Begin typing your search above and press return to search.
exit_to_app
exit_to_app
Homechevron_rightGulfchevron_rightU.A.Echevron_rightയാത്രക്കാരുടെ...

യാത്രക്കാരുടെ ശ്രദ്ധക്ക്​; ടെർമിനൽ ഒന്ന്​ ഇന്ന്​ തുറക്കും

text_fields
bookmark_border
യാത്രക്കാരുടെ ശ്രദ്ധക്ക്​; ടെർമിനൽ ഒന്ന്​ ഇന്ന്​ തുറക്കും
cancel

ദുബൈ: പതിനഞ്ച്​ മാസങ്ങൾക്ക്​ ശേഷം ദുബൈ വിമാനത്താവളത്തിലെ ഒന്നാം നമ്പർ ടെർമിനൽ വ്യാഴാഴ്​ച തുറക്കും. കഴിഞ്ഞ ദിവസങ്ങളിൽ മറ്റ്​ ടെർമിനലുകളിൽനിന്ന്​ പുറപ്പെട്ടിരുന്ന ചില വിമാനങ്ങൾ ഇന്ന്​ മുതൽ ടെർമിനൽ ഒന്നിൽനിന്നായിരിക്കും സർവിസ്​ നടത്തുക. ഇന്ത്യയിലേക്കുള്ള എയർ ഇന്ത്യ, സ്​പൈസ്​ജെറ്റ്, ഇൻഡിഗോ​ അടക്കം വിമാനങ്ങൾ ഒന്നാം നമ്പർ ടെർമിനലിൽനിന്നായിരിക്കും പുറപ്പെടുക. അതേസമയം, എയർ ഇന്ത്യ എക്​സ്​പ്രസ്​ ടെർമിനൽ രണ്ടിൽതന്നെ സർവിസ്​ തുടരും. യാത്രക്ക്​ മുമ്പ്​​ ടെർമിനൽ ഉറപ്പാക്കണമെന്ന്​ എയർലൈനുകൾ അറിയിച്ചു. ഈ മാസം അവസാനത്തോടെ മാത്രമേ സർവിസ്​ പുനഃക്രമീകരണം പൂർത്തിയാകൂ.

ടെർമിനൽ ഒന്നിലെ ഡ്യൂട്ടി ഫ്രീ ഷോപ്പുകളും ഇന്ന്​ മുതൽ പ്രവർത്തനം തുടങ്ങും. ലോകത്തിലെ ഏറ്റവും വലിയ ട്രാവൽ റീടെയിൽ ഓപറേറ്റർമാരായ ദുബൈ ഡ്യൂട്ടി ഫ്രീ കഴിഞ്ഞ വർഷം 250 കോടി ദിർഹമി​െൻറ വിറ്റുവരവാണ്​ നേടിയത്​.വരും ദിവസങ്ങളിലെ തിരക്ക്​ കണക്കിലെടുത്താണ്​​ ഒന്നാം നമ്പർ ടെർമിനൽ വീണ്ടും തുറക്കാൻ തീരുമാനിച്ചത്​. 3500ഓളം പുതിയ ജോലികളാണ്​ ഇതുവഴി സൃഷ്​ടിക്കപ്പെടുന്നത്​. 66 എയർലൈനുകളാണ്​ ടെർമിനൽ ഒന്നിൽനിന്ന്​ ഓപറേറ്റ്​ ചെയ്യുക. ഇതോടെ കൂടുതൽ ജീവനക്കാരെ വേണ്ടിവരും.

നേരത്തെ നിർത്തിവെച്ചിരുന്ന ചില ജോലികൾ പുനരാരംഭിക്കുന്നതിനൊപ്പം കൂടുതൽ തസ്​തികകൾ സൃഷ്​ടിക്കപ്പെടുകയും ചെയ്യും. എക്​സ്​പോ ഉൾപ്പെടെയുള്ള രാജ്യാന്തര മേളകളും തുടങ്ങാനിരിക്കുകയാണ്​. യാത്രാവിലക്ക്​ നീങ്ങിയാൽ ഇന്ത്യയിൽനിന്നുള്ള യാത്രക്കാരും എത്തും. ദുബൈ വിമാനത്താവളത്തിലെത്തുന്നവരിൽ ഭൂരിപക്ഷവും ഇന്ത്യക്കാരാണ്​. കോവിഡിനെ തുടർന്ന്​ വിമാനങ്ങളുടെയും യാത്രക്കാരുടെയും എണ്ണം കുറഞ്ഞതോടെ കഴിഞ്ഞ വർഷം മാർച്ചിലാണ്​ ടെർമിനൽ അടച്ചത്​.

Show Full Article
TAGS:passengers Terminal flight travel airindia 
News Summary - For the attention of passengers; Terminal One will open today
Next Story