നോ​മ്പി​ന്റെ ഗു​ണ​ഫ​ല​ങ്ങ​ൾ ആ​സ്വ​ദി​ക്കു​ക

ഒ​രു​മാ​സ​ത്തെ റ​മ​ദാ​ൻ നോ​മ്പി​ന് അ​വ​സാ​ന​മാ​കു​ക​യാ​യി. ഈ ​മാ​സ​ത്തി​ൽ നാം ​എ​ന്തു​നേ​ടി എ​ന്ന​തി​ന് ഈ ​ഘ​ട്ട​ത്തി​ൽ വ​ലി​യ പ്രാ​ധാ​ന്യ​മു​ണ്ട്. നോ​മ്പ് ശ​രീ​ര​ത്തി​ന് സു​ര​ക്ഷാ​ക​വ​ച​വും ആ​ത്മാ​വി​ന് സം​സ്ക​ര​ണ​വു​മാ​ണ്. ഈ ​ര​ണ്ട് അ​ർ​ഥ​ത്തി​ലും നോ​മ്പി​ന്റെ ഗു​ണ​ഫ​ല​ങ്ങ​ൾ ആ​സ്വ​ദി​ക്കാ​ൻ അ​ടു​ത്ത നോ​മ്പു​വ​രെ ന​മു​ക്കാ​ക​ണം.

നോ​മ്പു​കൊ​ണ്ട് ശ​രീ​ര​ഭാ​രം കു​റ​ക്കു​ന്ന​തു മു​ത​ൽ പ്ര​മേ​ഹ​നി​യ​ന്ത്ര​ണം, കൊ​ള​സ്ട്രോ​ൾ നി​യ​ന്ത്ര​ണം, ആ​രോ​ഗ്യ​മു​ള്ള ച​ർ​മം, ബു​ദ്ധി​വി​കാ​സം വ​രെ​യു​ള്ള ആ​രോ​ഗ്യ​ഗു​ണ​ങ്ങ​ളു​ണ്ട്.

മ​നു​ഷ്യ​ശ​രീ​ര​ത്തി​ലെ ഗ്ര​ന്ഥി​ക​ൾ, ആ​മാ​ശ​യം, പ്ലീ​ഹ, കി​ഡ്നി, ഹൃ​ദ​യം, തൊ​ലി, പ്ര​മേ​ഹം, ര​ക്ത​ഗ്ര​ന്ഥി​ക​ൾ, ക​ര​ൾ എ​ന്നീ അ​വ​യ​വ​ങ്ങ​ൾ​ക്കെ​ല്ലാം പ്ര​ത്യേ​കം ഗു​ണം ചെ​യ്യു​ന്ന​താ​ണ് വ്ര​താ​നു​ഷ്ഠാ​നം. അ​തോ​ടൊ​പ്പം വൈ​റ​സ്, ബാ​ക്ടീ​രി​യ എ​ന്നി​വ​യെ ത​ട​ഞ്ഞ് ശ​രീ​ര​ത്തി​ന്റെ പ്ര​തി​രോ​ധ ശേ​ഷി വ​ർ​ധി​പ്പി​ക്കാ​നും വ്ര​താ​നു​ഷ്ഠാ​നം സ​ഹാ​യി​ക്കും. ലിം​ഫോ​സൈ​റ്റു​ക​ളു​ടെ പ്ര​വ​ർ​ത്ത​ന​സൂ​ചി​ക വ​ർ​ധി​പ്പി​ക്കാ​നും പ്ര​തി​രോ​ധ​ശേ​ഷി സെ​ല്ലു​ക​ളു​ടെ എ​ണ്ണം വ​ർ​ധി​പ്പി​ക്കാ​നും ചി​ല ആ​ന്റി​ബ​യോ​ട്ടി​ക്കു​ക​ളു​ടെ ക്ഷ​മ​ത ഇ​ര​ട്ടി​പ്പി​ക്കാ​നും പ്ര​തി​രോ​ധ പ്ര​വ​ർ​ത്ത​ന​ങ്ങ​ൾ ശ​ക്തി​പ്പെ​ടു​ത്താ​നും വ്ര​താ​നു​ഷ്ഠാ​നം സ​ഹാ​യി​ക്കും എ​ന്ന് പ​ഠ​ന​ങ്ങ​ൾ തെ​ളി​യി​ച്ചി​ട്ടു​ണ്ട്.

