ആ​ൽ മ​ക്​​തൂം വി​മാ​ന​ത്താ​വ​ളം; ക​രാ​റു​ക​ൾ ന​ൽ​കി​ത്തു​ട​ങ്ങി

ദു​ബൈ: ഏ​വ​രും പ്ര​തീ​ക്ഷ​പൂ​ർ​വം കാ​ത്തി​രി​ക്കു​ന്ന ആ​ൽ മ​ക്​​തൂം വി​മാ​ന​ത്താ​വ​ള പ​ദ്ധ​തി​ക്ക്​ ക​രാ​റു​ക​ൾ ന​ൽ​കി​ത്തു​ട​ങ്ങി. നി​ർ​മാ​ണം പൂ​ർ​ത്തി​യാ​കു​ന്ന​തോ​ടെ ലോ​ക​ത്തെ ഏ​റ്റ​വും വ​ലു​താ​കു​മെ​ന്ന്​ പ്ര​തീ​ക്ഷി​ക്കു​ന്ന വി​മാ​ന​ത്താ​വ​ള​ത്തി​നു​ള്ള ക​രാ​റു​ക​ൾ ന​ൽ​കു​ക​യും പ്ര​വ​ർ​ത്ത​ന​ങ്ങ​ൾ ആ​രം​ഭി​ക്കു​ക​യും ചെ​യ്ത​താ​യി ദു​ബൈ സി​വി​ൽ ഏ​വി​യേ​ഷ​ൻ അ​തോ​റി​റ്റി പ്ര​സി​ഡ​ന്റും ദു​ബൈ എ​യ​ർ​പോ​ർ​ട്​​സ്​ ചെ​യ​ർ​മാ​നു​മാ​യ ശൈ​ഖ്​ അ​ഹ്മ​ദ്​ ബി​ൻ സ​ഈ​ദ്​ ആ​ൽ മ​ക്​​തൂ​മാ​ണ്​ വെ​ളി​പ്പെ​ടു​ത്തി​യ​തെ​ന്ന്​ മാ​ധ്യ​മ​ങ്ങ​ൾ റി​പ്പോ​ർ​ട്ട്​ ചെ​യ്തു. യു.​എ.​ഇ വൈ​സ്​ പ്ര​സി​ഡ​ന്റും ​പ്ര​ധാ​ന​മ​ന്ത്രി​യും ദു​ബൈ ഭ​ര​ണാ​ധി​കാ​രി​യു​മാ​യ ശൈ​ഖ്​ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂം ഒ​രു വ​ർ​ഷം മു​മ്പ്​ പ​ദ്ധ​തി​ക്ക്​ അം​ഗീ​കാ​രം ന​ൽ​കി​യ​തോ​ടെ പ്ര​വ​ർ​ത്ത​നം തു​ട​ങ്ങി​യ​താ​യാ​ണ്​ വ്യ​ക്ത​മാ​ക്കി​യി​രി​ക്കു​ന്ന​ത്.

നി​ർ​മാ​ണം പൂ​ർ​ത്തി​യാ​കു​ന്ന​തോ​ടെ 26 കോ​ടി യാ​ത്ര​ക്കാ​ർ​ക്ക്​ സ​ഞ്ച​രി​ക്കാ​നു​ള്ള സൗ​ക​ര്യം ഇ​വി​ടെ​യു​ണ്ടാ​കും. ദു​ബൈ അ​ന്താ​രാ​ഷ്​​ട്ര വി​മാ​ന​ത്താ​വ​ള​ത്തി​ലെ എ​ല്ലാ ഓ​പ​റേ​ഷ​നു​ക​ളും 128 ശ​ത​കോ​ടി ദി​ർ​ഹം ചെ​ല​വി​ട്ട്​ നി​ർ​മി​ക്കു​ന്ന പു​തി​യ എ​യ​ർ​പോ​ർ​ട്ടി​ലേ​ക്ക്​ മാ​റും. നി​ർ​മാ​ണം പൂ​ർ​ത്തി​യാ​ക്കി 10 വ​ർ​ഷ​ത്തി​നു​ള്ളി​ൽ ദു​ബൈ അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ന്റെ പ്ര​വ​ർ​ത്ത​ന​ങ്ങ​ൾ ഘ​ട്ടം​ഘ​ട്ട​മാ​യി ആ​ൽ മ​ക്തൂം വി​മാ​ന​ത്താ​വ​ള​ത്തി​ലേ​ക്ക് മാ​റ്റു​ന്ന​തി​നാ​ണ്​ ല​ക്ഷ്യ​മി​ടു​ന്ന​ത്.

