സൗദിയിലേക്ക്​ വീണ്ടും ബാലിസ്​റ്റിക്​ മിസൈലാക്രമണ ശ്രമം; യമനിൽ 15 ഹൂതികൾ കൊല്ലപ്പെട്ടു

ജിദ്ദ: സൗദി ലക്ഷ്യമാക്കി യമനിൽ നിന്ന്​ ബാലിസ്​റ്റിക്​ മിസൈൽ തൊടുക്കാനുള്ള ശ്രമത്തിനിടെ 15 ഹൂതികൾ കൊല്ലപ്പെ ട്ടു. സഅദ പ്രവിശ്യയിലെ അൽ തയ്യാർ ഡിസ്​ട്രിക്​ടിൽ നിന്നാണ് സൗദി ലക്ഷ്യമാക്കി ​ മിസൈലാക്രമണ ശ്രമം ഉണ്ടായത് എന്ന ്​ അൽ അറബിയ റിപ്പോർട്ട്​ ചെയ്​തു. ബുധനാഴ്​ചയാണ്​ സംഭവം.
യമൻ സമാധാനശ്രമങ്ങൾ തുടരുന്നതിനിടെയാണ് സൗദിക്ക്​ നേരെ ആക്രമണ ശ്രമം. സ്വീഡൻ കരാർ പാലിക്കാൻ ഹൂതികൾക്ക്​ താൽപര്യമില്ലെന്ന്​ അറബ്​ സഖ്യസേന കഴിഞ്ഞ ദിവസം കുറ്റപ്പെടുത്തിയിരുന്നു.
ഐക്യരാഷ്​ട്ര സഭയുടെ നേതൃത്വത്തില്‍ യമനില്‍ സമാധാനം പുനഃസ്ഥാപിക്കാനുള്ള ശ്രമങ്ങള്‍ക്ക് തിരിച്ചടി നേരിടുന്നതായി റിപ്പോർട്ടുണ്ടായിരുന്നു. ഹൂതി വിഘടന വാദികള്‍ ഹുദൈദ തുറമുഖത്തു നിന്നും ഹുദൈദ നഗരത്തില്‍ നിന്നും പിന്‍മാറാന്‍ തയാറാവാത്തതാണ് പ്രശ്​നം.
യമനിലേക്കുള്ള യു.എന്‍ പ്രതിനിധി മാര്‍ട്ടിന്‍ ഗ്രിഫിത്ത് കഴിഞ്ഞ ദിവസം ഹൂതികളുമായി ചര്‍ച്ച നടത്തുകയും ഹുദൈദയില്‍ നിന്ന് പിന്‍മാറാന്‍ ആവശ്യപ്പെടുകയും ചെയ്തെങ്കിലും ദൗത്യം വിജയിച്ചിരുന്നില്ല. ഈ സാഹചര്യത്തില്‍ യു.എന്‍ പ്രതിനിധി യമനില്‍ നിന്ന് തിരിച്ചുപോയതായും അന്താരാഷ്​ട്ര മാധ്യമങ്ങള്‍ റിപ്പോര്‍ട്ട് ചെയ്​തിരുന്നു. സ്വീഡനില്‍ നടന്ന വെടിനിര്‍ത്തല്‍ കരാറി​​​െൻറ അടിസ്ഥാനത്തില്‍ സമാധാന നീങ്ങള്‍ക്ക് മേല്‍നോട്ടം വഹിച്ചിരുന്ന പാട്രിക് കാമററ്റും ഹൂതികള്‍ നിബന്ധനകള്‍ പാലിക്കാത്തതായി കുറ്റപ്പെടുത്തിയിരുന്നു. നവംബറിലാണ്​ വെടിനിർത്തൽ പ്രഖ്യാപനം ഹൂതികളുടെ ഭാഗത്ത്​ നിന്നുണ്ടായത്​. യു.എൻ നേതൃത്വത്തിലുള്ള സമാധാന ശ്രമങ്ങൾക്ക്​ സൗദി നേതൃത്വം നൽകുന്ന അറബ്​ സഖ്യസേന എല്ലാ പിന്തുണയും പ്രഖ്യാപിച്ചിരുന്നു. കഴിഞ്ഞ സൗദി തലസ്​ഥാനമായ റിയാദിലേക്കടക്കം നിരവധി തവണയാണ്​ ഹൂതികൾ ബാലിസ്​റ്റിക്​ മിസൈൽ ആക്രമണം നടത്തിയത്​. പുതിയ സാഹചര്യങ്ങൾ സമാധാനം ഇനിയും അകലെയാണെന്നാണ്​ സൂചിപ്പിക്കുന്നത്​.