Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightSaudi Arabiachevron_rightകർശന നിയന്ത്രണങ്ങളോടെ...

കർശന നിയന്ത്രണങ്ങളോടെ സൗദിയിൽ പള്ളികൾ തുറന്നു

text_fields
bookmark_border
madeena1
cancel
camera_alt???????? ?????????????? ??????????????? ?????????????????????

ജിദ്ദ: കോവിഡ്​ പശ്ചാത്തലത്തിൽ രണ്ട്​ മാസത്തിലധികമായി അടഞ്ഞുകിടന്ന സൗദി അറേബ്യയിലെ മുഴുവൻ പള്ളികളും തുറന്നു. ഞായറാഴ്​ച പ്രഭാത നമസ്​കാരത്തോടെയാണ്​ വിശ്വാസികൾക്കായി ആരാധനാലയങ്ങളുടെ കവാടങ്ങൾ തുറന്നത്​. പള്ളികൾ തുറക്കുമെന്ന പ്രഖ്യാപനം കഴിഞ്ഞ ദിവസം  മതകാര്യ വകുപ്പ്​  പ്രഖ്യാപിച്ചിരുന്നു. ഇതേതുടർന്ന്​ പള്ളികളിൽ ആരോഗ്യ സുരക്ഷ മുൻകരുതൽ ​നടപടികൾ യുദ്ധകാലാടിസ്​ഥാനത്തിലാണ് പൂർത്തിയാക്കിയത്​.​ 

രാജ്യത്തെ 98800ലധികം  പള്ളികളാണ്​​ പ്രാർഥനക്കായി തുറന്നത്​. മുഴുവൻ പള്ളികളും അണുമുക്​തമാക്കിയും ശുചീകരിച്ചുമാണ്​ തുറന്നുകൊടുത്തിരിക്കുന്നത്​. മദീനയിലെ മസ്​ജിദുന്നബവിയും  ഇതിലുൾപ്പെടും. 

കോവിഡ്​ വ്യാപനം തടയാൻ മുൻകരുതൽ നടപടിയായി മാർച്ച്​ 20 മുതലാണ്​ മസ്​ജിദുന്നബവിയിലേക്ക്​ പുറത്തുനിന്ന്​ ആളുകൾ നമസ്​ കാരത്തിനെത്തുന്നതിന്​ താൽകാലിക വിലക്ക്​ ഏർപ്പെടുത്തിയത്​. കർശന ആരോഗ്യ മുൻകരുതൽ പാലിച്ചാണ്​ നമസ്​കരിക്കുന്നവരെ പള്ളികളി​ലേക്ക്​ കടത്തിവിടുന്നത്​.  

madeena2

നമസ്​കരിക്കാനെത്തുന്നവരും പള്ളി ജീവനക്കാരും പാലിക്കേണ്ട ആരോഗ്യ സുരക്ഷ മുൻകരുതൽ നടപടികൾ കഴിഞ്ഞദിവസം മതകാര്യ വകുപ്പ്​ വ്യക്​തമാക്കിയിരുന്നു. ഇതേതുടർന്ന് മസ്​ജിദുന്നബവിയടക്കം​ ഒരോ പള്ളികളിലും ആരോഗ്യ സുരക്ഷ മുൻകരുതൽ പാലിച്ചവരെയാണ്​ അകത്തേക്ക്​ കടത്തിവിട്ടത്​. കുട്ടികൾക്ക്​ പ്രവേശനം നൽകിയില്ല. സമൂഹ അകലം പാലിച്ചാണ്​ നമസ്​കാരങ്ങൾ നടന്നത്​. 

സ്വദേശികളും വിദേശികളുമടക്കം നിരവധി പേർ സുബ്​ഹി നമസ്​കരിക്കാരത്തിൽ പ​െങ്കടുത്തു.  മസ്​ജിദുന്നബവിയിൽ നമസ്​കരിക്കാനെത്തുന്നവരെ പരിശോധിക്കാൻ ആരോഗ്യ, റെഡ്​ക്രസൻറ്​ ഉദ്യോഗസ്​ഥൻമാർ രംഗത്തുണ്ടായിരുന്നു. സ്വയം അണുമുക്​തമാക്കൽ  മെഷീനുകൾ, തെർമോ കാമറകളടക്കമുള്ള സംവിധാനങ്ങൾ കവാടങ്ങളിൽ സ്​ഥാപിച്ചു. 

madeena3

ശരീരോഷ്​മാവ്​ പരിശോധിക്കാനും ആളുകളെ നിയോഗിച്ചിരുന്നു. മസ്​ജിദുന്നബവിയിൽ ഇമാം ശൈഖ്​ അലി അൽഹുദൈഫി സുബ്​ഹി നമസ്​കാരത്തിന്​ നേതൃത്വം നൽകി. നമസ്​കാരത്തിനുശേഷം പളളിയിലെത്തിയവരെ അദ്ദേഹം അഭിസംബോധന ചെയ്​തു. പള്ളികളിൽ നമസ്​കാരം തുടങ്ങാനായതിൽ ആളു​കളെ അഭിനന്ദിച്ചു. 

ആരോഗ്യ മന്ത്രാലയം പുറപ്പെടുവിച്ച നിർദേശങ്ങൾ എല്ലാവരും പാലിക്കണമെന്ന്​ ഉദ്​ബോധിപ്പിച്ചു. കോവിഡ്​ പ്രതിസന്ധിയെ രാജ്യം കാര്യക്ഷമമായി കൈകാര്യം ചെയ്​തിട്ടുണ്ടെന്ന്​​ മസ്​ ജിദുന്നബവി ഇമാം പറഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:saudi arabiamadeenamakkahgulf newsmasjidcovid
News Summary - masjids in saudi are opened
Next Story