കുവൈത്ത്: പ്രതീക്ഷയുടെ പുലരി

കാ​ല​ത്തി​ന്റെ മ​ഹാ​പ്ര​വാ​ഹ​ത്തി​ൽ ഒ​രു വ​ർ​ഷം കൂ​ടി അ​ട​ർ​ന്നു​വീ​ഴു​ന്നു. 2023ലും ​സ​മി​ശ്ര​മാ​യി​രു​ന്നു ലോ​ക​വും രാ​ജ്യ​വും. മു​ന്നോ​ട്ടു​ള്ള ല​ക്ഷ്യ സാ​ക്ഷാ​ത്കാ​ര​ത്തി​നൊ​പ്പം പ​ല ന​ഷ്ട​ങ്ങ​ൾ​ക്കും വി​ജ​യ​ങ്ങ​ൾ​ക്കും ക​ഴി​ഞ്ഞ വ​ർ​ഷ​വും ലോ​കം സാ​ക്ഷി​യാ​യി. പ​തി​വുപോ​ലെ എ​ല്ലാ പ്ര​തി​സ​ന്ധി​ക​ളെ​യും അ​തീ​ജി​വി​ച്ച് മാ​ന​വ​രാ​ശി മു​ന്നോ​ട്ടു​പോ​യി.

കോ​വി​ഡ് ത​ള​ർ​ത്തി​യ ര​ണ്ടു വ​ർ​ഷ​ങ്ങ​ൾ​ക്ക് ശേ​ഷം പ്ര​തീ​ക്ഷ​യു​ടെ​യും പ്ര​ത്യാ​ശ​യു​ടെ​യും മി​ന്നാ​ലാ​ട്ട​ങ്ങ​ള്‍ ക​ണ്ട വ​ര്‍ഷ​മാ​യി​രു​ന്നു 2022. അ​തി​ൽ നി​ന്നും ബ​ഹു​ദൂ​രം മു​ന്നോ​ട്ടു കു​തി​ച്ചു 2023. കു​വൈ​ത്തും ഇ​തി​ൽ നി​ന്ന് ഭി​ന്ന​മാ​യി​രു​ന്നി​ല്ല. പി​ന്നി​ടു​ന്ന വ​ർ​ഷം ഈ ​കു​ഞ്ഞു​രാ​ജ്യ​വും വ​ലി​യ സ്വ​പ്ന​ങ്ങ​ളു​മാ​യി മു​ന്നേ​റി.

ഫ​ല​സ്തീ​ൻ സം​ഘ​ർ​ഷം അ​തി​ന്റെ എ​ല്ലാ നോ​വു​ക​ളോ​ടെ​യും കു​വൈ​ത്ത് പോ​യ വ​ർ​ഷം ഏ​റ്റെ​ടു​ത്തു. ഫ​ല​സ്തീ​ൻ ഐ​ക്യ​ദാ​ർ​ഢ്യ ഭാ​ഗ​മാ​യി രാ​ജ്യ​ത്ത് ആ​ഘോ​ഷ പ​രി​പാ​ടി​ക​ൾ നി​ർ​ത്തി​വെ​ച്ചു. ഡി​സം​ബ​റി​ൽ മു​ൻ അ​മീ​ർ ശൈ​ഖ് ന​വാ​ഫ് അ​ൽ അ​ഹ്മ​ദ് അ​ൽ ജാ​ബി​ർ അ​സ്സ​ബാ​ഹി​ന്റെ വേ​ർ​പാ​ട് രാ​ജ്യ​ത്തെ വ​ലി​യ ന​ഷ്ട​ത്തി​ലേ​ക്ക് ന​യി​ച്ചു.

മു​ൻ അ​മീ​റി​ന്റെ വ​ലി​യ ന​ഷ്ടം

രാ​ജ്യ പു​രോ​ഗ​തി​യി​ൽ ശ്ര​ദ്ധേ​യ സം​ഭാ​വ​ന​ക​ൾ അ​ർ​പ്പി​ക്കു​ക​യും കു​വൈ​ത്ത് ഭ​ര​ണ നേ​തൃ​ത്വ​ത്തി​ൽ അ​ര​നൂ​റ്റാ​ണ്ടോ​ളം നി​റ​ഞ്ഞു​നി​ൽ​ക്കു​ക​യും ചെ​യ്ത മു​ൻ അ​മീ​ർ ശൈ​ഖ് ന​വാ​ഫ് അ​ൽ അ​ഹ്മ​ദ് അ​ൽ ജാ​ബി​ർ അ​സ്സ​ബാ​ഹി​ന്റെ വേ​ർ​പാ​ട് 2023 ൽ ​കു​വൈ​ത്തി​ന്റെ വ​ലി​യ ന​ഷ്ട​മാ​യി. ഡി​സം​ബ​ർ 16നാ​ണ് മു​ൻ അ​മീ​ർ അ​ന്ത​രി​ച്ച​ത്.

