ജീ​വ​കാ​രു​ണ്യം: ദു​ബൈ ന​ൽ​കി​യ​ത്​ 140 കോ​ടി ദി​ർ​ഹം

ദു​ബൈ: ആ​ഗോ​ള​ത​ല​ത്തി​ൽ ജീ​വ​കാ​രു​ണ്യ പ്ര​വ​ർ​ത്ത​ന​ങ്ങ​ൾ​ക്കാ​യി ക​ഴി​ഞ്ഞ വ​ർ​ഷം മു​ഹ​മ്മ​ദ്​​ ബി​ൻ റാ​ശി​ദ്​ ആ​ൽ മ​ക്​​തൂം ഗ്ലോ​ബ​ൽ ഇ​നീ​ഷ്യേ​റ്റി​വ്​ ചെ​ല​വി​ട്ട​ത്​​​ 140 കോ​ടി ദി​ർ​ഹം. ഒ​രു​വ​ർ​ഷ​ത്തി​നി​ടെ 100 രാ​ജ്യ​ങ്ങ​ളി​ലാ​യി 10.2 കോ​ടി ജ​ന​ങ്ങ​ൾ​ക്കാ​ണ് സ​ഹാ​യ​മെ​ത്തി​ച്ച​ത്​. രാ​ജ്യാ​ന്ത​ര​ത​ല​ത്തി​ൽ ദു​ർ​ബ​ല ജ​ന​വി​ഭാ​ഗ​ങ്ങ​ളെ സ​ഹാ​യി​ക്കു​ക​യും ദാ​രി​ദ്ര്യ​ത്തി​നെ​തി​രാ​യ പോ​രാ​ട്ടം തു​ട​രു​ക​യും ചെ​യ്യു​മെ​ന്ന്​​ യു.​എ.​ഇ വൈ​സ്​ പ്ര​സി​ഡ​ന്‍റും ദു​ബൈ ഭ​ര​ണാ​ധി​കാ​രി​യു​മാ​യ ശൈ​ഖ്​ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂം പ​റ​ഞ്ഞു.

ലോ​ക ജീ​വ​കാ​രു​ണ്യ ദി​ന​ത്തി​ൽ എ​ക്സി​ൽ പ​ങ്കു​വെ​ച്ച കു​റി​പ്പി​ലാ​ണ്​ ജീ​വ​കാ​രു​ണ്യ പ്ര​വ​ർ​ത്ത​ന​ങ്ങ​ളി​ൽ ദു​ബൈ മു​ൻ​പ​ന്തി​ലു​ണ്ടാ​കു​മെ​ന്ന് ശൈ​ഖ്​ മു​ഹ​മ്മ​ദ്​ ​പ്ര​ഖ്യാ​പി​ച്ച​ത്​. രാ​ജ്യാ​ന്ത​ര​ത​ല​ത്തി​ൽ ദു​ബൈ ന​ൽ​കി​വ​രു​ന്ന മാ​നു​ഷി​ക സ​ഹാ​യ​ങ്ങ​ളു​ടെ ക​ണ​ക്കു​ക​ളും അ​​ദ്ദേ​ഹം പു​റ​ത്തു​വി​ട്ടു. ‘സാ​മ്പ​ത്തി​ക​മാ​യി പി​ന്നാ​ക്കം​നി​ൽ​ക്കു​ന്ന രാ​ജ്യ​ങ്ങ​ളി​ലെ ജ​ന​ങ്ങ​ൾ​ക്ക്​ ശോ​ഭ​ന​മാ​യ ഭാ​വി സ്വ​പ്നം കാ​ണാ​ൻ ദു​ബൈ എ​മി​റേ​റ്റ്​ എ​ല്ലാ​വി​ധ പി​ന്തു​ണ​യും ന​ൽ​കും. രാ​ജ്യ​ത്തി​ന​ക​ത്തും പു​റ​ത്തു​മു​ള്ള പാ​വ​ങ്ങ​ൾ​ക്ക്​​ കൈ​ത്താ​ങ്ങാ​വു​ന്ന പ്ര​വ​ർ​ത്ത​ന​ങ്ങ​ൾ തു​ട​രും. അ​തോ​ടൊ​പ്പം അ​റ​ബ്​ സ​മൂ​ഹ​ങ്ങ​ളു​ടെ സു​സ്ഥി​ര ഭാ​വി​ക്കാ​യു​ള്ള പ്ര​വ​ർ​ത്ത​ന​ങ്ങ​ളു​മാ​യി മു​ന്നോ​ട്ടു​പോ​കും’- യു.​എ.​ഇ ന​ട​ത്തു​ന്ന ജീ​വ​കാ​രു​ണ്യ പ്ര​വ​ർ​ത്ത​ന​ങ്ങ​ളു​ടെ വി​ഡി​യോ പ​ങ്കു​വെ​ച്ചു​കൊ​ണ്ട്​​ ശൈ​ഖ്​ മു​ഹ​മ്മ​ദ്​ എ​ക്സി​ൽ കു​റി​ച്ചു.

