പാം ജബൽ അലിയിൽ വില്ല സ്വന്തമാക്കാൻ വൻ തിരക്ക്

ദു​ബൈ: എ​മി​റേ​റ്റി​ലെ ആ​ഡം​ബ​ര ഭ​വ​ന​ങ്ങ​ളു​ടെ ആ​വ​ശ്യ​ക്കാ​ർ അ​നു​ദി​നം വ​ർ​ധി​ക്കു​ക​യാ​ണെ​ന്ന്​ വ്യ​ക്ത​മാ​ക്കി പാം ​ജ​ബ​ൽ​അ​ലി​യി​ലെ ആ​ദ്യ വി​ല്ല​ക​ൾ സ്വ​ന്ത​മാ​ക്കാ​ൻ വ​ൻ തി​ര​ക്ക്. പാം ​ജു​മൈ​റ​ക്കു​ശേ​ഷം ക​ട​ലി​ൽ നി​ർ​മി​ക്കു​ന്ന വ​ൻ പ​ദ്ധ​തി​യി​ലെ ആ​ദ്യ വി​ല്ല​ക​ളു​ടെ വി​ൽ​പ​ന ക​ഴി​ഞ്ഞ ദി​വ​സ​മാ​ണ്​ ന​ട​ന്ന​ത്.

നൂ​റു​ക​ണ​ക്കി​ന്​ പേ​രാ​ണ്​ പു​ല​ർ​​ച്ച മൂ​ന്നു​മു​ത​ൽ നി​ർ​മാ​താ​ക്ക​ളാ​യ ന​ഖീ​ൽ ഗ്രൂ​പ്പി​ന്‍റെ വി​ൽ​പ​ന കേ​ന്ദ്ര​ത്തി​ന്​ മു​ന്നി​ൽ ത​ടി​ച്ചു​കൂ​ടി​യ​ത്. മ​നു​ഷ്യ​നി​ർ​മി​ത ദ്വീ​പി​ൽ ആ​ദ്യ​ഘ​ട്ട വി​ല്ല​ക​ൾ പൂ​ർ​ത്തി​യാ​കു​ന്ന​ത്​ 2027ലാ​ണ്. ദ്വീ​പി​ന്‍റെ നാ​ലു ഭാ​ഗ​ങ്ങ​ളി​ലാ​യി കോ​റ​ൽ വി​ല്ല​ക​ളും ബീ​ച്ച്​ വി​ല്ല​ക​ളും എ​ന്നി​ങ്ങ​നെ ര​ണ്ടു ത​രം പാ​ർ​പ്പി​ട​ങ്ങ​ളാ​ണു​ണ്ടാ​വു​ക. 8000 സ്ക്വ​യ​ർ ഫീ​റ്റ്​ വ​രെ​യു​ള്ള വി​ല്ല​ക​ളാ​ണ്​ ആ​ദ്യ ഘ​ട്ട​ത്തി​ൽ വി​ൽ​പ​ന ന​ട​ത്തി​യ​ത്. ഇ​തി​ന്​ ര​ണ്ടു കോ​ടി ദി​ർ​ഹം വ​രെ​യാ​ണ്​ വി​ല ല​ഭി​ച്ച​ത്. മൂ​ന്നു​ കോ​ടി ദി​ർ​ഹം മു​ത​ൽ മൂ​ന്ന​ര​ക്കോ​ടി വ​രെ വി​ല​യു​ള്ള 12,000 ച​തു​ര​ശ്ര അ​ടി വി​ല്ല​ക​ൾ, ര​ണ്ട​ര​ക്കോ​ടി ദി​ർ​ഹം മു​ത​ൽ മൂ​ന്നു​ കോ​ടി വ​രെ വി​ല​യു​ള്ള പ്ലോ​ട്ടു​ക​ൾ എ​ന്നി​വ​യും വി​ൽ​പ​ന​ക്കു​ണ്ട്.

ഏ​റ്റ​വും ആ​ധു​നി​ക​മാ​യ സം​വി​ധാ​ന​ങ്ങ​ൾ ഉ​പ​യോ​ഗി​ച്ചു​ള്ള ആ​ഡം​ബ​ര വി​ല്ല​ക​ൾ തേ​ടു​ന്ന​വ​രു​ടെ എ​ണ്ണം ദു​ബൈ​യി​ൽ കു​തി​ച്ചു​യ​ർ​ന്ന​താ​ണ്​ തി​ര​ക്കി​ന്​ കാ​ര​ണ​മാ​യി വി​ല​യി​രു​ത്തു​ന്ന​ത്. പാം ​ജ​ബ​ൽ അ​ലി വി​ക​സ​ന​ത്തി​നാ​യു​ള്ള പു​തി​യ മാ​സ്റ്റ​ർ പ്ലാ​ൻ യു.​എ.​ഇ വൈ​സ് പ്ര​സി​ഡ​ന്റും പ്ര​ധാ​ന​മ​ന്ത്രി​യും ദു​ബൈ ഭ​ര​ണാ​ധി​കാ​രി​യു​മാ​യ ശൈ​ഖ്​ മു​ഹ​മ്മ​ദ് ബി​ൻ റാ​ശി​ദ് ആ​ൽ മ​ക്​​തൂ​മാ​ണ്​ ക​ഴി​ഞ്ഞ ജൂ​ണി​ൽ പു​റ​ത്തു​വി​ട്ട​ത്. 80ല​ധി​കം ഹോ​ട്ട​ലു​ക​ളും റി​സോ​ർ​ട്ടു​ക​ളും കൂ​ടാ​തെ നി​ര​വ​ധി റീ​ട്ടെ​യി​ൽ, ഡൈ​നി​ങ്​ അ​നു​ഭ​വ​ങ്ങ​ളും ദ്വീ​പി​ലു​ണ്ടാ​കു​മെ​ന്ന് ന​ഖീ​ൽ ക​മ്പ​നി അ​ഭി​പ്രാ​യ​പ്പെ​ട്ടു.