ദീ​ർ​ഘകാ​ല​മാ​യി അ​സു​ഖ ബാ​ധി​ത​നാ​യി ചി​കി​ത്സ​യി​ൽ ആ​യി​രു​ന്ന അ​മീ​റി​നെ ആ​രോ​ഗ്യ പ്ര​ശ്ന​ങ്ങ​ൾ മൂ​ർച്ഛി​ച്ച​തി​നെ തു​ട​ർ​ന്ന് ന​വം​ബ​ർ 29ന് ​ആ​ശു​പ​ത്രി​യി​ൽ പ്ര​വേ​ശി​പ്പി​ച്ചി​രു​ന്നു. തു​ട​ര്‍ന്ന് ആ​രോ​ഗ്യം തൃ​പ്തി​ക​ര​മാ​യെ​ങ്കി​ലും ഡി​സം​ബ​ർ 16 ന് ​ഉ​ച്ച​യോ​ടെ മ​ര​ണ​പ്പെ​ട്ടു. മു​ൻ അ​മീ​റി​ന്റെ വേ​ർ​പാ​ട് സൃ​ഷ്ടി​ച്ച വേ​ദ​ന​യി​ലൂ​ടെ​യാ​ണ് രാ​ജ്യം വ​ർ​ഷാ​ന്ത്യ​ത്തെ മ​റി​ക​ട​ക്കു​ന്ന​ത്. രാ​ജ്യ​ത്ത്‌ 40 ദി​വ​സ​ത്തെ ഔ​ദ്യോ​ഗി​ക ദു​ഖാ​ച​ര​ണം തു​ട​രു​ന്നു.

പു​തി​യ അ​മീ​ർ

ശൈ​ഖ് ന​വാ​ഫി​ന്റെ നി​ര്യാ​ണ​ത്തോ​ടെ കി​രീ​ടാ​വ​കാ​ശി ശൈ​ഖ് മി​ശ്അ​ൽ അ​ൽ അ​ഹ​മ്മ​ദ് അ​ൽ ജാ​ബി​ർ അ​സ്സ​ബാ​ഹ് കു​വൈ​ത്തി​ലെ പു​തി​യ അ​മീ​റാ​യി ചു​മ​ത​ല​യേ​റ്റു. കി​രീ​ടാ​വ​കാ​ശി​യാ​യും ദേ​ശീ​യ ഗാ​ർ​ഡ്‌​സി​ന്റെ ത​ല​വ​നാ​യും വി​ദേ​ശ ദൗ​ത്യ​ങ്ങ​ളി​ൽ അ​മീ​റി​നൊ​പ്പം സേ​വ​ന​മ​നു​ഷ്ഠി​ച്ചും മു​തി​ർ​ന്ന പ​ദ​വി​ക​ളി​ൽ പ​തി​റ്റാ​ണ്ടു​ക​ളു​ടെ സേ​വ​ന പാ​ര​മ്പ​ര്യം ശൈ​ഖ് മി​ശ്അ​ലി​നു​ണ്ട്.

കി​രീ​ടാ​വ​കാ​ശി​യാ​യി​രി​ക്കെ മു​ൻ അ​മീ​ർ ശൈ​ഖ് ന​വാ​ഫി​നൊ​പ്പം രാ​ജ്യ​ത്തെ കൂ​ടു​ത​ൽ വി​ക​സ​ന​ത്തി​ലേ​ക്കും സ​മൃ​ദ്ധി​യി​ലേ​ക്കും ന​യി​ക്കു​ന്ന​തി​ൽ നേ​തൃ​പ​ര​മാ​യ പ​ങ്കുവ​ഹി​ച്ചു. മു​ൻ അ​മീ​ർ അ​സു​ഖ ബാ​ധി​ത​നാ​യ​തോ​ടെ അ​ന്താ​രാ​ഷ്ട്ര വേ​ദി​ക​ളി​ലും ന​യ​ത​ന്ത്ര ഇ​ട​പെ​ട​ലു​ക​ളി​ലും രാ​ജ്യ​ത്തെ പ്ര​തി​നി​ധീ​ക​രി​ച്ച​തും ശൈ​ഖ് മി​ശ്അ​ലാ​യി​രു​ന്നു. പു​തി​യ അ​മീ​റി​ന്റെ നേ​തൃ​ത്വ​ത്തി​ൽ പ്ര​തീ​ക്ഷ​ക​ളോ​ടെ​യാ​ണ് രാ​ജ്യം പു​തു​വ​ർ​ഷ​ത്തെ വ​ര​വേ​ൽ​ക്കു​ന്ന​ത്.