വി​ക​സ്വ​ര​രാ​ജ്യ​ങ്ങ​ളി​ലെ ജ​ന​ത​യു​ടെ പ്ര​യാ​സ​ങ്ങ​ൾ കു​റ​ക്കു​ന്ന​തി​നും ദാ​രി​ദ്ര്യ​വും വി​ശ​പ്പും കു​റ​ക്കു​ന്ന​തി​നു​മു​ള്ള പ്ര​വ​ർ​ത്ത​ന​ങ്ങ​ൾ നി​ർ​ബാ​ധം തു​ട​രു​​മെ​ന്ന്​ അ​ൽ ദ​ഫ്ര മേ​ഖ​ല​യി​ലെ ഭ​ര​ണാ​ധി​കാ​രി​യു​ടെ പ്ര​തി​നി​ധി​യും എ​മി​റേ​റ്റ്​ റെ​ഡ്​ ക്ര​സ​ന്‍റ്​ ചെ​യ​ർ​മാ​നു​മാ​യ ശൈ​ഖ്​ ഹം​ദാ​ൻ ബി​ൻ സാ​യി​ദ്​ പ​റ​ഞ്ഞു.

എ​മി​റേ​റ്റ്​​സ്​ റെ​ഡ്​ ക്ര​സ​ന്‍റി​ന്‍റെ നേ​തൃ​ത്വ​ത്തി​ലാ​ണ്​ യു.​എ.​ഇ ജീ​വ​കാ​രു​ണ്യ പ്ര​വ​ർ​ത്ത​ന​ങ്ങ​ൾ ന​ട​ത്തു​ന്ന​ത്. ഭൂ​ക​മ്പ​ത്തി​ൽ ക​ന​ത്ത നാ​ശം​വി​ത​ച്ച തു​ർ​ക്കി​യ, സി​റി​യ രാ​ജ്യ​ങ്ങ​ളി​​ൽ ക​ഴി​ഞ്ഞ അ​ഞ്ചു മാ​സ​മാ​യി തു​ട​ർ​ന്നു​വ​ന്ന ജീ​വ​കാ​രു​ണ്യ, പു​ന​ര​ധി​വാ​സ പ്ര​വ​ർ​ത്ത​ന​ങ്ങ​ൾ ഇ​ക്ക​ഴി​ഞ്ഞ ജൂ​ലൈ​യി​ലാ​ണ്​ റെ​ഡ്​ ക്ര​സ​ന്‍റ്​ പൂ​ർ​ത്തീ​ക​രി​ച്ച​ത്. ഓ​പ​റേ​ഷ​ൻ ഗാ​ല​ന്‍റ്​ നൈ​റ്റ്​ 2 എ​ന്ന പേ​രി​ട്ട ദൗ​ത്യ​ത്തി​ലൂ​ടെ യു.​എ.​ഇ പ്ര​തി​രോ​ധ മ​ന്ത്രാ​ല​യ​ത്തി​ന്‍റെ ഓ​പ​റേ​ഷ​ൻ​സ്​ ക​മാ​ൻ​ഡ്​ ഭ​ക്ഷ്യ​വ​സ്തു​ക്ക​ൾ ഉ​ൾ​പ്പെ​ടെ 15,164 ട​ൺ സ​ഹാ​യ​മാ​ണ്​ ഈ ​രാ​ജ്യ​ങ്ങ​ളി​ൽ എ​ത്തി​ച്ച​ത്.