400 വി​മാ​ന​ത്താ​വ​ള ഗേ​റ്റു​ക​ളും അ​ഞ്ച്​ സ​മാ​ന്ത​ര റ​ൺ​വേ​ക​ളും ഉ​ൾ​ക്കൊ​ള്ളു​ന്ന വി​മാ​ന​ത്താ​വ​ളം 70 സ്ക്വ​യ​ർ കി.​ലോ​മീ​റ്റ​ർ പ്ര​ദേ​ശ​ത്താ​ണ്​ നി​ർ​മി​ക്കു​ന്ന​ത്. നി​ർ​മാ​ണം പൂ​ർ​ത്തി​യാ​യാ​ൽ നി​ല​വി​ലെ വി​മാ​ന​ത്താ​വ​ള​ത്തി​ന്‍റെ അ​ഞ്ചു​മ​ട​ങ്ങ്​ ശേ​ഷി​യാ​ണ്​ ഇ​തി​നു​ണ്ടാ​വു​ക. വ്യോ​മ​​യാ​ന മേ​ഖ​ല​യി​ൽ മു​മ്പൊ​ന്നും ഉ​പ​യോ​ഗി​ച്ചി​ട്ടി​ല്ലാ​ത്ത നൂ​ത​ന​മാ​യ സം​വി​ധാ​ന​ങ്ങ​ളാ​ണ്​ വി​മാ​ന​ത്താ​വ​ള​ത്തി​ൽ ഉ​പ​യോ​ഗി​ക്കു​ക​യെ​ന്നും നേ​ര​ത്തേ വെ​ളി​പ്പെ​ടു​ത്തി​യി​ട്ടു​ണ്ട്.

ദു​ബൈ​യി​ലെ വ്യോ​മ​യാ​ന മേ​ഖ​ല അ​ടു​ത്ത 40 വ​ർ​ഷ​ത്തേ​ക്ക്​ പ്ര​തീ​ക്ഷി​ക്കു​ന്ന വ​ള​ർ​ച്ച​ക്ക്​ ക​ള​മൊ​രു​ക്കു​ന്ന​താ​യി​രി​ക്കും പു​തി​യ വി​മാ​ന​ത്താ​വ​ളം. ദു​ബൈ ആ​സ്ഥാ​ന​മാ​യ എ​മി​റേ​റ്റ്​​സ്, ഫ്ലൈ​ദു​ബൈ എ​ന്നി​വ​യു​ടെ​യും ദു​ബൈ​യെ ലോ​ക​വു​മാ​യി ബ​ന്ധി​പ്പി​ക്കു​ന്ന മ​റ്റു വി​മാ​ന​ക്ക​മ്പ​നി​ക​ളു​ടെ​യും ഭാ​വി​കേ​ന്ദ്ര​മാ​യി​രി​ക്കു​മി​ത്.

2024-25 എ​മി​റേ​റ്റ്​​സ്​ ഗ്രൂ​പ്പി​ന്​ മ​റ്റൊ​രു റെ​ക്കോ​ഡ്​ വ​ർ​ഷ​മാ​യി​രി​ക്കു​മെ​ന്ന്​ എ​മി​റേ​റ്റ്​​സ്​ എ​യ​ർ​ലൈ​നി​ന്‍റെ​യും ഗ്രൂ​പ്പി​ന്‍റെ​യും ചീ​ഫ്​ എ​ക്സി​ക്യൂ​ട്ടി​വും ചെ​യ​ർ​മാ​നും കൂ​ടി​യാ​യ ശൈ​ഖ്​ അ​ഹ്മ​ദ്​ പ്ര​തീ​ക്ഷ പ്ര​ക​ടി​പ്പി​ച്ചി​ട്ടു​ണ്ട്. ക​ഴി​ഞ്ഞ വ​ർ​ഷം 1870 കോ​ടി ദി​ർ​ഹം ലാ​ഭ​വു​മാ​യി എ​മി​റേ​റ്റ്​​സ്​ ഗ്രൂ​പ്​ റെ​ക്കോ​ഡ്​ നേ​ട്ടം കൈ​വ​രി​ച്ചി​രു​ന്നു.