നാൽപതു തരം ബിരിയാണികളുമായി ബിരിയാണീസ്​ ആൻഡ് മോർ

ദുബൈ: വൈവിധ്യമാർന്ന ബിരിയാണികൾ കൊ​ണ്ട്​ ​ശ്രദ്ധേയരായ ബിരിയാണീസ്​ ആൻഡ് മോർ ആറുപതാമത്​ ശാഖ ദുബൈയിൽ നടൻ ഡോ. ബ്രഹ്​മാനന്ദം ഉദ്​ഘാടനം ചെയ്​തു. അൽ നഹ്​ദ ഒന്നിൽ ഇനോക്​ സ്​റ്റേഷന്​ സമീപം തുറന്ന റസ്​റ്ററൻറിൽ നാൽപതിലേറെ ബിരിയാണികൾ വിളമ്പുമെന്ന്​ സംരംഭകരായ സൂര്യദേവരാമ നായിഡു, റഷീദ്​ മുഹമ്മദലി എന്നിവർ വാർത്തസമ്മേളനത്തിൽ അറിയിച്ചു.

200ലേറെ ഡിഷുകളാണ്​ ഇവിടെ ഒരുക്കുന്നത്​. വെജിറ്റബിൾ ബിരിയാണി കഴിക്കുന്നവ​െ​ര പ്രത്യേകം പരിഗണിച്ച്​ 20 തരം ഫ്ലേവറുകൾ തയ്യാറാക്കിയിട്ടുണ്ട്​. പാർട്ടി ഹാളും കാറ്ററിങ്​ സേവനവുമുണ്ട്​. അടുത്ത വർഷം മൂന്ന്​ ശാഖകൾ കൂടി ആരംഭിക്കും. ഇന്ത്യക്കും യു.എ.ഇക്കും പുറമെ കാനഡ, അമേരിക്ക, ഓസ്ട്രേലിയ എന്നിവിടങ്ങളിലാണ്​ ബിരിയാണീസ്​ ആൻഡ് മോർ പ്രവർത്തിക്കുന്നത്​.