ബാ​പ്സ്​ ഹി​ന്ദു ക്ഷേ​ത്ര​ത്തി​ന്​ മോ​ദി​യു​ടെ പ്ര​ശം​സ

അ​ബൂ​ദ​ബി: സ​മാ​ധാ​ന​ത്തി​ന്‍റെ​യും സാ​ഹോ​ദ​ര്യ​ത്തി​ന്‍റെ​യും സ​ന്ദേ​ശം പ്ര​ച​രി​പ്പി​ക്കു​ന്ന​താ​ണ്​ അ​ബൂ​ദ​ബി​യി​ലെ ഹി​ന്ദു​ക്ഷേ​ത്ര​മെ​ന്ന്​ പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​ടെ പ്ര​ശം​സ. ക​ഴി​ഞ്ഞ മാ​സം മോ​ദി ഉ​ദ്​​ഘാ​ട​നം​ചെ​യ്ത പ​ശ്ചി​മേ​ഷ്യ​യി​ലെ ആ​ദ്യ ശി​ലാ​ക്ഷേ​ത്ര​ത്തി​ന്‍റെ നി​ർ​മാ​ണ​ത്തി​ന്​ നേ​തൃ​ത്വം ന​ൽ​കി​യ സ്വാ​മി ബ്ര​ഹ്​​മ​വി​ഹാ​രി​ദാ​സ്​ പ്ര​ധാ​ന​മ​ന്ത്രി​യു​മാ​യി ഡ​ൽ​ഹി​യി​ൽ കൂ​ടി​ക്കാ​ഴ്ച ന​ട​ത്തി​യ​പ്പോ​ഴാ​ണ്​ പ്ര​ശം​സ അ​റി​യി​ച്ച​ത്.

യു.​എ.​ഇ ഭ​ര​ണാ​ധി​കാ​രി​ക​ളു​ടെ പി​ന്തു​ണ​ക്കും സ​ഹാ​യ​ത്തി​നും ന​ന്ദി​യ​റി​യി​ച്ച മോ​ദി, സ്വാ​മി​മാ​രെ​യും സ​ന്ന​ദ്ധ​പ്ര​വ​ർ​ത്ത​ക​രെ​യും അ​ഭി​ന​ന്ദി​ക്കു​ക​യും ചെ​യ്ത​താ​യി ക്ഷേ​ത്ര ഭാ​ര​വാ​ഹി​ക​ൾ പു​റ​ത്തു​വി​ട്ട പ്ര​സ്താ​വ​ന​യി​ൽ പ​റ​ഞ്ഞു. പ​ദ്ധ​തി​യു​ടെ മേ​ൽ​നോ​ട്ടം വ​ഹി​ച്ച​തി​ന് സ്വാ​മി ബ്ര​ഹ്മ​വി​ഹാ​രി​ദാ​സ് മോ​ദി​യോ​ട് ന​ന്ദി പ​റ​ഞ്ഞു. ക്ഷേ​ത്രം ഉ​ദ്ഘാ​ട​നം​ചെ​യ്ത​ത് മു​ത​ലു​ള്ള സം​ക്ഷി​പ്ത വി​വ​ര​ണ​വും സ​മു​ദാ​യാം​ഗ​ങ്ങ​ളി​ലെ സ്വാ​ധീ​ന​വും അ​ദ്ദേ​ഹം വി​ശ​ദീ​ക​രി​ച്ചു. ഉ​ദ്​​ഘാ​ട​ന​ത്തി​ന്​ ശേ​ഷം ക്ഷേ​ത്ര​ത്തി​ൽ പ്ര​വേ​ശ​നം അ​നു​വ​ദി​ച്ച​തു​മു​ത​ൽ രാ​ജ്യ​ത്തി​ന​ക​ത്തും പു​റ​ത്തും നി​ന്നു​മു​ള്ള ആ​യി​ര​ക്ക​ണ​ക്കി​ന് സ​ന്ദ​ർ​ശ​ക​ർ ദി​വ​സ​വും ക്ഷേ​ത്ര​ത്തി​ലെ​ത്തു​ന്നു​ണ്ട്.

യു.​എ.​ഇ പ്ര​സി​ഡ​ന്‍റ്​ ശൈ​ഖ് മു​ഹ​മ്മ​ദ് ബി​ന്‍ സാ​യി​ദ് ആ​ല്‍ ന​ഹ്​​യാ​ൻ​ സ​മ്മാ​നി​ച്ച ഭൂ​മി​യി​ൽ 13.5 ഹെ​ക്ട​റി​ലാ​ണ്​ ​ക്ഷേ​ത്രം നി​ല​കൊ​ള്ളു​ന്ന​ത്​. 2018ൽ​ ​ശി​ല​യി​ട്ട ക്ഷേ​ത്രം ആ​റു വ​ർ​ഷം​കൊ​ണ്ടാ​ണ്​ പൂ​ർ​ത്തീ​ക​രി​ച്ച​ത്. യു.​എ.​ഇ​യി​ലെ ഏ​ഴു എ​മി​റേ​റ്റു​ക​ളു​ടെ പ്ര​തീ​ക​മാ​യി ക്ഷേ​ത്ര​ത്തി​ന് ഏ​ഴ് ഗോ​പു​ര​ങ്ങ​ളും നി​ർ​മി​ച്ചി​ട്ടു​ണ്ട്.

32 മീ​റ്റ​റാ​ണ്​ ക്ഷേ​ത്ര​ത്തി​ന്‍റെ ഉ​യ​രം. 8,000ത്തി​നും 10,000ത്തി​നും ഇ​ട​യി​ൽ വി​ശ്വാ​സി​ക​ളെ ഉ​ൾ​ക്കൊ​ള്ളാ​വു​ന്ന രീ​തി​യി​ൽ അ​തി​വി​ശാ​ല​മാ​യാ​ണ്​ ക്ഷേ​ത്ര​ത്തി​ന്‍റെ നി​ർ​മാ​ണം പൂ​ർ​ത്തി​യാ​ക്കി​യ​ത്.