‌മെൻറുകളിലുള്ള വിശ്വാസം കുറഞ്ഞിട്ടില്ല. മെച്ചപ്പെട്ട സാങ്കേതികവിദ്യയും സുരക്ഷ നടപടികളുമുള്ള ഡിജിറ്റൽ രീതികളിലാണ് ഉപഭോക്താക്കൾക്ക് ഇപ്പോഴും കൂടുതൽ വിശ്വാസ്യത തോന്നുന്നത്​​. വിസ, ദുബൈ പൊലീസ്, ദുബൈ ഇക്കോണമി എന്നിവർ ചേർന്ന്​ നടത്തിയ സർവേയിലാണ് ഈ വസ്​തുതകൾ കണ്ടെത്തിയതെന്ന് തിങ്കളാഴ്​ച പുറത്തിറക്കിയ സംയുക്ത വാർത്തക്കുറിപ്പിൽ വ്യക്തമാക്കി.

പഠനമനുസരിച്ച് യു.എ.ഇയിൽ പണത്തി​െൻറ ഉപയോഗം കുറയുകയാണ്​. കോവിഡ് ആരംഭിച്ചശേഷം ഇ-കോമേഴ്‌സും കോൺടാക്റ്റ്‌ലെസ് പേയ്‌മെൻറുകളും വർധിച്ചു. അതത്​ സമയത്ത്​ പണം നൽകുന്ന ഇടപാടുകൾ 75ശതമാനം കുറഞ്ഞതായും സർവേ ചൂണ്ടിക്കാണിക്കുന്നു.

കോൺടാക്റ്റ്‌ലെസ് കാർഡുകളും മൊബൈൽ വാലറ്റുകളും ഉപയോഗിച്ചുള്ള ഇടപാടുകൾ ഏകദേശം ഇരട്ടിയായിട്ടുണ്ട്​. വിശ്വാസ്യത എന്ന ഘടകം കോൺടാക്റ്റ്‌ലെസ് പേയ്‌മെൻറുകൾ ജനപ്രിയമാകാനുള്ള കാരണമാണ്​. എന്നാൽ, ഉപഭോക്​താക്കൾക്ക്​ ചില ആശങ്കകൾ അവശേഷിക്കുന്നുണ്ട്​.

സാങ്കേതികവിദ്യയെക്കുറിച്ച് വേണ്ടത്ര അറിവില്ലാത്തവർക്ക് ഇപ്പോഴും ഡിജിറ്റൽ പേയ്‌മെൻറുകളുടെ സുരക്ഷയെക്കുറിച്ച് സംശയമുണ്ടെന്നും സർവേ കണ്ടെത്തുന്നു. ഓൺലൈൻ ഉപയോക്താക്കൾക്കിടയിൽ വിശ്വാസ്യത നിലനിർത്തുന്നതിന് സുരക്ഷിതമായ ഡിജിറ്റൽ പേയ്‌മെൻറ്​ രീതികളെക്കുറിച്ച്​ നിരന്തരമായ ബോധവത്​കരണം വേണമെന്നും പഠനം ചൂണ്ടിക്കാണിക്കുന്നു.

39 ശതമാനം പേരാണ്​ തങ്ങൾ ഒരു ഓൺലൈൻ തട്ടിപ്പ് ശ്രമത്തിന് ഇരയായതായി സമ്മതിച്ചിട്ടുള്ളത്​. വഞ്ചനയുണ്ടായാൽ ബാങ്കിനെയും ഉപഭോക്തൃ സേവനത്തെയും അറിയിക്കുകയും അവരുടെ പാസ്‌വേഡ്/പിൻ മാറ്റുകയും ചെയ്യുന്നതാണ് ഉപയോക്താക്കൾ സ്വീകരിക്കുന്ന നടപടികൾ.

യു.എ.ഇ ഉപഭോക്താക്കളിൽ പകുതിയും തട്ടിപ്പുണ്ടായാൽ അധികാരികളുമായി ബന്ധപ്പെടാൻ തയാറുള്ളവരാണെന്നും സർവേ പറയുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:SurveyvictimsOnline fraud
News Summary - Online fraud attempt: Survey finds four out of 10 consumers are victims
Next Story