വി​മാ​ന​ങ്ങ​ളു​ടെ വൈ​ക​ൽ; തീരാദു​രി​തത്തിൽ യാത്രക്കാർ

മ​സ്​​ക​ത്ത്​: യാ​ത്ര​ക്കാ​രെ ദു​രി​ത​ത്തി​ലാ​ക്കി വി​മാ​ന​ങ്ങ​ൾ വൈ​കു​ന്ന​ത്​ തു​ട​ർ​ക്ക​ഥ​യാ​കു​ന്നു. എ​യ​ർ ഇ​ന്ത്യ​യു​ടെ വി​മാ​ന സ​ർ​വി​സു​ക​ളാ​ണ്​ മി​ക്ക​പ്പോ​ഴും യാ​ത്ര​ക്കാ​ർ​ക്ക്​ ദു​രി​ത​യാ​ത്ര സ​മ്മാ​നി​ക്കു​ന്ന​ത്. ശനിയാഴ്ച മസ്കത്തിൽ നിന്ന്​ കണ്ണൂരിലേക്ക് വൈകുന്നേരം ഏഴ്​ മണിക്ക്​ ​പുറ​പ്പെടേണ്ട എയർ ഇന്ത്യ എക്സ്​പ്രസ്​ വിമാനം 12മണിക്കൂർ വൈകിയാണ്​ പുറപ്പെട്ടത്​. നേരത്തെ യാത്രക്കാർക്ക്​ സമയമാറ്റം സംബന്ധിച്ച്​ മെയിൽ അറിയിപ്പ്​ വന്നിരുന്നു.

എ​ന്നാ​ൽ, ആ​ദ്യ അ​റി​യി​പ്പി​ൽ 12 മ​ണി​ക്ക്​ പു​റ​പ്പെ​ടു​മെ​ന്ന്​ പ​റ​ഞ്ഞി​രു​ന്ന​ത്​ വീ​ണ്ടും മാ​റ്റി 2.25 ആ​ക്കി​യ​തോ​ടെ പ​ല​ർ​ക്കും പ്ര​യാ​സ​ക​ര​മാ​യി. സാ​​ങ്കേ​തി​ക ത​ട​സ്സ​ങ്ങ​ളാ​ണ്​ സ​മ​യ​മാ​റ്റ​ത്തി​ന്​ കാ​ര​ണ​മെ​ന്നാ​ണ്​ അ​ധി​കൃ​ത​ർ വി​ശ​ദീ​ക​രി​ച്ച​ത്. എ​ന്നാ​ൽ, ബോ​ഡി​ങ്​​പാ​സ് എ​ടു​ത്ത ശേ​ഷം​ രാ​വി​ലെ 6.45ന് ​മാ​ത്ര​മേ വി​മാ​നം പു​റ​പ്പെ​ടു​ക​യു​ള്ളൂ എ​ന്ന അ​റി​യി​പ്പ് ല​ഭി​ച്ചു​വെ​ന്ന് മ​ത്ര​യി​ല്‍ ജോ​ലി ചെ​യ്യു​ന്ന ക​ണ്ണൂ​ര്‍ സ്വ​ദേ​ശി​യാ​യ യാ​ത്ര​ക്കാ​ര​ന്‍ സ​ഗീ​ര്‍ പ​ള്ളി​പ്രം ‘ഗ​ൾ​ഫ്​ മാ​ധ്യ​മ’​ത്തോ​ട്​ പ​റ​ഞ്ഞു. രാ​വി​ലെ പി​ന്നെ​യും അ​ര​മ​ണി​ക്കൂ​ർ വൈ​കി 7.15നാ​ണ് വി​മാ​നം പു​റ​പ്പെ​ട്ട​ത്.