ഫ​ല​സ്തീ​നെ ചേ​ർ​ത്തുപി​ടി​ച്ചു

ഇ​സ്രാ​യേ​ൽ അ​ധി​നി​വേ​ശ സേ​ന​യു​ടെ അ​തി​ക്ര​മ​ങ്ങ​ളി​ൽ നി​ന്ന് എ​ന്നും ഫ​ല​സ്തീ​ൻ ജ​ന​ത​യെ ചേ​ർ​ത്തു​പി​ടി​ച്ച രാ​ജ്യ​മാ​ണ് കു​വൈ​ത്ത്. പോ​യ വ​ർ​ഷം ലോ​കം അ​തി​ന് സാ​ക്ഷി​യാ​യി. ഒ​ക്ടോ​ബ​റി​ലെ ഇ​സ്രാ​യേ​ൽ ആ​ക്ര​മ​ണ​ത്തി​ന് തൊ​ട്ടു​പി​റ​കെ കു​വൈ​ത്ത് ഫ​ല​സ്തീ​നി​ലേ​ക്ക് എ​യ​ർ​ബ്രി​ഡ്ജ് ആ​രം​ഭി​ക്കു​ക​യും മാ​നു​ഷി​ക സ​ഹാ​യ​വി​ത​ര​ണം ആ​രം​ഭി​ക്കു​ക​യും ചെ​യ്തു.

ഭ​ക്ഷ​ണം, മ​രു​ന്ന്, ടെ​ന്റു​ക​ൾ, പു​ത​പ്പ്, ആം​ബു​ല​ൻ​സു​ക​ൾ, മ​ണ്ണു​മാ​ന്തി​യ​ന്ത്രം തു​ട​ങ്ങി വ​ലി​യ രൂ​പ​ത്തി​ൽ സ​ഹാ​യം കു​വൈ​ത്ത് ഗ​സ്സ​യി​ലെ​ത്തി​ച്ചു. ദേ​ശീ​യ അ​സം​ബ്ലി ഫ​ല​സ്തീ​ൻ വി​ഷ​യം ച​ർ​ച്ച​ചെ​യ്യു​ന്ന​തി​നാ​യി മാ​ത്രം സ​മ്മേ​ളി​ച്ചു. ഫ​ല​സ്തീ​ൻ ഐ​ക്യ​ദാ​ർ​ഢ്യ ഭാ​ഗ​മാ​യി രാ​ജ്യ​ത്ത് ആ​ഘോ​ഷ പ​രി​പാ​ടി​ക​ൾ നി​ർ​ത്തി​വെ​ച്ചു.

2026 ലോ​ക​ക​പ്പ്, 2027 ഏ​ഷ്യ​ൻ ക​പ്പ് ഫു​ട്ബാ​ൾ യോ​ഗ്യ​താ മ​ത്സ​ര​ങ്ങ​ളു​ടെ ഭാ​ഗ​മാ​യി ആ​സ്‌​ട്രേ​ലി​യ​ക്കെ​തി​രാ​യ ഫ​ല​സ്തീ​ൻ ദേ​ശീ​യ ടീ​മി​ന്റെ മ​ത്സ​ര​ത്തി​നും കു​വൈ​ത്ത് വേ​ദി​യൊ​രു​ക്കി. സം​ഘ​ർ​ഷ​ങ്ങ​ൾ കാ​ര​ണം ഫ​ല​സ്തീ​നി​ൽ മ​ത്സ​രം സം​ഘ​ടി​പ്പി​ക്കാ​ൻ ക​ഴി​യാ​ത്ത സാ​ഹ​ച​ര്യ​ത്തി​ലാ​ണ് കു​വൈ​ത്ത് ടീ​മി​നെ സ്വാ​ഗ​തം ചെ​യ്ത​ത്. നി​റ​ഞ്ഞ ഗാ​ല​റി​യി​ൽ കു​വൈ​ത്ത് ജ​ന​ത ഫ​ല​സ്തീ​ന് അ​ഭി​വാ​ദ്യ​മ​ർ​പ്പി​ച്ചു.

