കു​ത്ത​നെ ഉ​യ​ർ​ന്ന് താ​പ​നി​ല ആ​രോ​ഗ്യം സം​ര​ക്ഷി​ക്ക​ണം

കു​വൈ​ത്ത് സി​റ്റി: രാ​ജ്യ​ത്ത് ക​ന​ത്ത ചൂ​ട് തു​ട​രു​ന്നു. രാ​ജ്യ​ത്തെ പ​ല ഭാ​ഗ​ങ്ങ​ളി​ലും ക​ഴി​ഞ്ഞ ദി​വ​സ​ങ്ങ​ളി​ല്‍ 50 ഡി​ഗ്രി​യി​ലേ​റെ താ​പ​നി​ല രേ​ഖ​പ്പെ​ടു​ത്തി. ചൂ​ടി​ൽ ആ​രോ​ഗ്യം സം​ര​ക്ഷി​ക്ക​ണ​മെ​ന്നും ജാ​ഗ്ര​ത പാ​ലി​ക്ക​ണ​മെ​ന്നും ആ​രോ​ഗ്യ മ​ന്ത്രാ​ല​യം ഉ​ണ​ർ​ത്തി. ഉ​യ​ർ​ന്ന താ​പ​നി​ല ആ​രോ​ഗ്യ​ത്തെ പ​ല​രൂ​പ​ത്തി​ൽ ബാ​ധി​ക്കും.

താ​പ​നി​ല​യി​ലെ വ​ർ​ധ​ന​വി​ന്റെ കാ​ല​ത്ത് വ്യ​ക്തി​പ​ര​വും സാ​മൂ​ഹി​ക​വു​മാ​യ ജാ​ഗ്ര​ത ആ​വ​ശ്യ​മാ​ണെ​ന്നും മ​ന്ത്രാ​ല​യം സൂ​ചി​പ്പി​ച്ചു. ചൂ​ടു​കാ​ല​ത്ത് ചി​ല​രി​ൽ ക്ഷീ​ണ​വും ആ​ല​സ്യ​വും അ​നു​ഭ​വ​പ്പെ​ടാം. ക​ടു​ത്ത ചൂ​ട്, നി​ർ​ജ​ലീ​ക​ര​ണം, ശ​രീ​ര​ത്തി​ന്റെ സു​പ്ര​ധാ​ന പ്ര​വ​ർ​ത്ത​ന​ങ്ങ​ളി​ലെ അ​സ​ന്തു​ലി​താ​വ​സ്ഥ എ​ന്നി​വ കാ​ര​ണ​മാ​ണി​ത്.

ശ​രീ​ര താ​പ​നി​ല​യി​ലെ കു​ത്ത​നെ​യു​ള്ള വ​ർ​ധ​ന​ നി​ർ​ജ​ലീ​ക​ര​ണം, ഹീ​റ്റ് സ്ട്രോ​ക്ക് എ​ന്നി​വ​ക്ക് കാ​ര​ണ​മാ​കാം. ചൂ​ടി​ൽ ശ​രീ​ര​ത്തി​ൽ ദ്രാ​വ​ക​ങ്ങ​ളു​ടെ​യും ല​വ​ണ​ങ്ങ​ളു​ടെ​യും കു​റ​വ് ഉ​ണ്ടാ​കാം. ഇ​വ​യെ മ​റി​ക​ട​ക്കാ​ൻ ജാ​ഗ്ര​ത വേ​ണം.

ശ​രീ​ര​ത്തി​ൽ ദ്രാ​വ​ക​ങ്ങ​ൾ കു​റ​യു​മ്പോ​ൾ ഉ​ണ്ടാ​കു​ന്ന നി​ർ​ജ​ലീ​ക​ര​ണം ത​ല​വേ​ദ​ന, ക്ഷീ​ണം, വ​ര​ണ്ട വാ​യ എ​ന്നി​വ​ക്ക് കാ​ര​ണ​മാ​കും. ചൂ​ട് പ്രാ​യ​മാ​യ​വ​രി​ലും രോ​ഗി​ക​ളി​ലും ര​ക്ത​സ​മ്മ​ർ​ദ്ദ​ത്തി​ന്റെ അ​ള​വു​ക​ൾ വ്യ​ത്യാ​സ​പ്പെ​ടു​ത്തും. ഇ​ല​ക്ട്രോ​ലൈ​റ്റ് അ​സ​ന്തു​ലി​താ​വ​സ്ഥ​ക്കും കാ​ര​ണ​മാ​കും. ഇ​ത് സോ​ഡി​യ​ത്തി​ന്റെ​യും പൊ​ട്ടാ​സ്യ​ത്തി​ന്റെ​യും സ​ന്തു​ലി​താ​വ​സ്ഥ​യെ ത​ട​സ്സ​പ്പെ​ടു​ത്തു​ക​യും പേ​ശി​ക​ളു​ടെ​യും നാ​ഡി​ക​ളു​ടെ​യും പ്ര​വ​ർ​ത്ത​ന​ത്തെ ബാ​ധി​ക്കു​ക​യും ചെ​യ്യു​ന്നു.