യാ​ത്ര​ക്കാ​രി​ല്‍ ചി​ല​ര്‍ ബ​ഹ​ളം വെ​ച്ച​തി​നെ തു​ട​ർ​ന്ന്​ സ്ത്രീ​ക​ളും കു​ട്ടി​ക​ളും അ​ട​ങ്ങു​ന്ന ഏ​താ​നും പേ​ര്‍ക്ക് എ​യ​ര്‍പോ​ർ​ട്ടി​ന​ക​ത്ത് വി​ശ്ര​മ സൗ​ക​ര്യം ല​ഭി​ച്ച​ത് ഒ​ഴി​ച്ചാ​ല്‍ ബാ​ക്കി​യു​ള്ള​വ​ര്‍ക്ക്​ ഒ​രു സ​ഹാ​യ​വും ല​ഭി​ച്ചി​ല്ലെ​ന്ന്​ സ​ഗീ​ര്‍ പ​റ​യു​ന്നു. രാ​ത്രി ഒ​രു നേ​രം ഭ​ക്ഷ​ണം ന​ല്‍കി​യെ​ങ്കി​ലും രാ​വി​ലെ ഭ​ക്ഷ​ണ​മോ മ​റ്റു സൗ​ക​ര്യ​ങ്ങ​ളോ ന​ല്‍കാ​ത്ത​തി​നാ​ല്‍ ജ​ല​പാ​നം പോ​ലു​മി​ല്ലാ​തെ അ​ക്ഷ​രാ​ർ​ഥ​ത്തി​ല്‍ ദു​രി​തം പേ​റി​യാ​ണ് നാ​ട്ടി​ലെ​ത്തി​യ​തെ​ന്ന് മ​റ്റൊ​രു യാ​ത്ര​ക്കാ​ര​നാ​യ മ​നോ​ജ്​ പ​റ​ഞ്ഞു.

അ​തി​നി​ടെ ശ​നി​യാ​ഴ്ച ക​ണ്ണൂ​രി​ൽ​നി​ന്ന്​ മ​സ്ക​ത്തി​ലേ​ക്ക്​ പു​റ​പ്പെ​ടേ​ണ്ട വി​മാ​ന​വും മ​ണി​ക്കൂ​റു​ക​ൾ വൈ​കി. വൈ​കീ​ട്ട് നാ​ലി​ന് പു​റ​പ്പെ​ടേ​ണ്ട വി​മാ​നം 12 മ​ണി​ക്കൂ​റോ​ള​മാ​ണ്​ വൈ​കി​യ​ത്. വി​മാ​നം വൈ​കു​മെ​ന്ന്​ രാ​വി​ലെ മു​ത​ൽ അ​റി​യി​പ്പ്​ വ​ന്നു​കൊ​ണ്ടി​രു​ന്ന​താ​യി യാ​ത്ര​ക്കാ​ർ പ​റ​യു​ന്നു.

11.25ന്​ ​പു​റ​പ്പെ​ടു​മെ​ന്ന അ​റി​യി​പ്പാ​ണ്​ ല​ഭി​ച്ചി​രു​ന്ന​ത്. എ​ന്നാ​ൽ, ഈ ​സ​മ​യ​ത്ത്​ വി​മാ​നം പു​റ​പ്പെ​ട്ടി​ല്ല. തു​ട​ർ​ന്ന്​ സ്ത്രീ​ക​ളും കു​ട്ടി​ക​ളു​മ​ട​ക്ക​മു​ള്ള​വ​ർ പ്ര​യാ​സ​ത്തി​ലാ​യ​തോ​ടെ യാ​ത്ര​ക്കാ​ർ ബ​ഹ​ളം വെ​ക്കു​ന്ന സാ​ഹ​ച​ര്യ​വു​മു​ണ്ടാ​യി. പി​ന്നീ​ട്​ പു​ല​ർ​ച്ച നാ​ലി​ന്​ തി​രു​ച്ചി​റ​പ​ള്ളി​യി​ൽ നി​ന്ന് വ​ന്ന വി​മാ​നം മ​സ്ക​ത്തി​ലേ​ക്ക് തി​രി​ച്ചു​വി​ട്ട്​ യാ​ത്ര​ക്ക്​ സൗ​ക​ര്യ​മൊ​രു​ക്കു​ക​യാ​യി​രു​ന്നു​വെ​ന്ന്​ ഒ​രു യാ​ത്ര​ക്കാ​ര​ൻ ‘ഗ​ൾ​ഫ്​ മാ​ധ്യ​മ’​ത്തോ​ട്​ പ​റ​ഞ്ഞു.

