റിയാദ്​ ഒ.ഐ.സി.സി പ്രസിഡൻറ്​ പദവിയിൽ ​മത്സരമൊഴിവാക്കിയത്​ വീതംവെപ്പ് ഫോർമുല

റി​യാ​ദ്: റി​യാ​ദ്​ ഒ.​ഐ.​സി.​സി പ്ര​സി​ഡ​ൻ​റ്​ പ​ദ​ത്തി​നാ​യു​ള്ള പോ​ര്​ ഒ​ഴി​വാ​ക്കി​യ​ത്​ മാ​സ​ങ്ങ​ൾ നീ​ണ്ട മാ​ര​ത്തൺ ച​ർ​ച്ച​ക​ൾ​ക്കൊ​ടു​വി​ൽ ഉ​രു​ത്തി​രി​ഞ്ഞ വീ​തം​വെ​പ്പ്​ സ​മ​വാ​യം. ​അ​ബ്​​ദു​ല്ല വ​ല്ലാ​ഞ്ചി​റ​യും സ​ലീം ക​ള​ക്ക​ര​യും ഇ​ട​വി​ട്ട്​ പ്ര​സി​ഡ​ൻ​റാ​കു​മെ​ന്ന ഫോ​ർ​മു​ല​യി​ലാ​ണ്​ അ​ന്തി​മ തീ​രു​മാ​ന​മാ​യ​തും ക​ഴി​ഞ്ഞ​ ദി​വ​സം ഭാ​ര​വാ​ഹി പ്ര​ഖ്യാ​പ​ന​മു​ണ്ടാ​യ​തും.

സീ​നി​യ​ർ വൈ​സ്​ പ്ര​സി​ഡ​ൻ​റ്​ സ​ലിം ക​ള​ക്ക​ര​യും ഓ​ർ​ഗ​നൈ​സി​ങ്​ ജ​ന​റ​ൽ സെ​ക്ര​ട്ട​റി അ​ബ്​​ദു​ല്ല വ​ല്ല​ാഞ്ചി​റ​യും സ്വ​യം സ്ഥാ​നാ​ർ​ഥി​ത്വം പ്ര​ഖ്യാ​പി​ച്ച്​ രം​ഗ​ത്ത്​ എ​ത്തി​യ​തോ​ടെ ക​ടു​ത്ത മ​ത്സ​ര​മു​ണ്ടാ​കു​മെ​ന്ന നി​ല​യി​ൽ അ​ന്ത​രീ​ക്ഷം​ ചൂ​ട് പി​ടി​ക്കു​ക​യാ​യി​രു​ന്നു. ച​ർ​ച്ച​ക​ളും ഗ്രൂ​പ് യോ​ഗ​ങ്ങ​ളും സ​ജീ​വ​മാ​യി. സ​മ​വാ​യ ച​ർ​ച്ച​ക​ൾ ഒ​രു​പാ​ട്​ ന​ട​ന്നെ​ങ്കി​ലും മ​ത്സ​ര​ത്തി​ൽനി​ന്ന് പി​ന്തി​രി​യാ​ൻ ആ​രും ത​യാ​റാ​യി​ല്ല.

പ​ര​മാ​വ​ധി മ​ത്സ​രം ഒ​ഴി​വാ​ക്കാ​ൻ ഗ്ലോ​ബ​ൽ ചെ​യ​ർ​മാ​ൻ ശ​ങ്ക​ർ പി​ള്ള കു​മ്പ​ളയുടെ നി​ർ​ദേ​ശം വ​ന്ന​തോ​ടെ റി​യാ​ദി​ലെ ഗ്ലോ​ബ​ൽ നാ​ഷ​ന​ൽ ഭാ​ര​വാ​ഹി​ക​ളാ​യ മ​ജീ​ദ് ചി​ങ്ങോ​ലി, റ​സാ​ഖ് പൂ​ക്കോ​ട്ടു​പാ​ടം, ഷാ​ജി കു​ന്നി​ക്കോ​ട്, ഷാ​ജി സോ​ണ, റ​ഹ്​​മാ​ൻ എ​ന്നി​വ​ർ ആ ​വ​ഴി​ക്കു​ള്ള ശ്ര​മം ന​ട​ത്തു​ക​യാ​യി​രു​ന്നു. ഫോ​ർ​മു​ല​ക​ൾ പ​ല​തും പ​റ​ഞ്ഞെ​ങ്കി​ലും ഇ​രു​വ​രും മ​ത്സ​ര രം​ഗ​ത്ത് ഉ​റ​ച്ചു നി​ന്നു. ഒ​ടു​വി​ൽ ഭ​ര​ണ​സ​മി​തി കാ​ലാ​വ​ധി​യാ​യ മൂ​ന്നു​വ​ർ​ഷം വീ​തി​ച്ച്​ പ്ര​സി​ഡ​ൻ​റാ​ക്കാ​മെ​ന്ന ഫോ​ർ​മു​ല​ക്ക്​ ഇ​രു​വ​രും വ​ഴ​ങ്ങു​ക​യാ​യി​രു​ന്നു.

ആ​ദ്യ​ത്തെ ഊ​ഴം ആ​വ​ശ്യ​പ്പെ​ടു​ന്ന​വ​ർ​ക്ക് ഒ​രു വ​ർ​ഷ​വും ര​ണ്ടാം ഊ​ഴ​ക്കാ​ർ​ക്ക് ര​ണ്ട് വ​ർ​ഷ​വും ന​ൽ​കാ​ൻ തീ​രു​മാ​ന​മാ​യി. ആ​ദ്യ​ത്തെ ഒ​രു വ​ർ​ഷം കൊ​ണ്ട്​ തൃ​പ്​​തി​യ​ട​യാ​ൻ അ​ബ്​​ദു​ല്ല വ​ല്ലാ​ഞ്ചി​റ സ​ന്ന​ദ്ധ​നാ​യി. ആ​ദ്യം പ്ര​സി​ഡ​ൻ​റാ​കാ​മ​ല്ലോ എ​ന്ന പ്ര​ത്യേ​ക​ത​യാ​ണ്​ അ​ബ്​​ദു​ല്ല​യെ ആ​ക​ർ​ഷി​ച്ച​ത്. ആ​ദ്യ ഊ​ഴം ത്യ​ജി​ച്ച​തി​ന്​ സ​ലീം ക​ള​ക്ക​ര​ക്ക് കി​ട്ടു​ന്ന പ്ര​തി​ഫ​ല​മാ​ണ്​​ ര​ണ്ടു​വ​ർ​ഷം.

ക​ഴി​ഞ്ഞ ശ​നി​യാ​ഴ്ച ബ​ത്​​ഹ​യി​ലെ അ​പ്പോ​ളോ ഹോ​ട്ട​ലി​ൽ ചേ​ർ​ന്ന കോ​ൺ​സു​ല​ർ​മാ​രു​ടെ യോ​ഗ​ത്തി​ൽ കു​ഞ്ഞി കു​മ്പ​ള പു​തി​യ ഭാ​ര​വാ​ഹി​ക​ളെ​യും നി​ർ​വാ​ഹ​ക സ​മി​തി അം​ഗ​ങ്ങ​ളെ​യും പ്ര​ഖ്യാ​പി​ച്ച​തോ​ടെ പ്ര​വ​ർ​ത്ത​ക​ർ കൈ​യ​ടി​യോ​ടെ അ​നു​മ​തി ന​ൽ​കി.