പു​തി​യ വി​മാ​ന​ത്താ​വ​ളം; പ്ര​വ​ർ​ത്ത​നം മാ​റ്റാ​ൻ ഒ​റ്റ രാ​ത്രി മ​തി​യെ​ന്ന്​ എ​മി​റേ​റ്റ്​​സ്​ എ​യ​ർ​ലൈ​ൻ

ദു​ബൈ: എ​മി​റേ​റ്റി​ൽ പു​തു​താ​യി നി​ർ​മി​ക്കു​ന്ന ആ​ൽ മ​ക്​​തൂം വി​മാ​ന​ത്താ​വ​ളം പൂ​ർ​ണ സ​ജ്ജ​മാ​യാ​ൽ എ​മി​റേ​റ്റ്​​സ്​ എ​യ​ർ​ലൈ​നി​ന്‍റെ പ്ര​വ​ർ​ത്ത​നം അ​ങ്ങോ​ട്ട്​ മാ​റ്റു​ന്ന​തി​ന്​ പ​ര​മാ​വ​ധി മൂ​ന്നും ദി​വ​സം മാ​ത്രം മ​തി​യെ​ന്ന്​ ഡെ​പ്യൂ​ട്ടി പ്ര​സി​ഡ​ന്‍റും ചീ​ഫ്​ ഓ​പ​റേ​ഷ​ൻ​സ്​ ഓ​ഫി​സ​റു​മാ​യ അ​ബ്​​ദു​ൽ അ​ൽ റ​ദ വെ​ളി​പ്പെ​ടു​ത്തി. ദു​ബൈ വി​മാ​ന​ത്താ​വ​ള​ത്തി​ലെ പ്ര​വ​ർ​ത്ത​ന​ങ്ങ​ളി​ൽ​നി​ന്നും പൂ​ർ​ണ​മാ​യും സ്വ​ത​ന്ത്ര​മാ​യി​രി​ക്കും ആ​ൽ മ​ക്​​തൂം വി​മാ​ന​ത്താ​വ​ള​ത്തി​ലെ എ​മി​റേ​റ്റ്​​സ്​ എ​യ​ർ​ലൈ​നി​ന്‍റെ സം​വി​ധാ​ന​ങ്ങ​ൾ. എ​ന്നാ​ൽ, അ​​തെ​ല്ലാം ഒ​റ്റ രാ​ത്രി​കൊ​ണ്ട്​ പൂ​ർ​ത്തി​യാ​ക്കാ​വു​ന്ന​തേ​യു​ള​ളൂ.

പ​ര​മാ​വ​ധി പോ​യാ​ൽ മൂ​ന്ന്​ ദി​വ​സം മ​തി​യെ​ന്നും​ അ​ദ്ദേ​ഹം പ​റ​ഞ്ഞു. ഫോ​ർ​സ​ടെ​ക്​ 2025 എ​ന്ന പേ​രി​ൽ എ​മി​റേ​റ്റ്​​സ്​ ഗ്രൂ​പ്​ സം​ഘ​ടി​പ്പി​ച്ച വാ​ർ​ഷി​ക സാ​​ങ്കേ​തി​ക വി​ദ്യ പ്ര​ദ​ർ​ശ​ന പ​രി​പാ​ടി​യി​ൽ സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം. പ്ര​ദ​ർ​ശ​നം എ​മി​റേ​റ്റ്​​സ്​ എ​യ​ർ​ലൈ​ൻ ആ​ൻ​ഡ്​ ഗ്രൂ​പ്​ ചീ​ഫ്​ ചെ​യ​ർ​മാ​നും എ​ക്സി​ക്യൂ​ട്ടി​വു​മാ​യ ശൈ​ഖ്​ അ​ഹ​മ്മ​ദ്​ ബി​ൻ സ​ഈ​ദ്​ ആ​ൽ മ​ക്​​തൂ​മാ​ണ്​ ഉ​ദ്​​ഘാ​ട​നം ചെ​യ്ത​ത്.