ശ​നി​യാ​ഴ്ച രാ​ത്രി​യോ​ടെ ഒ​മാ​നി​ൽ എ​ത്തേ​ണ്ട യാ​ത്ര​ക്കാ​ർ ഞാ​യ​റാ​ഴ്ച രാ​വി​ലെ ആ​റി​നാ​ണ്​ മ​സ്ക​ത്ത്​ വി​മാ​ന​ത്താ​വ​ള​ത്തി​ൽ എ​ത്തി​യ​ത്. ജൂ​ലൈ 31ന് ​ഉ​ച്ച​ക്ക് പു​റ​പ്പെ​​ടേ​ണ്ട എ​യ​ർ​ഇ​ന്ത്യ എ​ക്സ്പ്ര​സ് വി​മാ​നം മു​ന്ന​റി​യി​പ്പി​ല്ലാ​തെ വൈ​കി​യി​രു​ന്നു. ഉ​ച്ച​ക്ക് പു​റ​പ്പെ​ടേ​ണ്ട വി​മാ​നം രാ​ത്രി ഒ​രു മ​ണി​ക്കാ​ണ് പു​റ​പ്പെ​ട്ട​ത്. ഇ​ത്​ കാ​ര​ണം സ്ത്രീ​ക​ളും കു​ട്ടി​ക​ളും രോ​ഗി​ക​ളും അ​ട​ങ്ങു​ന്ന യാ​ത്ര​ക്കാ​ർ ദു​രി​ത​ത്തി​ലാ​വു​ക​യും ചെ​യ്തു.

യാ​ത്ര​യു​ടെ അ​വ​സാ​ന നി​മി​ഷ​ത്തി​ൽ അ​നി​ശ്ചി​ത​മാ​യി വി​മാ​ന​ങ്ങ​ൾ വൈ​കു​ന്ന​ത്​ തു​ട​ർ​ക്ക​ഥ​യാ​കു​ന്ന​തി​ൽ യാ​ത്ര​ക്കാ​രി​ൽ വ​ലി​യ പ്ര​തി​ഷേ​ധ​മാ​ണു​ള്ള​ത്. ക​മ്പ​നി​ക​ൾ ബ​ദ​ൽ സം​വി​ധാ​ന​ങ്ങ​ൾ കൃ​ത്യ​മാ​യി ഒ​രു​ക്കാ​ത്ത​ത്​ രോ​ഗി​ക​ൾ​ക്കും കു​ട്ടി​ക​ൾ​ക്കും വ​ലി​യ പ്ര​യാ​സ​മാ​ണ്​ സൃ​ഷ്ടി​ക്കു​ന്ന​ത്.

മ​ര​ണം പോ​ലു​ള്ള അ​ടി​യ​ന്ത​ര സാ​ഹ​ച​ര്യ​ങ്ങ​ളി​ൽ നാ​ട്ടി​ൽ പോ​കു​ന്ന​വ​രും വ​ലി​യ ദു​രി​ത​ത്തി​ലാ​കു​ന്നു​ണ്ട്. എ​യ​ർ​ഇ​ന്ത്യ​യി​ൽ വ​ലി​യ പ​രി​ഷ്ക​ര​ണ​ങ്ങ​ൾ ന​ട​ക്കു​മ്പോ​ഴും മി​ക​ച്ച സേ​വ​ന​ങ്ങ​ൾ ഉ​റ​പ്പു​വ​രു​ത്താ​ൻ സാ​ധി​ക്കാ​ത്ത​ത്​ നി​രാ​ശ​ജ​ന​ക​മാ​ണെ​ന്ന്​ പ്ര​വാ​സി​ക​ൾ അ​ഭി​പ്രാ​യ​പ്പെ​ടു​ന്നു.