തെ​ര​ഞ്ഞെ​ടു​പ്പ് മാ​റ്റി​വെ​ക്ക​ണ​മെ​ന്ന ആ​വ​ശ്യം ത​ള്ളി

കു​വൈ​ത്ത് സി​റ്റി: ദേ​ശീ​യ അ​സം​ബ്ലി തെ​ര​ഞ്ഞെ​ടു​പ്പ് താ​ൽ​ക്കാ​ലി​ക​മാ​യി നി​ർ​ത്തി​വെ​ക്ക​ണ​മെ​ന്ന ഹ​ര​ജി അ​ഡ്മി​നി​സ്ട്രേ​റ്റി​വ് കോ​ട​തി ത​ള്ളി. വി​ഷ​യം ത​ങ്ങ​ളു​ടെ അ​ധി​കാ​ര​പ​രി​ധി​യി​ല​ല്ലെ​ന്ന് വി​ശ​ദീ​ക​രി​ച്ചാ​ണ് കോ​ട​തി തീ​രു​മാ​നം. 2022 ലെ ​ദേ​ശീ​യ അ​സം​ബ്ലി അ​സാ​ധു​വാ​ക്കി​യ ന​ട​പ​ടി​ക്കെ​തി​രെ​യു​ള്ള അ​പ്പീ​ൽ തീ​ർ​പ്പാ​ക്കു​ന്ന​തു​വ​രെ പു​തി​യ തെ​ര​ഞ്ഞെ​ടു​പ്പ് ന​ട​പ​ടി​ക​ൾ നി​ർ​ത്ത​ണ​മെ​ന്നാ​യി​രു​ന്നു ആ​വ​ശ്യം. എ​ന്നാ​ൽ ഇ​ത് ത​ങ്ങ​ളു​ടെ അ​ധി​കാ​ര​പ​രി​ധി​യി​ല​ല്ലെ​ന്ന് കൗ​ൺ​സി​ല​ർ ഹ​മ​ദ് അ​ൽ മോ​സാ​ബി​ന്റെ നേ​തൃ​ത്വ​ത്തി​ലു​ള്ള അ​ഡ്മി​നി​സ്‌​ട്രേ​റ്റി​വ് കോ​ട​തി വി​ധി​ച്ചു.

അ​തേ​സ​മ​യം, 2022ലെ ​ദേ​ശീ​യ അ​സം​ബ്ലി പി​രി​ച്ചു​വി​ട്ട ന​ട​പ​ടി അ​സാ​ധു​വാ​ണെ​ന്നും വി​ജ​യി​ച്ച കൗ​ൺ​സി​ൽ പു​നഃ​സ്ഥാ​പി​ക്ക​ണ​മെ​ന്നും ആ​വ​ശ്യ​പ്പെ​ടു​ന്ന അ​പ്പീ​ലി​ൽ ഭ​ര​ണ​ഘ​ട​ന കോ​ട​തി ബു​ധ​നാ​ഴ്ച വി​ധി​പ​റ​യും. 2022ലെ ​ദേ​ശീ​യ അ​സം​ബ്ലി പി​രി​ച്ചു​വി​ട്ട​തി​നെ​തി​രെ മു​ൻ എം.​പി​മാ​ർ അ​ട​ക്ക​മു​ള്ള​വ​രാ​ണ് അ​പ്പീ​ൽ ഹ​ര​ജി​യു​മാ​യി ഭ​ര​ണ​ഘ​ട​ന കോ​ട​തി​യെ സ​മീ​പി​ച്ച​ത്. ജൂ​ൺ ആ​റി​നാ​ണ് തെ​ര​ഞ്ഞെ​ടു​പ്പ്.

2020ലെ ​ദേ​ശീ​യ അ​സം​ബ്ലി പി​രി​ച്ചു​വി​ട്ട​തി​ന് പി​റ​കെ 2022ൽ ​രാ​ജ്യ​ത്ത് പു​തി​യ തെ​ര​ഞ്ഞെ​ടു​പ്പ് ന​ട​ന്നി​രു​ന്നു. ഈ ​ന​ട​പ​ടി​ക്കെ​തി​രാ​യ പ​രാ​തി​യി​ൽ ഭ​ര​ണ​ഘ​ട​ന കോ​ട​തി ഇ​ട​പെ​ടു​ക​യും 2022ലെ ​തെ​ര​ഞ്ഞെ​ടു​പ്പ് റ​ദ്ദാ​ക്കി 2020ലെ ​ദേ​ശീ​യ അ​സം​ബ്ലി പു​നഃ​സ്ഥാ​പി​ക്കു​ക​യും ചെ​യ്തു. എ​ന്നാ​ൽ, 2020 ലെ ​പാ​ര്‍ല​മെ​ന്റ് ഭ​ര​ണ​ഘ​ട​ന​യു​ടെ ആ​ർ​ട്ടി​ക്കി​ൾ 107 അ​നു​സ​രി​ച്ച് അ​മീ​ര്‍ പി​രി​ച്ചു​വി​ട്ടു. ഇ​തോ​ടെ​യാ​ണ് രാ​ജ്യം പു​തി​യ തെ​ര​ഞ്ഞെ​ടു​പ്പി​ലേ​ക്ക് നീ​ങ്ങി​യ​ത്. ജൂ​ൺ ആ​റി​ന് ന​ട​ക്കു​ന്ന തെ​ര​ഞ്ഞെ​ടു​പ്പി​ലേ​ക്ക് 15 സ്ത്രീ​ക​ൾ ഉ​ൾ​പ്പെ​ടെ 252 സ്ഥാ​നാ​ർ​ഥി​ക​ൾ പ​ത്രി​ക സ​മ​ർ​പ്പി​ച്ചി​ട്ടു​ണ്ട്.