10 വ​ർ​ഷ​ത്തി​നു​ള്ളി​ൽ ആ​ൽ മ​ക്​​തൂം വി​മാ​ന​ത്താ​വ​ള​ത്തി​ന്‍റെ നി​ർ​മാ​ണം പൂ​ർ​ത്തി​യാ​കും. 12,800 കോ​ടി ദി​ർ​ഹ​മാ​ണ്​ ചെ​ല​വ്. നി​ർ​മാ​ണം പൂ​ർ​ത്തി​യാ​കു​ന്ന​തോ​ടെ എ​മി​റേ​റ്റ്​​സ്​ എ​യ​ർ​ലൈ​നി​ന്‍റെ പ്ര​വ​ർ​ത്ത​നം പൂ​ർ​ണ​മാ​യും അ​വി​ടേ​ക്ക്​ മാ​റ്റു​മെ​ന്ന്​ 2024 ഏ​പ്രി​ലി​ൽ ദു​ബൈ പ്ര​ഖ്യാ​പി​ച്ചി​രു​ന്നു. പു​തി​യ വി​മാ​ന​ത്താ​വ​ള​ത്തി​ന്‍റെ നി​ർ​മാ​ണ​ത്തി​നു​ള്ള ക​രാ​ർ ഇ​തി​ന​കം ന​ൽ​കി​ക്ക​ഴി​ഞ്ഞു. പൂ​ർ​ണ​മാ​യും പ്ര​വ​ർ​ത്ത​ന​സ​ജ്ജ​മാ​യാ​ൽ പ്ര​തി​വ​ർ​ഷം 26 കോ​ടി യാ​ത്ര​ക്കാ​രെ ഉ​ൾ​ക്കൊ​ള്ളാ​നു​ള്ള ശേ​ഷി പു​തി​യ വി​മാ​ന​ത്താ​വ​ള​ത്തി​നു​ണ്ടാ​കും. സാ​​ങ്കേ​തി​ക വി​ദ്യ​ക​ൾ അ​ടി​സ്ഥാ​ന​മാ​ക്കി​യു​ള്ള വി​മാ​ന​ത്താ​വ​ള​ത്തി​ലൂ​ടെ യാ​ത്ര​ക്കാ​ർ വെ​റു​തെ ക​ട​ന്നു​പോ​യാ​ൽ മ​തി. ചെ​ക്കി​ങ്, ഇ​മി​ഗ്രേ​ഷ​ൻ ന​ട​പ​ടി​ക​ൾ ഇ​തി​നി​ട​യി​ൽ പു​രോ​ഗ​മി​ക്കു​ന്ന​ത്​ പോ​ലും അ​വ​ർ അ​റി​യി​ല്ലെ​ന്നും അ​ബ്​​ദു​ൽ അ​ൽ റ​ദ പ​റ​ഞ്ഞു.

ഒ​രു വ​ള​യ​ത്തി​ലൂ​ടെ ക​ട​ന്നു​പോ​കു​ന്ന​ത്​ പോ​ലെ​യാ​യി​രി​ക്കും അ​നു​ഭ​വ​പ്പെ​ടു​ക. അ​വി​ടെ പാ​സ്​​പോ​ർ​ട്ട്​ സ​മ​ർ​പ്പി​ക്കേ​ണ്ടി വ​രി​ല്ല. ഉ​ദ്യോ​ഗ​സ്ഥ​രേ​യും കാ​ണി​ല്ല. എ​യ​ർ​പോ​ർ​ട്ട്​ ലോ​ഞ്ച്​​ ഉ​പ​യോ​ഗി​ക്കു​മ്പോ​ഴും ബ​ഗ്ഗി, ട്രെ​യ്​​ൻ ഉ​പ​യോ​ഗി​ക്കു​മ്പോ​ഴും ഇ​തേ അ​നു​ഭ​വ​മാ​യി​രി​ക്കു​മെ​ന്നും അ​ദ്ദേ​ഹം വി​ശ​ദീ​ക​രി​ച്ചു.

ഏ​ത്​ ന​ട​പ​ടി​ക​ളും ബ​യോ​മെ​ട്രി​ക്​ തി​രി​ച്ച​റി​യ​ൽ സം​വി​ധാ​ന​ങ്ങ​ളു​മാ​യി ബ​ന്ധി​പ്പി​ച്ചാ​ണ്​ പൂ​ർ​ത്തീ​ക​രി​ക്കു​ക. അ​തേ​പോ​ലെ സ്വ​യം നി​യ​ന്ത്ര​ണ കാ​റു​ക​ളും ട്ര​ക്കു​ക​ളു​മാ​യി​രി​ക്കും പു​തി​യ വി​മാ​ന​ത്താ​വ​ള​ത്തി​ൽ നി​യോ​ഗി​ക്കു​ക​യെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.