കോഴിക്കോട് സ്വദേശി കുഴഞ്ഞുവീണു മരിച്ചു

റിയാദ്: ശാരീരികമായി അസ്വസ്​ഥത അനുഭവപ്പെട്ടതിനെ തുടർന്ന് ഡോക്ടറെ കാണാനെത്തിയ മലയാളി കുഴഞ്ഞുവീണ് മരിച്ചു. ബത്ഹ ഫറസ്​ദഖ് സ്​ട്രീറ്റിലെ ബൂഫിയയിൽ ജീവനക്കാരനായ കോഴിക്കോട് വള്ളിയോത്ത് സ്വദേശി കണ്ണൂരക്കുഴിയിൽ അശ്റഫ് (40) ആണ് സ്വകാര്യക്ലിനിക്കിൽ മരിച്ചത്​. ഭാര്യയും മൂന്നു മക്കളുമുണ്ട്. അഞ്ചുവർഷമായി റിയാദിലുണ്ട്​. മൃതദേഹം നാട്ടിലയക്കുന്നതിനുളള നടപടിക്രമങ്ങൾ പൂർത്തിയാക്കാൻ കെ.എം.സി.സി നേതാവ് തെന്നല മൊയ്തീൻ കുട്ടി രംഗത്തുണ്ട്.