ഗോവയിലേക്കും മധുരയിലേക്കും ജസീറ എയർവേസ്

കുവൈത്ത് സിറ്റി: ജസീറ എയർവേസ് സൗദി അറേബ്യയിലെ ദമ്മാം വഴി ഇന്ത്യ ഗോവയിലേക്കും മധുരയിലേക്കും രണ്ട് പുതിയ റൂട്ടുകൾ ആരംഭിക്കുന്നു. ഏപ്രിൽ 15 മുതൽ ഗോവയിലേക്ക് ബുധൻ,വെള്ളി ദിവസങ്ങളിലേക്കായി ആഴ്ചയിൽ രണ്ടു സർവിസും ഏപ്രിൽ 16 മുതൽ മധുരയിലേക്ക് വ്യാഴം,ശനി ദിവസങ്ങളിലുമാകും സർവിസ്.

ഇതോടെ ഇന്ത്യയിലെ 16 ഇടങ്ങളിലേക്ക് സർവിസ് ആകുമെന്നു സി.ഇ.ഒ ഭരതൻ പശുപതി പറഞ്ഞു. ദമ്മാം വഴി തടസ്സമില്ലാത്ത യാത്രാ യാത്ര ഉറപ്പാക്കുകയും കുവൈത്തിലേക്കുള്ള അവശ്യ ചരക്ക് നീക്കത്തെ പിന്തുണക്കുകയും ചെയ്യുന്നതായും പറഞ്ഞു. പുതിയ റൂട്ടുകൾ സ്ഥിരമായ ആവശ്യകതയെയും സുപ്രധാന കണക്റ്റിവിറ്റി നിലനിർത്തുന്നതിനുള്ള ജസീറ എയർവേസിന്റെ പ്രതിബദ്ധതയും പ്രതിഫലിപ്പിക്കുന്നതായും അദ്ദേഹം കൂട്ടിച്ചേർത്തു.