Top
Begin typing your search above and press return to search.
exit_to_app
exit_to_app
Homechevron_rightGulfchevron_rightU.A.Echevron_rightകൂടുതൽ ചെറുവിമാനങ്ങൾ...

കൂടുതൽ ചെറുവിമാനങ്ങൾ എത്തും; ബദൽ മാർഗം തേടി യാത്രക്കാർ

text_fields
bookmark_border
കൂടുതൽ ചെറുവിമാനങ്ങൾ എത്തും; ബദൽ മാർഗം തേടി യാത്രക്കാർ
cancel

ദ​ുബൈ: ഇന്ത്യക്കാർക്കുള്ള യാത്രവിലക്ക്​ അനിശ്ചിതമായി നീളുന്നതോടെ യു.എ.ഇയിലെത്താൻ ബദൽ വഴി തേടി പ്രവാസികൾ. അടുത്ത ദിവസങ്ങളിലായി കൂടുതൽ ചെറുവിമാനങ്ങൾ ദുബൈയിലേക്ക്​ എത്തും. അർമീനിയ വഴി യു.എ.ഇയിലേക്കുള്ള പാക്കേജുകളും ഉടൻ തുടങ്ങും.യു.എ.ഇയിലേക്ക് ചാർട്ടർ ചെയ്ത് വരുന്ന വിമാനങ്ങളിൽ എത്താവുന്നവരുടെ പരമാവധി എണ്ണം എട്ടായി പരിമിതപ്പെടുത്തിയിരുന്നു. കഴിഞ്ഞ ദിവസം 13 പേർ വരെ ചെറുവിമാനത്തിൽ എത്തിയിരുന്നു.

ഇതിനു​ ശേഷമാണ്​ എട്ടു​ പേരായി നിജപ്പെടുത്തി അധികൃതർ ഉത്തരവിറക്കിയത്​. എട്ടു പേരുമായി വരുന്ന ആദ്യ വിമാനം ഇന്ന്​ കൊച്ചിയിൽനിന്ന് പുറപ്പെടും. ദുബൈ അൽമക്തൂം വിമാനത്താവളത്തിലാണ്​ ഇറങ്ങുന്നത്​. രാവിലെ 7.15നാണ് മൂന്നു വനിതകൾ ഉൾപ്പെടെയുള്ള യാത്രക്കാരുമായി c680 വിമാനം കൊച്ചിയിൽനിന്ന് പുറപ്പെടുന്നത്. കൊച്ചിയിൽനിന്ന് ഈ മാസം 23നും ഈ വിമാനം എട്ടുപേരുമായി സർവിസ് നടത്തുന്നുണ്ട്​. മറ്റന്നാൾ മുംബൈയിൽനിന്നും അടുത്ത ദിവസങ്ങളിൽ ഡൽഹിയിൽനിന്നും സമാനമായ സർവിസുണ്ടാകും.

20,500 ദിർഹം മുതലാണ്​ നിരക്ക്​.അർമീനിയയിൽ നിന്നുള്ളവർക്ക്​ യു.എ.ഇയിലേക്ക്​ യാത്രവിലക്കില്ലാത്തതിനാൽ 22 മുതൽ ഈ വഴിയുള്ള പാക്കേജും തുടങ്ങുന്നുണ്ട്​. അർമീനിയയിൽ 14 ദിവസത്തെ ക്വാറൻറീനും പി.സി.ആർ പരിശോധനയും ഉൾപ്പെടെയാണ്​ പാക്കേജ്​. 5000- 6000 ദിർഹമാണ് ടിക്കറ്റടക്കം നിരക്ക്​.ഉയർന്ന നിരക്ക്​ നൽകിയാണെങ്കിലും എങ്ങനെയെങ്കിലും യു.എ.ഇയിൽ എത്തിയാൽ മതിയെന്ന്​ ആഗ്രഹിക്കുന്നവരാണ്​ ഈ വഴി നോക്കുന്നത്​.

Show Full Article
TAGS:small planes Passengers India Travel 
Next Story