Top
Begin typing your search above and press return to search.
exit_to_app
exit_to_app
Homechevron_rightGulfchevron_rightOmanchevron_rightനയതന്ത്ര മികവിന്‍റെ...

നയതന്ത്ര മികവിന്‍റെ സുൽത്താൻ

text_fields
bookmark_border
നയതന്ത്ര മികവിന്‍റെ സുൽത്താൻ
cancel

നയതന്ത്രജ്​ഞതയിലും വിദേശകാര്യ നയത്തി​​​​​െൻറ രൂപവത്​കരണത്തിലും അറബ്​ മേഖലയിൽ എന്നും വേറിട്ട നിന്ന വ്യക്​ തിത്വമായിരുന്നു സുൽത്താൻ ഖാബൂസ്​ ബിൻ സഇൗദ്​. നയതന്ത്രജ്​ഞതയുടെ സുൽത്താൻ എന്ന്​ തന്നെ വിശേഷിപ്പിക്കാവുന്ന വ് യക്​തിത്വം. 1970ൽ ചെങ്കോലേറ്റത്​ മുതൽ നാളിതുവരെ അറബ് മേഖലയിലും അതിനപ്പുറവും ഉരുണ്ടു കൂടിയ കാർമേഘങ്ങളെ ശാന്തിയ ുടെ ഉറവകളാക്കി മാറ്റിയെടുക്കാൻ സുൽത്താൻ മുൻപന്തിയിലായിരുന്നു.

മേഖലയെ ബാധിച്ച സംഘർഷങ്ങളിലും ഏറ്റുമുട്ട ലുകളിലും സുൽത്താ​നും ഒമാനും എന്നും നിഷ്​പക്ഷ സ്​ഥാനത്തായിരുന്നു ഉണ്ടായിരുന്നു. മറ്റുരാജ്യങ്ങളുടെ ആഭ്യന്തര കാര്യങ്ങളിൽ ഇടപെടാതെ സൗഹൃദം മാത്രം പുലർത്തിയിരുന്നതിനാൽ ഒമാന്​ എന്നും സുഹൃത്തുക്കൾ മാത്രമാണ്​ ഉണ്ടായിരുന്ന ത്​. തർക്കങ്ങൾക്ക്​ പരിഹാരമായി ഏറ്റുമുട്ടലി​​​​​െൻറ പാത സ്വീകരിക്കാതെ ഒരു മേശക്ക്​ ചുറ്റുമിരുന്ന്​ ചർച്ച ചെ യ്​ത്​ പരിഹരിക്കുകയാണ്​ വേണ്ടതെന്ന നയമാണ്​ ഒമാൻ എക്കാലത്തും പുലർത്തിയിരുന്നത്​. അമേരിക്കയോടും ഇറാനോടും യ മനിൽ പരസ്​പരം പോരടിക്കുന്ന കക്ഷികളോടുമെല്ലാം ഒരേ അടുപ്പം പുലർത്താൻ ഒമാനെ സഹായിച്ചത്​ ഇൗ നയങ്ങളാണ്​.

സംഘർഷങ്ങളുടെ തീജ്വാലകൾ ഉൗതിക്കെടുത്താനും രാഷ്​ട്രീയ പിരിമുറുക്കങ്ങളിൽ അയവുണ്ടാക്കാനും ഒമാനും അതി​​​​െൻറ സുൽത്താനും ഒന്നാം വരിയിൽ തന്നെയുണ്ടായിരുന്നു. അറബ്​ മേഖല യുദ്ധത്തി​​​​െൻറ മഹാകെടുതിയിലേക്ക് വഴുതിയപ്പോഴെല്ലാം രാജ്യങ്ങളെയും ജനതയെയും കര കയറ്റാൻ സൂത്രവാക്യങ്ങളുമായി സൂൽത്താൻ ഖാബൂസ് എന്നുമുണ്ടായിരുന്നു.

അറബ് ലോകവും പശ്​ചിമേഷ്യയും ആശങ്കയിലൂടെ കടന്നു പോയപ്പോഴല്ലാം ലോകത്തി​​​​െൻറ കണ്ണുകൾ ഒമാനിലേക്കായിരുന്നു തിരിഞ്ഞത്. മേഖലയിൽ സങ്കീർണ്ണതകൾ കുഴഞ്ഞ്​ മറിഞ്ഞുകൊണ്ടിരുന്നപ്പോഴെല്ലാം ലോകം ഉറ്റുനോക്കിയിരുന്നത് ഒമാ​​​​െൻറ നയമായിരുന്നു.

ആണവകരാറിൽ നിന്ന്​ പിന്മാറിയതിനെതുടർന്ന്​ അമേരിക്കയും ഇറാനും തമ്മിലുണ്ടായ സംഘർഷാവസ്​ഥ ലഘൂകരിക്കാനും ഒമാൻ ശ്രമങ്ങൾ നടത്തിവരുകയായിരുന്നു. രാഷ്​ട്രീയ -സങ്കീർണതകളുടെ വിളനിലമായ മധ്യപൗരസ്ഥ്യ ദേശത്തെ സമാധാനത്തി​​​​െൻറ പ്രഭാകിരണമായിരുന്നു എന്നും സുൽത്താൻ ഖാബൂസ് ബിൻ സഇൗദും സുൽത്താനേറ്റും.

