കുവൈത്ത്​ പി.സി.ആർ പരിശോധന സമയപരിധി നാലുദിവസമാക്കി

കുവൈത്ത്​ സിറ്റി: കുവൈത്തിലേക്ക്​ വരുന്നവർ യാത്രാദിവസത്തി​െൻറ നാലുദിവസം മുമ്പ്​ തൊട്ടുള്ള ഏതെങ്കിലും സമയത്ത്​ പി.സി.ആർ പരിശോധന നടത്തിയാൽ മതിയെന്ന്​ റിപ്പോർട്ട്​. നേരത്തെ 72 മണിക്കൂർ സമയ പരിധി നിശ്ചയിച്ചിരുന്നത്​ ഇപ്പോൾ 96 മണിക്കൂർ ആക്കിയെന്ന്​ ഉന്നത വൃത്തങ്ങളെ ഉദ്ധരിച്ച്​ അൽറായ്​ ദിനപത്രം റിപ്പോർട്ട്​ ചെയ്​തു. രാജ്യത്തേക്ക്​ വരാൻ ഒരുങ്ങുന്നവർക്ക്​ സന്തോഷം പകരുന്ന വാർത്തയാണിത്​. പി.സി.ആർ പരിശോധന കേന്ദ്രങ്ങളിലെ തിരക്കും മറ്റും പലയിടത്തും അനുഭവപ്പെടും. നേരത്തെ പരിശോധന നടത്താനും കഴിയില്ല. ഇൗ സാഹചര്യത്തിൽ ഒരു ദിവസത്തെ കൂടി സമയം കിട്ടുന്നത്​ ആശ്വാസമാണ്​. അതേസമയം, ഇന്ത്യയുൾപ്പെടെ 31 രാജ്യങ്ങളിൽനിന്ന്​ കുവൈത്തിലേക്ക്​ നേരിട്ട്​ വരുന്നതിനുള്ള വിലക്ക്​ തുടരുകയാണ്​. വിലക്കില്ലാത്ത രാജ്യങ്ങളിൽ രണ്ടാഴ്​ച താമസിച്ച്​ വരുന്നതിന്​ തടസ്സമില്ല. ആ രാജ്യത്ത്​ പി.സി.ആർ പരിശോധന നടത്തി കോവിഡ്​ മുക്​തനാണെന്ന്​ തെളിയിക്കേണ്ട ബാധ്യതയുണ്ട്​. കുവൈത്തിൽ എത്തിയാൽ രണ്ടാഴ്​ച വീട്ടുനിരീക്ഷണത്തിൽ കഴിയുകയും വേണം.