വാക്​സിൻ വിതരണം: ആരോഗ്യമന്ത്രി മിഷ്​രിഫ്​ ഫെയർ ഗ്രൗണ്ട്​ സന്ദർശിച്ചു

കു​വൈ​ത്ത്​ സി​റ്റി: കോ​വി​ഡ്​ വാ​ക്​​സി​ൻ വി​ത​ര​ണ കേ​ന്ദ്ര​മാ​ക്കാ​ൻ ഉ​ദ്ദേ​ശി​ക്കു​ന്ന മി​ഷ്​​രി​ഫ്​ ഫെ​യ​ർ ഗ്രൗ​ണ്ട്​ ആ​രോ​ഗ്യ മ​ന്ത്രി ഡോ. ​ബാ​സി​ൽ അ​സ്സ​ബാ​ഹി​െൻറ നേ​തൃ​ത്വ​ത്തി​ൽ ഉ​ന്ന​ത​ത​ല സം​ഘം സ​ന്ദ​ർ​ശി​ച്ചു. അ​ണ്ട​ർ സെ​ക്ര​ട്ട​റി​മാ​രാ​യ ഡോ. ​മു​സ്​​ത​ഫ രി​ദ, പൊ​തു​സേ​വ​ന​കാ​ര്യ അ​ണ്ട​ർ സെ​ക്ര​ട്ട​റി എ​ൻ​ജി​നീ​യ​ർ അ​ബ്​​ദു​ൽ അ​സീ​സ്​ അ​ൽ തീ​ഷ, പൊ​തു​ജ​നാ​രോ​ഗ്യ അ​ണ്ട​ർ സെ​ക്ര​ട്ട​റി ഡോ. ​ബു​തൈ​ന അ​ൽ മു​ദ​ഫ്, എ​ൻ​ജി​നീ​യ​ർ​കാ​ര്യ അ​ണ്ട​ർ സെ​ക്ര​ട്ട​റി ഇ​ബ്രാ​ഹിം അ​ൽ ന​ഹാം തു​ട​ങ്ങി​യ​വ​ർ സം​ഘ​ത്തി​ലു​ണ്ടാ​യി​രു​ന്നു.

മൂ​ന്നു​ കേ​ന്ദ്ര​ങ്ങ​ളി​ലാ​ണ്​ ആ​രോ​ഗ്യ​മ​ന്ത്രാ​ല​യം കോ​വി​ഡ്​ വാ​ക്​​സി​ൻ വി​ത​ര​ണം ഉ​ദ്ദേ​ശി​ക്കു​ന്ന​തെ​ന്നാ​ണ്​ വി​വ​രം. ജ​ഹ്​​റ, അ​ഹ്​​മ​ദി എ​ന്നി​വി​ട​ങ്ങ​ളി​ലാ​ണ്​ മ​റ്റു കേ​ന്ദ്ര​ങ്ങ​ൾ. വാ​ക്​​സി​ൻ സൂ​ക്ഷി​ക്കാ​ൻ കോ​ൾ​ഡ്​ സ്​​റ്റോ​ർ സം​വി​ധാ​ന​ങ്ങ​ൾ സ്ഥാ​പി​ക്കാ​നൊ​രു​ങ്ങു​ക​യാ​ണ്. മൈ​ന​സ്​ 70 ഡി​ഗ്രി സെ​ൽ​ഷ്യ​സ്​ താ​പ​നി​ല​യി​ലാ​ണ്​ വാ​ക്​​സി​ൻ സൂ​ക്ഷി​ക്കേ​ണ്ട​ത്.