1970 ജൂലൈ 23 ന് അധികാരത്തിയത് മുതൽ തന്നെ സമാധാനത്തിൽ അധിഷ്​ഠിതമായ വിദേശ നയമാണ്​ സുൽത്താൻ രൂപപ്പെടുത്തിയെടുത്തിരുന്നത്​. മറ്റ് രാജ്യങ്ങളുടെ ആഭ്യന്തര കാര്യങ്ങളിൽ ഇടപൊടാതെ തിരശ്ശീലക്ക് പിന്നിൽ നിന്ന് ശാന്തമായി ഇരുന്ന് പ്രശ്നങ്ങൾക്ക് പരിഹാരം കാണുകയെന്ന നയമാണ് സുൽത്താൻ എന്നും സ്വീകരിച്ചിരുന്നത്. അറബ് രാജ്യങ്ങളോട് ഏറ്റവും അടുത്ത ബന്ധം സ്ഥാപിക്കാൻ ഒമാൻ എന്നും പ്രതിജ്ഞാബന്ധമായിരിക്കുമെന്നും മറ്റ് രാജ്യങ്ങളോട് സുഹൃദ്​ ബന്ധം സ്ഥാപിക്കുമെന്നും സുൽത്താൻ ഖാബൂസ് ബിൻ സഇൗദ് 1973 ൽ േജാർദാൻ മാഗസിന് അദ്ദുസ്തൂറിന് നൽകിയ അഭിമുഖത്തിൽ പറഞ്ഞിരുന്നു.

മേഖലയുടെ സുരക്ഷയിലും ഒമാൻ പ്രതിജ്​ഞാബദ്ധമായിരുന്നു. പരസ്പര സഹകരണത്തോടെ മേഖലയുടെ സുരക്ഷയിൽ ഞങ്ങൾ പരസ്പരം സഹകരിക്കും. പുറത്ത് നിന്നുള്ള ഭീഷണിയിൽ നിന്ന് ഞങ്ങൾ മേഖലയെ രക്ഷിക്കുകയും ചെയ്യുമെന്ന് ഇതേ വർഷം ഇൗജിപ്ത്യൻ ദിനപത്രത്തിന് നൽകിയ അഭിമുഖത്തിലും പറഞ്ഞിരുന്നു. ഒമാ​​​​െൻറ നയം വ്യക്തമാക്കുന്നതാണ് ഇൗ അഭിമുഖങ്ങൾ.

മറ്റൊരു രാജ്യകാര്യങ്ങളിലും തലയിടാതെ ഒമാ​​​​െൻറയും മേഖലയുടെയും സുരക്ഷ ഉറപ്പാക്കുക എന്ന മികച്ച രാജ്യതന്ത്രമായിരുന്നു സുൽത്താനേറ്റിനുള്ളത്. അറബ് ലോകത്തെ ഏതെങ്കിലും വിഷയങ്ങളിൽ ഒമാൻ പക്ഷം പിടിച്ചിരുന്നില്ല. എല്ലാ നയങ്ങളിലും മേഖലയിൽ സന്തുലിത്വം പാലിക്കുക എന്ന നയമായിരുന്നു ഒമാ​േൻറത്​.

ഇറാൻ പ്രശ്നത്തിൽ ഹൊർമുസ് കടലിടുക്ക് അടക്കുന്ന പ്രശ്നം വന്നപ്പോൾ ഒമാൻ ചർച്ചകൾക്ക് വാതിലുകൾ തുറന്നിട്ടിരുന്നു. ഇറാതെിരെ അമേരിക്ക കൊമ്പു കോർക്കുേമ്പാഴെല്ലാം ഒമാൻ സമാധാന ദൂതുമായി ഒാടിയെത്തിയിരുന്നു. അമേരിക്കയുടെയും ഇറാ​​​​െൻറയും വിശ്വസ്ത മിത്രമായിരുന്ന ഒമാൻ ഇരുവർക്കുമിടയിൽ സൗഹൃദസംഭാഷണങ്ങൾക്ക് വേദി ഒരുക്കിയിരുന്നു. വർഷങ്ങൾക്ക് മുമ്പ് ഇറാൻ തടവിലാക്കിയ അമേരിക്കൻ പൗരന്മാരെ മോചിപ്പിച്ചത് ഒമാ​​​​െൻറ വിദേശ നയത്തി​​​​െൻറ നേട്ടമായിരുന്നു. കുവൈത്തിലെ ഇറാഖ് അതിനിവേശ കാലത്ത് കുവൈത്തികളെ സ്വീകരിക്കുകയും എല്ലാ സൗകര്യങ്ങളുമൊരുക്കുന്നതിനും ഒമാൻ നല്ല താൽപര്യം കാണിച്ചിരുന്നു.

