ഖത്തർ പ്രധാനമന്ത്രി ഇറാനിൽ

ദോഹ: മേഖലയിലെ സങ്കീർണമായ രാഷ്ട്രീയ സാഹചര്യങ്ങൾക്കിടെ ഖത്തർ പ്രധാനമന്ത്രിയും വിദേശകാര്യമ​ന്ത്രിയുമായ ശൈഖ് മുഹമ്മദ് ബിൻ അബ്ദുൽറഹ്മാൻ ആൽഥാനി ഇറാനിലെത്തി. തെഹ്റാനിലെത്തിയ പ്രധാനമന്ത്രി ഇറാൻ പ്രസിഡന്റ് ഡോ. മസൂദ് പെഷസ്കിയാൻ, വിദേശകാര്യമന്ത്രി അബ്ബാസ് അറാഖിയ എന്നിവരുമായി കൂടിക്കാഴ്ച നടത്തി.

ഗസ്സയിലെയും ഫലസ്തീന്‍ മേഖലകളിലെയും പുതിയ സാഹചര്യങ്ങള്‍ കൂടികാഴ്ചയിൽ ചര്‍ച്ചയായി. ഗസ്സ വെടിനിര്‍ത്തലിനുള്ള മധ്യസ്ഥ ചര്‍ച്ചകളും പ്രസിഡന്റും വിദേശകാര്യമന്ത്രിയുമായി നടന്ന ചർച്ചയിൽ വിലയിരുത്തി.