ആ​ഹാ​ര​ത്തി​ലെ വി​ഷാം​ശ​ങ്ങ​ൾ ശ​രീ​ര​ത്തി​ൽ അ​ടി​ഞ്ഞു കൂ​ടു​ക​യും ഭാ​രം വ​ർ​ധി​ച്ച് ഊ​ർ​ജ​ത്തി​നു ഭം​ഗം​വ​രു​ത്തി ആ​ളു​ക​ളെ രോ​ഗി​യാ​ക്കി മാ​റ്റു​ക​യും ചെ​യ്യും. നോ​മ്പ​നു​ഷ്ഠി​ക്കു​ന്ന​തോ​ടെ ഈ ​വി​ഷാം​ശ​ങ്ങ​ൾ ശ​രീ​ര​ത്തി​ൽ നി​ന്ന് ഒ​ഴി​ഞ്ഞു​പോ​കും. ശ​രീ​ര​ഭാ​രം കു​റ​യും. ശ​രീ​ര​ത്തി​ലെ സെ​ല്ലു​ക​ൾ പു​തു​രൂ​പം പ്രാ​പി​ക്കാ​ൻ സ​ഹാ​യി​ക്കും.

പ്ര​ഭാ​തം മു​ത​ല്‍ പ്ര​ദോ​ഷം വ​രെ അ​ന്ന​പാ​നീ​യ​ങ്ങ​ളും ശാ​രീ​രി​ക​ബ​ന്ധ​വും പൂ​ര്‍ണ​മാ​യും ഉ​പേ​ക്ഷി​ക്ക​ലാ​ണ് നോ​മ്പി​ന്‍റെ പ്ര​ത്യ​ക്ഷ​ത്തി​ലു​ള്ള രൂ​പം. പ്രാ​ർ​ഥ​ന​ക​ളാ​ലും പു​ണ്യ​ക​ർ​മ​ങ്ങ​ളാ​ലും മ​ന​സ്സി​നെ ശു​ദ്ധീ​ക​രി​ക്കു​ക എ​ന്ന​ത് നോ​മ്പി​ന്‍റെ ആ​ത്മീ​യ രൂ​പ​വു​മാ​ണ്. ഇ​തി​നാ​ൽ നോ​മ്പ് ഒ​രേ സ​മ​യം ശാ​രീ​രി​ക​വും മാ​ന​സി​ക​വു​മാ​യ നി​യ​ന്ത്ര​ണ​മാ​ണെ​ന്ന് പ​റ​യാം. നോ​മ്പെ​ടു​ക്കു​ന്ന വ്യ​ക്തി​ക​ളി​ല്‍ ശാ​രീ​രി​ക ബു​ദ്ധി​മു​ട്ടു​ക​ളി​ലും രോ​ഗ​ങ്ങ​ളി​ലും കു​റ​വു​ണ്ടാ​കു​മെ​ന്നാ​ണ് ക​ണ്ടെ​ത്ത​ൽ. അ​തു​കൊ​ണ്ടു​ത​ന്നെ ഈ ​നേ​ട്ട​ങ്ങ​ൾ നോ​മ്പു​കൊ​ണ്ട് ന​മു​ക്ക് ല​ഭ്യ​മാ​യോ എ​ന്ന് ഗൗ​ര​വ​ത്തി​ൽ ചി​ന്തി​ക്ക​ണം. നോ​മ്പു​കാ​ല​ത്തെ ഭ​ക്ഷ​ണ​ശീ​ല​ങ്ങ​ളി​ൽ ഇ​തി​ന് വ​ലി​യ പ്രാ​ധാ​ന്യ​മു​ണ്ട്. ആ​രോ​ഗ്യ​ക​ര​മാ​യ ജീ​വി​ത​ത്തി​ന് ആ​വ​ശ്യം സ​മീ​കൃ​ത ആ​ഹാ​രം, കൃ​ത്യ​മാ​യ ശാ​രീ​രി​ക-​മാ​ന​സി​ക വ്യാ​യാ​മം എ​ന്നി​വ​യാ​ണ്.