ഇറാനെതിരെ ലോക രാജ്യങ്ങൾ ആണവ വിഷയത്തിൽ ഇടഞ്ഞ് ഉപരോധം പ്രഖ്യാപിച്ചപ്പോൾ നയതന്ത്ര ദൂതുമായി ഒമാൻ എത്തിയിരുന്നു. തുടർന്ന്​ ഇറാെനയും യൂറോപ്യൻ രാജ്യങ്ങളെയും മേശ ചുറ്റുമിരുത്തി ആണവ കരാറിൽ ഒപ്പ് വെക്കാൻ കഴിഞ്ഞത് ഒമാ​​​​െൻറ നയതന്ത്ര മിടുക്ക് ഒന്നുമാത്രമാണ്​. നിലവിൽ അമേരിക്കയും ഇറാനും തമ്മിൽ യുദ്ധത്തി​​​​െൻറ വ​േക്കാളമെത്തിയെങ്കിലും യുദ്ധമായി ആളിപടാതെ നോക്കിയത് ഒമാനായിരുന്നു. യമനിൽ പരസ്​പരം പോരടിക്കുന്ന കക്ഷികളുമായും നല്ല ബന്ധം പുലർത്തിയിരുന്ന ഒമാ​​​​​െൻറ ഇടപെടലി​​​​​െൻറ ഫലമായി ബന്ധികളാക്കപ്പെട്ട നിരവധി പേരെ മോചിപ്പിക്കാൻ സാധിച്ചിരുന്നു. യമനിലെ സഖ്യസേനയുടെ സൈനിക നടപടിയുടെ ഭാഗമാകാതെ ഒമാൻ ഒഴിഞ്ഞുനിൽക്കുകയും ചെയ്​തു. ​െഎക്യരാഷ്​ട്ര സഭ മുൻകൈയടുത്ത്​ നടത്തുന്ന യമൻ സമാധാന ചർച്ചകളിലും ഒമാന്​ സുപ്രധാന പങ്കാളിത്തമാണ്​ ഉള്ളത്​. ഇൗ വിഷവേുമായി ബന്ധപ്പെട്ട്​ യു.എൻ പ്രതിനിധി മാർട്ടിൻ ഗ്രിഫിത്ത്​ കഴിഞ്ഞ ദിവസവും ഒമാനിെലത്തിയിരുന്നു.

ഫലസ്തീൻ പ്രശ്നത്തിൽ അറബികളുടെ വികാരം ഉയർത്തി പിടിക്കാനും ഒമാനുണ്ടായിരുന്നു. ഫലസ്തീൻ വിഷയത്തിന്​ പരിഹാരം കാണുന്നതിനുള്ള ശ്രമങ്ങൾക്കും ഒമാൻ ഭരണാധികാരി തുടക്കം കുറിച്ചിരുന്നു. ഇതി​​​​​െൻറ ഭാഗമായി 2018 അവസാനം ഫലസ്തീൻ പ്രസിഡൻറ് മഹ്​മൂദ്​ അബ്ബാസും തൊട്ടുപിന്നാലെ ഇസ്​റാഇൗൽ പ്രധാനനമന്ത്രി ബെഞ്ചമിൻ നെതന്യാഹുവി​​​​െൻറയും ഒമാൻ സന്ദർശനം ലോക മാധ്യമങ്ങളിൽ ഇടം പിടിച്ചിരുന്നു.

ഖത്തറിനെതിരെ അറബ് രാജ്യങ്ങൾ ഉപരോധം പ്രഖ്യാപിച്ചപ്പോഴും ഒമാൻ സന്തുലിത നിലപാടാണ് സ്വീകരിച്ചത്. ഖത്തറിനോടും മറ്റ് ഗൾഫ് രാജ്യങ്ങളോടും ഒരേ നയം സ്വീകരിച്ചുള്ള ഒമാ​​​​െൻറ ധീരമായ നിലപാട് ഏറെ ശ്രദ്ധിക്കപ്പെട്ടതാണ്. കു​ൈവത്തും ഒമാനും മാത്രമാണ്​ ഖത്തറിനോട് സൗഹൃദം പുലർത്തിയ ജി.സി.സി രാജ്യങ്ങൾ. ഒമാ​​​​െൻറ ഇൗ നിലപാട് ഇരു വിഭാഗങ്ങളെയും ഒത്തൊരുമിപ്പിക്കാനുള്ള ശ്രമങ്ങൾക്ക് സഹായകമായി. അറബ് മേഖലയിലെ നിരവധി നിർണായക വിഷയങ്ങളിൽ പിന്നണിയിൽ നിന്ന് സമാധാനത്തി​​​​െൻറ ചരട് വലിക്കുകയും ഗൾഫ് ലോകത്തിനും അയരാജ്യങ്ങൾക്കും പോറലേൽപിക്കാത്ത സുൽത്താ​​​​​െൻറ ഉശിരൻ നിലപാടുകളെ ലോകം എന്ന​ും ഒാർത്തുവെക്കും.

Show Full Article
TAGS:sultan qaboos Sultan Qaboos bin Said oman oman news gulf news 
News Summary - Oman's deceased Sultan Qaboos-Gulf News
Next Story