കു​ട്ടി​ക​ൾ, ഗ​ർ​ഭി​ണി​ക​ൾ, പ്രാ​യ​മാ​യ​വ​ർ, ഹൃ​ദ്‌​രോ​ഗ​മു​ള്ള​വ​ർ എ​ന്നി​വ​ർ ചൂ​ടു​കാ​ല​ത്ത് കൂ​ടു​ത​ൽ ജാ​ഗ്ര​ത പാ​ലി​ക്ക​ണം. ല​ക്ഷ​ണ​ങ്ങ​ൾ ക​ണ്ടാ​ൽ ഉ​ട​ൻ വൈ​ദ്യ​സ​ഹാ​യം തേ​ട​ണം.

അ​റി​ഞ്ഞി​രി​ക്ക​ണം ഹീ​റ്റ് സ്‌​ട്രോ​ക്ക്

വെ​ള്ളംകു​ടി ഒ​ഴി​വാ​ക്കേ​ണ്ട

അ​ടി​യ​ന്ത​ര ചി​കി​ത്സ ല​ഭി​ച്ചി​ല്ലെ​ങ്കി​ൽ ഗു​രു​ത​ര​മാ​യി അ​പ​ക​ട​ക​ര​മാ​യി മാ​റു​ന്ന ഒ​ന്നാ​ണ് സൂ​ര്യാ​ഘാ​തം അ​ഥ​വാ ഹീ​റ്റ് സ്‌​ട്രോ​ക്ക്. അ​ന്ത​രീ​ക്ഷ താ​പ​നി​ല വ​ള​രെ ഉ​യ​രു​ക​യും ശ​രീ​ര​ത്തി​ലെ താ​പ​നി​യ​ന്ത്ര​ണ സം​വി​ധാ​ന​ങ്ങ​ൾ ത​ക​രാ​റി​ലാ​കു​ക​യും ചെ​യ്യു​ന്ന അ​വ​സ്ഥ​യാ​ണ്‌ ഹീ​റ്റ് സ്‌​ട്രോ​ക്ക്. ഇ​ത് പ​ല​പ്പോ​ഴും വ​ർ​ധി​ച്ച ശ​രീ​ര താ​പ​നി​ല, വേ​ഗ​ത്തി​ലു​ള്ള ഹൃ​ദ​യ​മി​ടി​പ്പ്, ത​ല​ക​റ​ക്കം, ഓ​ക്കാ​നം, ചൂ​ടു​ള്ള​തും വ​ര​ണ്ട​തു​മാ​യ ച​ർ​മം, പേ​ശി​ക​ളു​ടെ കോ​ച്ചി​പ്പി​ടി​ത്തം തു​ട​ങ്ങി​യ ല​ക്ഷ​ണ​ങ്ങ​ളോ​ടെ​യാ​ണ് ആ​രം​ഭി​ക്കു​ന്ന​ത്. ഗു​രു​ത​ര​മാ​യ സാ​ഹ​ച​ര്യ​ങ്ങ​ളി​ൽ അ​വ​യ​വ​ങ്ങ​ളു​ടെ പ്ര​വ​ർ​ത്ത​ന​ത്തെ ബാ​ധി​ക്കു​ക​യും അ​ബോ​ധാ​വ​സ്ഥ​യി​ലേ​ക്ക് ന​യി​ക്കു​ക​യും ചെ​യ്തേ​ക്കാം. ഹീ​റ്റ് സ്‌​ട്രോ​ക്ക് ല​ക്ഷ​ണ​ങ്ങ​ൾ ക​ണ്ടാ​ൽ ഉ​ട​ൻ വൈ​ദ്യ​സ​ഹാ​യം തേ​ട​ണം.

ദാ​ഹ​മി​ല്ലെ​ങ്കി​ലും ദി​വ​സം കു​റ​ഞ്ഞ​ത് ര​ണ്ടു മു​ത​ൽ മൂ​ന്നു ലി​റ്റ​ർ വെ​ള്ള​മെ​ങ്കി​ലും കു​ടി​ക്ക​ണം. താ​പ​നി​ല ഏ​റ്റ​വും ഉ​യ​ർ​ന്ന​തും ഹീ​റ്റ് സ്ട്രോ​ക്ക് സാ​ധ്യ​ത കൂ​ടു​ത​ലു​മു​ള്ള രാ​വി​ലെ 11 മു​ത​ൽ വൈ​കു​ന്നേ​രം നാ​ലു വ​രെ നേ​രി​ട്ട് സൂ​ര്യ​പ്ര​കാ​ശം ഏ​ൽ​ക്കു​ന്ന​ത് ഒ​ഴി​വാ​ക്ക​ണം.