കോ​വി​ഡ്​ വാ​ക്​​സി​ൻ സം​ഭ​ര​ണ​വും വി​ത​ര​ണ​വു​മാ​യി ബ​ന്ധ​പ്പെ​ട്ട്​ ആ​രോ​ഗ്യ മ​ന്ത്രാ​ല​യം വൈ​ദ്യു​തി മ​ന്ത്രാ​ല​യ​വു​മാ​യി ഏ​കോ​പി​ച്ച്​ പ്ര​വ​ർ​ത്തി​ക്കും. മൈ​ന​സ്​ 70 ഡി​ഗ്രി സെ​ൽ​ഷ്യ​സ്​ താ​പ​നി​ല​യി​ൽ സൂ​ക്ഷി​ക്കേ​ണ്ട​തി​നാ​ൽ വൈ​ദ്യു​തി വി​ത​ര​ണം സു​ഗ​മ​മാ​യും ത​ട​സ്സ​മി​ല്ലാ​തെ​യും ല​ഭ്യ​മാ​ക്കാ​നാ​ണ്​ യോ​ജി​ച്ച്​ പ​ദ്ധ​തി ത​യാ​റാ​ക്കി​യ​ത്. വൈ​ദ്യു​തി മു​ട​ങ്ങാ​തി​രി​ക്കാ​ൻ ഡീ​സ​ൽ ജ​ന​റേ​റ്റ​ർ സ്ഥാ​പി​ക്കും. 57 ല​ക്ഷം ഡോ​സ്​ വാ​ക്​​സി​ൻ ആ​ണ് കു​വൈ​ത്ത്​​ ഇ​റ​ക്കു​മ​തി ചെ​യ്യു​ന്ന​ത്. ഇ​ത്​ 28 ല​ക്ഷം പേ​ർ​ക്ക്​ തി​ക​യും.

പ​ത്തു​ല​ക്ഷം ഡോ​സ്​ ഫൈ​സ​ർ, 17 ല​ക്ഷം ഡോ​സ്​ മോ​ഡേ​ണ, 30 ല​ക്ഷം ഡോ​സ്​ ഒാ​ക്​​സ്​​ഫ​ഡ്​ ആ​സ്​​ട്ര​സെ​നി​ക്ക എ​ന്നീ വാ​ക്​​സി​നു​ക​ളാ​ണ്​ കു​വൈ​ത്ത്​ ഇ​റ​ക്കു​മ​തി ചെ​യ്യാ​ൻ ധാ​ര​ണ​യാ​യി​ട്ടു​ള്ള​ത്. ക്ലി​നി​ക്ക​ൽ പ​രി​ശോ​ധ​ന ക​ഴി​ഞ്ഞ്​ ത​ദ്ദേ​ശീ​യ റെ​ഗു​ലേ​റ്റ​റി അ​തോ​റി​റ്റി​യു​ടെ അം​ഗീ​കാ​രം ല​ഭി​ച്ചാ​ൽ ഡി​സം​ബ​ർ അ​വ​സാ​നം മു​ത​ൽ കു​വൈ​ത്തി​ലേ​ക്ക്​ വാ​ക്​​സി​ൻ ഇ​റ​ക്കു​മ​തി ചെ​യ്യും. കു​ത്തി​വെ​പ്പെ​ടു​ക്ക​ലി​ന്​ ആ​രോ​ഗ്യ പ്ര​വ​ർ​ത്ത​ക​ർ, പ്രാ​യ​മാ​യ​വ​ർ, ഭി​ന്ന​ശേ​ഷി​ക്കാ​ർ, മാ​റാ​രോ​ഗി​ക​ൾ, കോ​വി​ഡ്​ പ്ര​തി​രോ​ധ ​പ്ര​വ​ർ​ത്ത​ന​ങ്ങ​ളു​ടെ ഭാ​ഗ​മാ​യു​ള്ള മ​റ്റു​ള്ള​വ​ർ തു​ട​ങ്ങി​യ​വ​രെ​യാ​ണ്​ മു​ൻ​ഗ​ണ​ന​യി​ൽ ഉ​ൾ​പ്പെ​ടു​ത്തി​യി​ട്ടു​ള്ള​ത്. കു​ട്ടി​ക​ൾ​ക്ക്​ വാ​ക്​​സി​ൻ ന​ൽ​കി​ല്ല.