ഹൂതികളുടെ മിസൈൽ കേന്ദ്രം സഖ്യസേന തകർത്തു

ജിദ്ദ:  യമനിലെ ഹൂതി വിമതരുടെ മിസൈൽ കേന്ദ്രം സൗദിയുടെ നേതൃത്വത്തിലുള്ള അറബ്​ സഖ്യസേന തകർത്തു. ദീർഘദൂര ബാലിസ്​റ്റിക്​ മിസൈൽ കേന്ദ്രമാണ്​ ആക്രമണത്തിനിരയായത്​.  
അതേസമയം, ശനിയാഴ്​ച പുലർച്ചെ സൗദിക്ക്​ നേർക്ക്​ ഹൂതികൾ തൊടുത്ത മിസൈൽ ലക്ഷ്യം തെറ്റിവീണു. യമനിലെ ഹജ്ജ പ്രവിശ്യയിൽ നിന്നാണ്​ മിസൈൽ വിക്ഷേപിച്ചത്​. പക്ഷേ, മിദി മേഖലയിലെ മരുഭൂമിയിൽ തകർന്നുവീഴുകയായിരുന്നു. റഷ്യൻ നിർമിതമെങ്കിലും ഇറാനിയൻ ഭേദഗതിയുള്ള വോൾഗ മിസൈൽ ആണ്​ വിക്ഷേപിച്ചതെന്ന്​ അഞ്ചാം മിലിറ്ററി സോൺ വൃത്തങ്ങളെ ഉദ്ധരിച്ച്​ അൽ അറബിയ റി​പ്പോർട്ട്​ ചെയ്​തു.