ഹജ്ജ് തീർത്ഥാടകർക്കിടയിലേക്ക് ബസ് പാഞ്ഞുകയറി ഇന്ത്യക്കാരടക്കം മൂന്ന് മരണം

  • മലയാളി തീർത്ഥാടകക്കും കെ.എം.സി.സി വളണ്ടിയർക്കും പരിക്ക്

18:35 PM
13/08/2019
representative image

മക്ക: മിനായിൽ അസീസിയ റോഡിൽ നിയന്ത്രണംവിട്ട ബസ് നടന്നുപോവുകയായിരുന്ന ഹജ്ജ് തീർത്ഥാടകർക്കിടയിലേക്ക് പാഞ്ഞുകയറി മൂന്ന്​ പേർ മരിച്ചു. ഉത്തർപ്രദേശ്, ഝാർഖണ്ഡ് സ്വദേശികളും ഒരു ഇൗജിപ്​ഷ്യൻ പൗരനുമാണ്​ മരിച്ചത്.

15 ഒാളം പേർക്ക്​ പരിക്കുണ്ട്​. മലയാളി തീർഥാടക കൊയിലാണ്ടി സ്വദേശിനി ഇബ്ബിച്ചി ആയിശ (58) , കെ.എം.സി.സി ഹജ്ജ്​ വളണ്ടിയർ മേലാറ്റൂർ സ്വദേശി ഇഖ്​ബാൽ എന്നിവർ പരിക്കേറ്റവരിൽ പെടുന്നു.

ചൊവ്വാഴ്​ച ഉച്ചക്ക്​ ഒരുമണിയോടെയാണ്​ സംഭവം. ഹജ്ജ്​ കർമം പൂർത്തിയാക്കി താമസ കേ​ന്ദ്രത്തിലേക്ക്​ പോകുന്നവരാണ്​ മരിച്ചത്​. നിയന്ത്രണം വിട്ട ബസ്​ കാറിലും ഇടിച്ചു. പരിക്കേറ്റ സ്വദേശിയുൾപ്പെടെ രണ്ട്​ പേരുടെ ആരോഗ്യനില ഗുരുതരമാണ്​.

Loading...
COMMENTS