കു​ടും​ബ വി​സ​യി​ൽ പ്ര​തീ​ക്ഷ

കോ​വി​ഡി​ന് ശേ​ഷം കു​വൈ​ത്തി​ലേ​ക്കു​ള്ള കു​ടും​ബ വി​സ​യും സ​ന്ദ​ർ​ശ​ന വി​സ​യും അ​നു​വ​ദി​ക്കു​ന്ന​ത് അ​നി​ശ്ചി​ത​മാ​യി നി​ര്‍ത്തി​വെ​ച്ച​ത് മ​ല​യാ​ളി​ക​ള്‍ അ​ട​ക്ക​മു​ള്ള വി​ദേ​ശി​ക​ള്‍ക്ക് വ​ലി​യ പ്ര​യാ​സം സൃ​ഷ്ടി​ച്ചു. 2023 ൽ ​പ്ര​വാ​സി​ക​ളു​ടെ കു​വൈ​ത്തി​ലേ​ക്കു​ള്ള വ​ര​വി​നെ ഇ​ത് കാ​ര്യ​മാ​യി ബാ​ധി​ച്ചു. റ​സി​ഡ​ൻ​സി നി​യ​മ​ത്തി​ൽ മാ​റ്റ​ങ്ങ​ളോ​ടെ പു​തു​വ​ർ​ഷ​ത്തി​ൽ പു​തി​യ നി​യ​മം വ​രു​മെ​ന്നാ​ണ് സൂ​ച​ന. ഇ​തോ​ടെ നി​ർ​ത്തി​വെ​ച്ച കു​ടും​ബ വി​സ, സ​ന്ദ​ർ​ശ​ന വി​സ എ​ന്നി​വ പു​ന​രാ​രം​ഭി​ക്കു​മെ​ന്ന പ്ര​തീ​ക്ഷ​യി​ലാ​ണ് പ്ര​വാ​സി​ക​ൾ.

ഫ​ല​സ്തീ​ൻ സം​ഘ​ർ​ഷ​ത്തി​ന്റെ പ​ശ്ചാ​ത്ത​ല​ത്തി​ൽ കു​വൈ​ത്തി​ൽ ആ​ഘോ​ഷ പ​രി​പാ​ടി​ക​ൾ നി​ർ​ത്തി​വെ​ച്ച​ത് മ​ല​യാ​ളി​ക​ളെ​യും ബാ​ധി​ച്ചു. മ​ല​യാ​ളി സം​ഘ​ട​ന​ക​ൾ ഓ​ണാ​ഘോ​ഷ​ങ്ങ​ൾ നി​ർ​ത്തി​വെ​ച്ചു. രാ​ജ്യ​ത്ത് ക്രി​സ്മ​സ് ആ​ഘോ​ഷ​ങ്ങ​ളും ന​ട​ന്നി​ല്ല. പു​തു​വ​ർ​ഷ​ത്തി​ൽ കൂ​ടു​ത​ൽ തെ​ളി​മ​യോ​ടെ ആ​ഘോ​ഷ​ങ്ങ​ളി​ലേ​ക്ക് ക​ട​ക്കാ​മെ​ന്ന പ്ര​തീ​ക്ഷ​യാ​ണെ​ങ്ങും.

തെ​ളി​യാ​തെ ആ​കാ​ശ വ​ഴി

കു​വൈ​ത്തി​ൽ നി​ന്ന് നാ​ട്ടി​ലേ​ക്കു​ള്ള വി​മാ​ന സ​ർ​വി​സു​ക​ൾ വ​ർ​ധി​പ്പി​ക്കാ​ത്ത​തും ഷെ​ഡ്യൂ​ളു​ക​ൾ താ​ളം താ​ളം തെ​റ്റു​ന്ന​തും പോ​യ വ​ർ​ഷ​വും തു​ട​ർ​ന്നു. സീ​സ​ണി​ൽ വാ​നം​മു​ട്ടെ ഉ​യ​രു​ന്ന ടി​ക്ക​റ്റ് നി​ര​ക്കും മ​ല​യാ​ളി​ക​ളാ​യ പ്ര​വാ​സി​ക​ൾ​ക്ക് ദു​രി​തം തീ​ർ​ക്കു​ന്ന​ത് തു​ട​രു​ന്നു. ഓ​ണം, പെ​രു​ന്നാ​ൾ, ക്രി​സ്മ​സ് ആ​ഘോ​ഷ​വേ​ള​ക​ളി​ലും സ്കൂ​ൾ അ​വ​ധി​ക്കാ​ല​ത്തും നാ​ട്ടി​ലെ​ത്താ​ൻ വ​ലി​യ തു​ക​യാ​ണ് പ്ര​വാ​സി​ക​ൾ ചി​ല​വ​ഴി​ക്കേ​ണ്ടി​വ​രു​ന്ന​ത്.

ക​ണ്ണൂ​രി​ലേ​ക്ക് കു​വൈ​ത്തി​ൽ നി​ന്ന് സ​ർ​വി​സ് ന​ട​ത്തി​യി​രു​ന്ന ഗോ ​ഫ​സ്റ്റ് നി​ർ​ത്ത​ലാ​ക്കി​യ​ത് പു​ന​രാ​രം​ഭി​ച്ചി​ല്ല. എ​യ​ർ​ഇ​ന്ത്യ എ​ക​സ്പ്ര​സ് ആ​ഴ്ച​യി​ൽ ര​ണ്ടു സ​ർ​വി​സാ​യി ഉ​യ​ർ​ത്തി​യ​തു​മാ​​ത്ര​മാ​ണ് ഈ ​സെ​ക്ട​റി​ലെ എ​ക ആ​ശ്വാ​സം.