ബുദ്ധിമുട്ടുന്നവർക്ക്​ ഭക്ഷ്യകിറ്റുകൾ നൽകി ലുലു എക്​സ്​ചേഞ്ച്​

ദോഹ: ഖത്തറിൽ കോവിഡ് വ്യാപനത്തെ തുടർന്ന്​ പ്രയാസമുനുഭവിക്കുന്നവർക്ക്​ സാന്ത്വനവുമായി ലുലു എക്​സ്​ചേഞ്ച്​ മ ാനേജിങ്​ ഡയറക്ടർ അദീബ് അഹ്​മ്മദ്. ഒരു കുടുംബത്തിന് ഒരു മാസക്കാലത്തേക്ക്​ ഉപയോഗിക്കാവുന്ന സാധനങ്ങളാണ് കിറ്റിലുള്ളത്.സാമൂഹിക ഉത്തരവാദിത്വ പദ്ധതിയുടെ ഭാഗമായാണ് ഇതെന്ന് അദീബ് അഹമ്മദ് പറഞ്ഞു. ഖത്തറിൽ കെ.എം.സി.സിക്ക്​ കിറ്റുകൾ കൈമാറി. 1000 ഓളം കിറ്റുകളാണുള്ളത്​.

ആദ്യഘട്ടത്തിൽ 400 പേർക്കാണ് കിറ്റുകൾ നൽകിയെതന്ന് കെ.എം.സി.സി പ്രസിഡൻറ്​ എസ്.എ.എം ബഷീറും, കോഴിക്കോട് ജില്ല പ്രസിഡൻറ്​കെ.പി.എം ബഷീർഖാനും, ജന: സെക്രട്ടറി എം.പി.ഇല്ല്യാസ് മാസ്റ്ററും പറഞ്ഞു. കെ.എം.സി.സി ആസ്ഥാനത്ത് നടന്ന ചടങ്ങിൽ ലുലു എക്​സ്​ചേഞ്ച് ജനറൽ മാനേജർ ശ്രീനാഥ് ശ്രീകുമാർ, ഹെഡ് ഓഫ് ഓപ്പറേഷൻസ് മനോജ് ഒതയോത്ത് എന്നിവർ ചേർന്ന് കിറ്റുകൾ കൈമാറി.