ഇന്ത്യൻ ഹാജിമാരുടെ സഹായങ്ങൾക്ക് മക്കയിൽ പ്രത്യേക കേന്ദ്രം

മ​ക്ക: ഇ​ന്ത്യ​ൻ ഹാ​ജി​മാ​രു​ടെ മു​ഴു​വ​ൻ കാ​ര്യ​ങ്ങ​ളും നി​യ​ന്ത്രി​ക്കാ​നും പ്ര​ശ്ന​പ​രി​ഹാ​ര​ങ്ങ​ൾ​ക്കു​മാ​യി മ​ക്ക​യി​ൽ പ്ര​ത്യേ​കം കേ​ന്ദ്രം പ്ര​വ​ർ​ത്തി​ക്കു​ന്നു. മ​സ്ജി​ദു​ല്‍ ഹ​റാ​മി​ല്‍ നി​ന്നും അ​ഞ്ച് കി​ലോ​മീ​റ്റ​ർ അ​ക​ലെ ഖു​ദാ​യ് പാ​ർ​ക്കി​ങ്ങി​ന് സ​മീ​പ​മാ​യി ജ​ബ​ൽ സൗ​ർ ബ്രാ​ഞ്ച് റോ​ഡി​ൽ വി​പു​ല​മാ​യ സൗ​ക​ര്യ​ങ്ങ​ളോ​ടെ ബ​ഹു​നി​ല കെ​ട്ടി​ട​ത്തി​ലാ​ണ് ഓ​ഫി​സ് പ്ര​വ​ർ​ത്തി​ക്കു​ന്ന​ത്.

ഇ​ന്ത്യ​യി​ൽ​നി​ന്നു​ള്ള മു​ഴു​വ​ൻ ഹാ​ജി​മാ​രു​ടെ​യും സേ​വ​ന​ത്തി​നാ​യി 24 മ​ണി​ക്കൂ​ർ കേ​ന്ദ്രം പ്ര​വ​ർ​ത്തി​ക്കു​ന്നു​ണ്ട്. ഇ​ന്‍ഫ​ര്‍മേ​ഷ​ന്‍ സെ​ന്റ​ര്‍. വാ​ട്സ്ആ​പ് വ​ഴി​യും ടോ​ള്‍ ഫ്രീ ​ന​മ്പ​റു​ക​ൾ വ​ഴി​യും ബ​ന്ധ​പ്പെ​ടാ​ന്‍ പ്ര​ത്യേ​ക കേ​ന്ദ്രം, കോ​ഓ​ഡി​നേ​ഷ​ൻ സെ​ൽ കെ​ട്ടി​ടം, ജ​ന​റ​ൽ വെ​ൽ​ഫെ​യ​ർ സെ​ൽ, ട്രാ​ൻ​സ്പോ​ർ​ട്ടേ​ഷ​ൻ എ​ന്നി​ങ്ങ​നെ വി​വി​ധ ഓ​ഫി​സു​ക​ൾ ഇ​വി​ടെ പ്ര​വ​ർ​ത്തി​ക്കു​ന്നു. കോ​ണ്‍സു​ല്‍, ഹ​ജ്ജ് കോ​ണ്‍സു​ല്‍ എ​ന്നി​വ​രു​ടെ ഓ​ഫി​സു​ക​ളു​മു​ണ്ടി​വി​ടെ.

സ്വ​കാ​ര്യ ഗ്രൂ​പ്പു​ക​ൾ ഉ​ൾ​പ്പെ​ടെ 1,75,025 ഹാ​ജി​മാ​രാ​ണ് ഇ​ന്ത്യ​യി​ൽ​നി​ന്ന് ഇ​ത്ത​വ​ണ ഹ​ജ്ജി​നെ​ത്തു​ന്ന​ത്. ഇ​വ​രു​ടെ ഏ​തൊ​രു പ്ര​ശ്ന​ങ്ങ​ൾ​ക്കും പ​രി​ഹാ​രം കാ​ണാ​നു​ള്ള കേ​ന്ദ്ര​മാ​യാ​ണ് ഓ​ഫി​സ് പ്ര​വ​ർ​ത്തി​ക്കു​ന്ന​ത്. ഹ​ജ്ജി​ന് മൂ​ന്ന് മാ​സ​ങ്ങ​ൾ​ക്ക് മു​മ്പ് ത​ന്നെ ഈ ​കേ​ന്ദ്രം പ്ര​വ​ർ​ത്ത​ന സ​ജ്ജ​മാ​ണ്. ഹാ​ജി​മാ​ർ മു​ഴു​വ​നാ​യും മ​ട​ങ്ങു​ന്ന​തു​വ​രെ സ​ജീ​വ​മാ​യി​രി​ക്കും ഇ​വി​ടെ​യു​ള്ള വി​വി​ധ ഓ​ഫി​സു​ക​ൾ. നി​ര​വ​ധി വ​ർ​ഷ​ത്തെ ഹ​ജ്ജ് സേ​വ​ന പ​രി​ച​യ​മു​ള്ള ജി​ദ്ദ ഇ​ന്ത്യ​ൻ കോ​ണ്‍സു​ല്‍ ജ​ന​റ​ല്‍ മു​ഹ​മ്മ​ദ് ഷാ​ഹി​ദ് ആ​ല​മാ​ണ് കേ​ന്ദ്ര​ത്തി​ലെ എ​ല്ലാ വി​ഭാ​ഗ​ങ്ങ​ൾ​ക്കും ചു​ക്കാ​ൻ പി​ടി​ക്കു​ന്ന​ത്. ഹ​ജ്ജ് കോ​ണ്‍സു​ല്‍ എ​ന്ന പ്ര​ത്യേ​ക ത​സ്തി​ക ത​ന്നെ​യു​ണ്ട് ജി​ദ്ദ​യി​ലെ ഇ​ന്ത്യ​ന്‍ കോ​ണ്‍സു​ലേ​റ്റി​ല്‍. ക​ണ്ണൂ​ർ സ്വ​ദേ​ശി അ​ബ്ദു​ൽ ജ​ലീ​ൽ ആ​ണ് ഹ​ജ്ജ് കോ​ണ്‍സു​ല്‍. ഹ​ജ്ജ് സേ​വ​ന പ്ര​വ​ർ​ത്ത​ന​ങ്ങ​ളെ​ല്ലാം വി​വി​ധ വ​കു​പ്പു​ക​ള്‍ കേ​ന്ദ്രീ​ക​രി​ച്ച് ഇ​ന്ന് ഹൈ​ടെ​ക്കാ​യാ​ണ് ന​ട​ന്നു​വ​രു​ന്ന​ത്.