അ​തി​നി​ടെ, തെ​ര​ഞ്ഞെ​ടു​പ്പ് വാ​ർ​ത്ത​ക​ൾ പ്ര​സി​ദ്ധീ​ക​രി​ക്കു​ന്ന​ത് സം​ബ​ന്ധി​ച്ച് മാ​ധ്യ​മ​ങ്ങ​ൾ​ക്ക് പ​ബ്ലി​ക് പ്രോ​സി​ക്യൂ​ഷ​ൻ ക​ർ​ശ​ന നി​ർ​ദേ​ശം ന​ൽ​കി. ഫ​ല​ത്തെ സ്വാ​ധീ​നി​ക്കു​ക​യെ​ന്ന ഉ​ദ്ദേ​ശ്യ​ത്തോ​ടെ സ്ഥാ​നാ​ർ​ഥി​യു​ടെ പെ​രു​മാ​റ്റ​ത്തെ​ക്കു​റി​ച്ചോ സ​ദാ​ചാ​ര​ത്തെ​ക്കു​റി​ച്ചോ തെ​റ്റാ​യ വാ​ർ​ത്ത​ക​ൾ പ്ര​സി​ദ്ധീ​ക​രി​ക്കു​ന്ന​വ​ർ​ക്ക് അ​ഞ്ചു​വ​ർ​ഷം ത​ട​വോ 2,000 ദീ​നാ​റി​ൽ കു​റ​യാ​ത്ത പി​ഴ​യോ ന​ട​പ്പാ​ക്കും.

സ​ഹാ​യ​ങ്ങ​ൾ​ക്ക് യൂ​ത്ത് വ​ള​ന്റി​യ​ർ​മാ​ർ

കു​വൈ​ത്ത് സി​റ്റി: ദേ​ശീ​യ അ​സം​ബ്ലി തെ​ര​ഞ്ഞെ​ടു​പ്പി​ൽ വി​വി​ധ സ​ഹാ​യ​ങ്ങ​ളു​മാ​യി യു​വ​ജ​ന​ങ്ങ​ളു​ണ്ടാ​കും. വോ​ട്ട​ർ​മാ​രെ സ്വീ​ക​രി​ക്കു​ക, വോ​ട്ട് ചെ​യ്യാ​ൻ സ​ഹാ​യി​ക്കു​ക, പ്രാ​യ​മാ​യ​വ​ർ​ക്കും പ്ര​ത്യേ​ക ആ​വ​ശ്യ​ങ്ങ​ളു​ള്ള​വ​ർ​ക്കും ​വേ​ണ്ട കാ​ര്യ​ങ്ങ​ൾ ചെ​യ്യു​ക എ​ന്നി​വ​യാ​ണ് ഇ​വ​രു​ടെ ജോ​ലി​ക​ൾ. വ​ള​ന്റി​യ​ർ​മാ​രാ​യി പ്ര​വ​ർ​ത്തി​ക്കാ​ൻ യു​വാ​ക്ക​ൾ​ക്ക് അ​വ​സ​ര​മൊ​രു​ക്കു​ന്ന​താ​യി യു​വ​ജ​ന​ങ്ങ​ൾ​ക്കാ​യു​ള്ള പ​ബ്ലി​ക് അ​തോ​റി​റ്റി അ​റി​യി​ച്ചു.

ആ​റ് ഗ​വ​ർ​ണ​റേ​റ്റു​ക​ളി​ലെ പോ​ളി​ങ് സ്‌​റ്റേ​ഷ​നു​ക​ളി​ലും ഇ​ത്ത​രം വ​ള​ണ്ടി​യ​ർ​മാ​രെ നി​യ​മി​ക്കും. ഇ​വ​ർ​ക്ക് പ്ര​ശം​സാ​പ​ത്ര​വും ന​ൽ​കും. യു​വാ​ക്ക​ളു​ടെ ഊ​ർ​ജം ഉ​പ​യോ​ഗ​പ്പെ​ടു​ത്താ​നും ദേ​ശീ​യ ഉ​ത്ത​ര​വാ​ദി​ത്ത​ങ്ങ​ൾ ഏ​റ്റെ​ടു​ക്കു​ന്ന​തി​ൽ അ​വ​രെ പി​ന്തു​ണ​ക്കാ​നു​മാ​ണ് ഈ ​ന​ട​പ​ടി​യി​ലൂ​ടെ ല​ക്ഷ്യ​മി​ടു​ന്ന​ത്. 18 നും 34 ​നും ഇ​ട​യി​ൽ പ്രാ​യ​മു​ള്ള യു​വ​ജ​ന​ങ്ങ​ൾ​ക്കാ​ണ് അ​വ​സ​രം.