നാട്ടിലെത്തി ദിവസങ്ങൾ കഴിഞ്ഞു: ലഗേജ്​ കിട്ടിയില്ലെന്ന്​ പരാതിയുമായി യാത്രക്കാർ

ദോഹ: ഖത്തറിൽനിന്ന്​ ഇൻഡിഗോ വിമാനം വഴി നാട്ടിലെത്തി അഞ്ചു ദിവസം കഴിഞ്ഞിട്ടും ലഗേജുകൾ കിട്ടിയില്ലെന്ന്​ പരാതി.ജൂൺ 29ന്​ ദോഹയിൽനിന്ന്​ കണ്ണൂരിലേക്ക്​ പറന്ന '6ഇ 1716' ഇൻഡിഗോ എയർലൈൻസിലെ യാത്രക്കാരാണ്​ നാട്ടിലെത്തി ദിവസങ്ങൾ കഴിഞ്ഞിട്ടും തങ്ങളുടെ ലഗേജുകൾ എത്തിയി​ട്ടില്ലെന്ന പരാതിയുമായി രംഗത്തെത്തിയത്​.

വിമാനത്തിലെ യാത്രക്കാരിൽ ഒരാളായ കണ്ണൂർ ഉളിയിൽ സ്വദേശി തൻെറ അനുഭവം 'ഗൾഫ്​ മാധ്യമവുമായി' പങ്കുവെക്കുന്നത്​ ഇങ്ങനെ. 'ഞാനും സഹോദരനും ഒന്നിച്ചാണ്​ നാട്ടിലേക്ക്​ മടങ്ങിയത്​.

കണ്ണൂരിൽ വിമാനമിറങ്ങി എയർപോർട്ടിലെ കൺവെയർ ബെൽട്ടിൽ ഞങ്ങളുടെ ലഗേജിനായി കുറെ നേരം കാത്തിരുന്നു. ഞങ്ങളുടെ വിമാനത്തിലെ കുറെ യാത്രക്കാരും ഇങ്ങനെ സ്വന്തം ലഗേജ്​ അന്വേഷിക്കുന്നുണ്ടായിരുന്നു.

മണിക്കൂറുകൾ കഴിഞ്ഞിട്ടും കാണാതായതോടെ ബന്ധപ്പെട്ടവരോട്​ അന്വേഷിച്ചപ്പോഴാണ്​ ലഗേജ്​ വന്നിട്ടില്ലെന്ന്​ അറിഞ്ഞത്​. തുടർന്ന്​ അവർ ആവശ്യപ്പെട്ടത്​ പ്രകാരം ലഗേജ്​ ലഭ്യമായിട്ടില്ലെന്ന്​ അറിയിക്കുകയുംചെയ്​തു. വിമാനത്തിൻെറ വിശദാംശങ്ങൾ കൂടി ഉൾ​പ്പെടുത്തി പരാതി നൽകിയാണ്​ വീട്ടിലേക്ക്​ മടങ്ങിയത്​. അടുത്ത ദിവസം തന്നെ അന്വേഷിച്ചെങ്കിലും ലഗേജ്​ എത്തിയില്ലെന്നായിരുന്നു മറുപടി. ജൂ​ൈല​ ഒന്നിന്​ വീണ്ടും അ​േന്വഷിച്ച​പ്പോൾ എയർ ബബ്​ൾ പുതുക്കാത്തതിനാൽ വിമാനങ്ങൾ കാൻസൽ ചെയ്​തുവെന്നായിരുന്നു മറുപടി.

പിന്നീടുള്ള ദിവസങ്ങളിലും കണ്ണൂർ എയർപോർട്ടിലെ ഇൻഡിഗോ ഓഫിസിൽ ബന്ധപ്പെ​ട്ടെങ്കിലും ദോഹയിൽ അന്വേഷിക്കണമെന്നായി. ശനിയാഴ്​ചയായിട്ടും ഞങ്ങൾ ഇരുവരുടെയും ലഗേജുകൾ ലഭ്യമായിട്ടില്ല'.

കഴിഞ്ഞ ദിവസങ്ങളിൽ നിറയെ യാത്രക്കാരുമായാണ്​ വിമാനങ്ങൾ കേരളത്തിലേക്ക്​​ പറന്നത്​.ഇതിനൊപ്പം, ചില യാത്രക്കാർ കൂടുതൽ കാശ്​ മുടക്കി അധിക ലഗേജ്​ േക്വാട്ട കൂടി നേടുന്നതിനാൽ പല സർവിസുകളിലും ഭാരംകുറക്കാൻ വിമാനക്കമ്പനികൾ നിർബന്ധിതരാവുന്നതിനാലാണ്​ ലഗേജുകൾ പുറത്താവുന്നത്​ എന്ന്​ എയർ ട്രാവലുമായി ബന്ധപ്പെട്ട്​ പ്രവർത്തിക്കുന്നവർ പറയുന്നു. ​വെള്ളിയാഴ്​ച കോഴിക്കോട്ട്​ എത്തിയ ചില യാത്രക്കാർക്കും ലഗേജ്​ നഷ്​ടമുണ്ടായതായി റിപ്പോർട്ടുണ്ട്​.

ലഗേജുകൾ വൈകു​േമ്പാഴും നഷ്​ടപ്പെടു​േമ്പാഴും യാത്രക്കാർക്ക്​ നഷ്​ടപരിഹാരം ആവശ്യപ്പെട്ട്​ എയർ സേവ ആപ്ലിക്കേഷൻ വഴിയോ വിമാനക്കമ്പനികളുടെ വെബ്​സൈറ്റ്​ വഴിയോ, ഇ-മെയിൽ ചെയ്​തോ പി.എൻ.ആർ നമ്പർ സഹിതം പരാതി നൽകാം. വ്യോമയാന മന്ത്രാലയത്തിന്​ കീഴി​ൽ പ്രവർത്തിക്കുന്നതാണ്​ 'എയർസേവ' ആപ്​. ഇത്തരം പരാതികളിലൂടെ മാത്രമേ യാത്രക്കാർക്കുള്ള ബുദ്ധിമുട്ടുകൾ പരിഹരിക്കാൻ കഴിയൂ.

അബ്​ദുൽ റഉൗഫ്​ കൊ​േണ്ടാട്ടി (സാമൂഹിക പ്രവർത്തകൻ, ദോഹ)