ഇ​ന്ത്യ​യി​ല്‍നി​ന്നും ഹ​ജ്ജ് സം​ഘ​ങ്ങ​ളു​മാ​യി എ​ത്തു​ന്ന 300ഓ​ളം വ​ള​ന്റി​യ​ർ​മാ​രെ (ഖാ​ദി​മു​ല്‍ ഹു​ജ്ജാ​ജ്) നി​യ​ന്ത്രി​ക്കു​ന്ന​ത് ഇ​വി​ടെ​യാ​ണ്. മ​ഹ്‌​റം (ആ​ൺ തു​ണ​യി​ല്ലാ​ത്ത​വ​ർ) ഇ​ല്ലാ​തെ എ​ത്തു​ന്ന വ​നി​താ തീ​ർ​ഥാ​ട​ക​ർ​ക്ക് പ്ര​ത്യേ​കം സൗ​ക​ര്യ​ങ്ങ​ൾ ഏ​ർ​പ്പെ​ടു​ത്തി​യി​ട്ടു​ണ്ട്. ഹ​റ​മി​ലെ സേ​വ​നം, കാ​ണാ​താ​യ​വ​ര്‍ക്കാ​യു​ള്ള സ​ഹാ​യം, ബാ​ഗേ​ജ് ന​ഷ്ടം എ​ന്നി​വ​ക്കാ​യി പ്ര​ത്യേ​കം വി​ഭാ​ഗ​ങ്ങ​ളു​ണ്ട്. സ്വ​കാ​ര്യ ഹാ​ജി​മാ​ര്‍ക്ക് പ്ര​ത്യേ​കം ഡ​സ്ക് ത​ന്നെ കേ​ന്ദ്ര​ത്തി​ൽ പ്ര​വ​ർ​ത്തി​ക്കു​ന്നു​ണ്ട്. തീ​ർ​ഥാ​ട​ക​ർ​ക്ക് എ​ല്ലാം അ​റി​യാ​ൻ ഇ​ന്ത്യ​ൻ ഹ​ജ്ജ് ഇ​ൻ​ഫ​ർ​മേ​ഷ​ൻ സി​സ്റ്റം എ​ന്ന​പേ​രി​ൽ മൊ​ബൈ​ൽ ആ​പ്പും പു​റ​ത്തി​റ​ക്കി​യി​ട്ടു​ണ്ട്. കോ​ൺ​സു​ലേ​റ്റി​ന്റെ www.cgijeddah.org എ​ന്ന വെ​ബ്സൈ​റ്റ് മു​ഖേ​ന​യും വി​വ​ര​ങ്ങ​ൾ അ​റി​യാ​നാ​കും.

24 മ​ണി​ക്കൂ​റും പ്ര​വ​ർ​ത്തി​ക്കു​ന്ന ഇ​ന്ത്യ​ൻ ഹ​ജ്ജ് മി​ഷ​ൻ ഹെ​ൽ​പ് ലൈ​ൻ ന​മ്പ​റു​ക​ൾ

മ​ക്ക: ജ​ന​റ​ൽ ഹെ​ൽ​പ് ടെ​ലി​ഫോ​ൺ: 0125496000

ടോ​ൾ​ഫ്രീ: 8002477786

വാ​ട്സ്ആ​പ്: 0553646966

മെ​ഡി​ക്ക​ൽ ഹെ​ൽ​പ് ലൈ​ൻ: 0557020112

മ​ദീ​ന: ജ​ന​റ​ൽ ഹെ​ൽ​പ് മൊ​ബൈ​ൽ: 0538583152

മെ​ഡി​ക്ക​ൽ ഹെ​ൽ​പ് ലൈ​ൻ: 0537394352